"Until the lions have their own historians the history of the hunt will always glorify the hunter...."
- Chinua Achebe

2015, മാർച്ച് 1, ഞായറാഴ്‌ച

ടി.കെ.സി.വടുതല - ഒര്‍ണ കൃഷ്ണന്‍കുട്ടി


ടി കെ സി വടുതല 
യഥാര്‍ത്ഥ പേര് ടി.കെ.ചാത്തന്‍. 1921 ഡിസംബര്‍ 23 ന് എറണാകുളത്ത് വടുതലയില്‍ കൊച്ചുകായ പറമ്പില്‍ തൈപ്പികണ്ടന്റെയും പനക്കാപ്പാടത്ത് കുറുമ്പയുടേയും മകനായി ചാത്തന്‍ ജനിച്ചു. കൊച്ചി പ്രജാമണ്ഡലത്തില്‍ അംഗമായിരുന്നു. സമുദായിക പരിഷ്‌ക്കരണ പരിപാടികളില്‍ സജീവമായി പങ്കെടുത്തു. ചിങ്കാഗോ ട്രൈബ്യൂണല്‍, ഹിന്ദുസ്ഥാന്‍ ടൈംസ്, മാതൃഭൂമി എന്നീ പത്രങ്ങളുടെ ആഭിമുഖ്യത്തില്‍ 1950 ല്‍ നടത്തിയ ലോക ചെറുകഥാ മത്സരത്തില്‍ മലയാളത്തില്‍ നിന്ന് സമ്മാനാര്‍ഹമായ രചനകളിലൊന്ന് ചാത്തന്‍ വടുതലയുടെ 'രാജതലമുറ'യ്ക്കാണ് ല ഭിച്ചത്. 

പബ്ലിക് റിലേഷന്‍ ആഫീസറും ലളിതകലാ അക്കാദമി സെക്രട്ടറിയായും പ്രവര്‍ത്തിച്ച വടുതല അംബേദ്ക്കര്‍ 'ആന്ദോളജി' എന്ന ഗ്രന്ഥം ഉള്‍പ്പെടെ ഒട്ടേറെ ചെറുകഥകള്‍ രചിച്ചിട്ടുണ്ട്. എല്ലാം പുലയര്‍ അനുഭവിച്ച രോദനങ്ങളുടെ കഥകളാണ്. പട്ടിജകാതി സംവരണമില്ലാത്ത രാജസഭയിലേക്ക് കേരളത്തില്‍ നിന്ന് തെരഞ്ഞെടുക്കപ്പെട്ട ആദ്യത്തെ പുലയന്‍ ടി.കെ.സി.വടുതലയാണ്. സമുദായിക സ്വത്വം ഇത്രയും ഉള്‍ക്കൊണ്ട സാഹിത്യകാരന്‍ പുലയരുടെ ഇടയില്‍ അപൂര്‍വ്വമാണുള്ളത്. പുലയരുടെ എക്കാലത്തെയും തീരാനഷ്ടമായിരുന്നു ടി.കെ.സിയുടെ അന്ത്യം. ചങ്കരാന്തിഅട, അച്ചണ്ട വെന്തീങ്ങു ഇന്നാ! അങ്കാ എറങ്ങിക്കെടേന്റെ കണ്ടങ്ങോര!, സന്താന വാത്സല്യം, സത്യയുവത്വത്തിന് വേണ്ടി, നേതാവിന്റെ ബ്ലീച്ച്, തുടങ്ങിയ കഥാകള്‍ അദ്ദേഹം രചിച്ചിട്ടുണ്ട്. പ്രമുഖ ചെറുകഥാകൃത്ത് സി.അയ്യപ്പന്‍ വിവാഹം കഴിച്ചിട്ടുള്ളത് ടി.കെ.സിയുടെ ഇളയ മകളെയാണ്. 1988 ജൂലൈ 1 ന് അന്തരിച്ചു. ടി.കെ.സിയുടെ ചെറുകഥാ അദ്ദേഹത്തെ രണ്ടുപ്രാവശ്യം നിയമസഭ തെരഞ്ഞെടുപ്പില്‍ തോല്‍പ്പിച്ചിട്ടുണ്ട്.