"Until the lions have their own historians the history of the hunt will always glorify the hunter...."
- Chinua Achebe

2015, ഫെബ്രുവരി 27, വെള്ളിയാഴ്‌ച

യുദ്ധവിലാപം - കെ. പി. ഓതറ
















മാനുഷ്യ മൂല്യങ്ങളെ ചങ്ങലക്കിട്ടവര്‍
മനുഷ്യ രക്തത്തിനു വില പേശുന്നു!
ചിതറി വീഴും മനുഷ്യ മാംസങ്ങളില്‍
പിടയുന്ന ജീവന്റെ അലമുറ കേള്‍ക്കേ
ചുടുചോര അളന്നെടുക്കുന്നു യുദ്ധം
മാനവശ്രേണിക്കുനാശം വിതയ്ക്കുന്നു യുദ്ധം
വാതു വച്ചടര്‍ക്കളത്തില്‍ ജീവനെ പന്താടുന്ന
മാരകാം രോഗമാണ് യുദ്ധം, യുദ്ധം
വിളറിവെളുത്തുപോയ ആശതന്‍ ബാക്കിയെ
മരണത്തിനു കൊടുക്കുന്നു യുദ്ധം, യുദ്ധം
ഇനിയുമുണ്ട് മരിച്ചു വീഴാന്‍ നറുക്കു വീണവര്‍
ഇനിയുമുണ്ട് ചതഞ്ഞരഞ്ഞ വാക്കുതെറ്റിയവര്‍
ഇനിയുമുണ്ട് പിടഞ്ഞു തീരാന്‍ ബാക്കിയുള്ളവര്‍
ഒരു നൂറു ചോദ്യശരങ്ങളുമായി
ഇനിയെന്തിന്! ഇനിയെന്തിനീ! യുദ്ധം?
ഇനിയെന്തിന്! ഇനിയെന്തിനീ! യുദ്ധം?
നിങ്ങളെന്‍ മനസ്സു നൊന്ത ചിന്തയറിഞ്ഞുവോ?
നിങ്ങളെന്‍ അടര്‍ന്നു വീണ കണ്ണീര്‍ കണ്ടുവോ?
അതിലുണ്ട് യുദ്ധത്തിന്റെ ഭീകര രൂപം
ഇനിയെന്തിന്! ഇനിയെന്തിനീ! യുദ്ധം?
ഇനിയെന്തിന്! ഇനിയെന്തിനീ! യുദ്ധം?