"Until the lions have their own historians the history of the hunt will always glorify the hunter...."
- Chinua Achebe

2015, ഫെബ്രുവരി 26, വ്യാഴാഴ്‌ച

കുടുംബവീട്ടിലേക്ക് മടങ്ങിവരുന്ന അവര്‍ണ്ണ ഹിന്ദുവിന് ആരു മുറി നല്‍കും? - കേരളശ്രീ റ്റി. എച്ച്. പി. ചെന്താരശ്ശേരി


റ്റി എച്ച് പി 
ഹിന്ദുമതത്തിലെ ജാതിവ്യവസ്ഥയ്ക്കും തീണ്ടലും തൊടീലും പോലുള്ള സാംസ്‌ക്കാരിക ജീര്‍ണ്ണതകള്‍ക്കും എതിരെയും കൂടാതെ ആത്മാഭിമാനത്തിന്റെ മോചനവും കണ്ടുകൊണ്ടാണ് ക്രിസ്ത്യന്‍, മുസ്ലീം, സിക്ക് മതങ്ങളിലേക്ക് ദലിത് പിന്നോക്ക ജനവഭാഗങ്ങള്‍ ഹിന്ദുമതം ഉപേക്ഷിച്ചുപോയത്. ഇപ്പോള്‍ സംഘപരിവാര്‍ പറയുന്നത്'' സകലമാന ഇന്ത്യക്കാരുടെയും മൂലകുടുംബം ഹിന്ദുത്വമാണ്. ആകയാല്‍ മറ്റുവിശ്വാസമാര്‍ഗ്ഗങ്ങള്‍ സ്വീകരിച്ചുപോയവരെ സ്വന്തം ഭവനത്തിലേക്ക് തിരികെ കൊണ്ടുവരുക എന്ന അര്‍ത്ഥത്തില്‍ ഘര്‍വാപസി കൊണ്ട് ഉദ്ദേശിക്കുന്നത്. 

ചാതുര്‍വര്‍ണ്ണ വ്യവസ്ഥ ഇന്നും നിലനില്‍ക്കുന്ന ഹിന്ദുമതത്തില്‍ തിരികെ ചെല്ലുന്നവര്‍ക്ക് ബ്രാഹ്മണരുടെയോ ക്ഷേത്രിയരുടെയോ വൈശ്യരുടെയോ സ്ഥാനം നല്‍കാന്‍ ആര്‍ഷഭാരത വക്താക്കള്‍ തയ്യാറാകുമോ എന്ന് വ്യക്തമാക്കേണ്ടതുണ്ട്. ജാതി വ്യവസ്ഥ നശിക്കാത്ത ഹിന്ദുമതത്തില്‍ തിരികെ ചെല്ലുന്ന ദലികര്‍ക്കും പിന്നോക്കക്കാര്‍ക്കും സ്വത്വബോധം നഷ്ടപ്പെട്ട് അന്തരാളഘട്ടത്തിലേക്ക് (എങ്ങും ഇല്ലാത്തവരാക്കി) മാറ്റപെടുമെന്നുള്ളതാണ് ഘര്‍വാപസിയുടെ ബാക്കി പത്രം.