"Until the lions have their own historians the history of the hunt will always glorify the hunter...."
- Chinua Achebe

2015, മാർച്ച് 18, ബുധനാഴ്‌ച

ദേവന്മാരുടെ രാജാവായ ഇന്ദ്രന്‍ പുരന്ധരനും (പുരങ്ങളെ നശിപ്പിക്കുന്നവന്‍) ഗവ്യം ഭുജിക്കുന്നവനുമാണ്


I. ദേവന്മാരുടെ രാജാവായ ഇന്ദ്രന്‍ 'ഗവ്യം' ഭുജിച്ചിരുന്നു എന്ന് ഋഗ്വേദത്തില്‍! നവീന വേദജ്ഞര്‍പറയുന്നത് ഗവ്യം എന്നാല്‍ പശുവില്‍ നിന്ന് ലഭിക്കുന്നത് എന്നാണര്‍ത്ഥം എന്ന്

 ചിന്തിക്കേണ്ടത്.
1) 'ഗവ്യം' പശുവില്‍ നിന്ന് ലഭിക്കുന്നത് എന്നത് ആ പദത്തിന്റെ വ്യാഖ്യാനമാണ്

മീമാംസകന്മാര്‍ വാച്യാര്‍ത്ഥമാണ് നല്‍കാറുള്ളത്. കാരണം മീമാംസകള്‍ വ്യാഖ്യാനം കൂടാതെ വാച്യാര്‍ത്ഥത്തില്‍ ഗ്രഹിക്കണം. എങ്കിലേ വ്യവഹാര പരിവര്‍ത്തനം നടക്കുകയുള്ളൂ.


2) സാഹിത്യസൃഷ്ടികള്‍ 'വ്യംഗ്യ' ഭായില്‍ ആകും ചിലപ്പോള്‍. കാരണം അത് വിനോദത്തിന് വേണ്ടിയുള്ളതാണ്. 'രാഘവ പാണ്ഡവീയം' എന്ന കാവ്യം ഉദാഹരണം. ഇതിലെ രാഘവന്‍ രാമായണത്തേയും പാണ്ഡവര്‍ മഹാഭാരതത്തേയും കുറിക്കുന്നു. ഈ കാവ്യം വ്യാഖ്യാനിക്കുന്നവര്‍ക്ക് രാമായണത്തേയും മഹാഭാരതത്തേയും വേര്‍തിരിച്ചോ ഒരുമിച്ചോ രസിക്കാം!
അപ്പോള്‍ ഋഗ്വേദം വിനോദ കൃതിയോ മീമാംസയോ?

 II. ഇനി മനോജ് ആചാര്യന്‍ പറയുന്നത് വ്യംഗ്യാര്‍ത്തത്തില്‍ തന്നെ എടുക്കാം. 'ഗവ്യം' പശുവില്‍ നിന്ന് ലഭിക്കുന്നത് തന്നെ!

1) പശുവില്‍ നിന്ന് പാല്‍ മാത്രമേ ലഭിക്കൂ....!?  


2) ഈ വ്യാഖ്യാനമനുസരിച്ച് പാല്‍ മാത്രമല്ലല്ലോ പശുവില്‍ നിന്ന് ലഭിക്കേണ്ടത്?


3) 'ഗവ്യ'ത്തിന് 'പശുവില്‍ നിന്ന് ലഭിക്കുന്നത്' എന്നാണര്‍ത്ഥമെങ്കില്‍ മാംസം, മലമൂത്രം (തോല്‍ മാംസത്തിന്റെ കൂടെ കൂട്ടാം) എന്നിവയും പശുവില്‍ നിന്നല്ലേ ലഭിക്കുന്നത്? അപ്പോള്‍ ഇന്ദ്രന്‍ വെറും പാലുകുടിയന്‍ മാത്രമാണോ, ഗോമാംസ ഭക്ഷകന്‍ കൂടിയല്ലേ?


4) 'പാല്‍' എന്നു മാത്രമാണ് അര്‍ത്ഥമെങ്കില്‍, ആ വാക്കിന് 'ക്ഷീരഃ, പയഃ, ദുഗ്ധഃ' എന്നിങ്ങനെ ഒട്ടേറെ അര്‍ത്ഥങ്ങള്‍ സംസ്‌കൃതത്തില്‍ ഉണ്ടല്ലോ? 'പാല്‍' എന്ന വാക്കിന്റെ സമാനപദത്തിന് ഒരു പഞ്ഞവും സംസ്‌കൃത ഭാഷയില്‍ ഉണ്ടായിരുന്നില്ലല്ലോ!? എന്നിട്ടും വേദജ്ഞര്‍ 'ഗവ്യം' എന്നു തന്നെ ഉപയോഗിച്ചത് എന്തിന്?

III. മനോജ് ആചാര്യന്‍ പറയുന്നതുപോലെ 'ഗവ്യ'ത്തിന് 'പശുവില്‍ നിന്ന് ലഭിക്കുന്ന'ത് എന്നല്ല അര്‍ത്ഥം. 'പശുവിനെ സംബന്ധിച്ച'ത് എന്നാണ് അര്‍ത്ഥം. 

1) പശുവിന് കൊടുക്കുന്ന പുല്ലും ഗവ്യമാണ്.


2) അപ്പോള്‍ ഇന്ദ്രന്‍ പുല്ലും ഭക്ഷിച്ചിരുന്നു!


3) കാണിപ്പയ്യൂര്‍ ശങ്കരന്‍ നമ്പൂതിരിപ്പാടിന്റെ സംസ്‌കൃതം - മലയാളം ഡിക്ഷനറി നോക്കുക. ഗവ്യഃ - പശുവിനെ സംബന്ധിച്ച, പാല്‍ നെയ്യ് മുതലായവ, പശുവിനിഷ്ടമുള്ള പുല്ല് മുതലായവ, വില്ലിന്റെ ഞാണ് ചായം.


4) ഗവ്യുഃ - പശുക്കളില്‍ താല്പര്യമുള്ള, പശുവിനേയോ പശുവെ സംബന്ധിച്ച മറ്റു വസ്തുവേയോ ഗ്രഹിക്കുന്ന, യുദ്ധക്കൊതിയനായ. (പേജ് 409)


5) ഇതു തന്നെയാണ് പ്രൊഫഃ/ചരിത്രകാരനായ രാം ശരണ്‍ ശര്‍മ്മയും പറയുന്നത്: 'പശുക്കള്‍ക്കു വേണ്ടിയായിരുന്നു അവരുടെ പല യുദ്ധങ്ങളും. ഋഗ്വേദത്തില്‍ യുദ്ധത്തിനുപയോഗിക്കുന്ന വാക്ക് ഗവിഷ്ഠി (പശുക്കള്‍ക്കു വേണ്ടിയുള്ള അന്വേഷണം) എന്നാണ്. ഏറ്റവും പ്രധാന സമ്പത്തായിരുന്നു പശുക്കള്‍ എന്നു കാണുന്നു. പുരോഹിതര്‍ക്ക് നല്‍കുന്ന ദക്ഷിണകളെ കുറിച്ച് നാം കേള്‍ക്കുമ്പോഴൊക്കെ അവ സാധാരണ പശുക്കളും ദാസിമാരും ഉള്‍പ്പെടുന്നതായിരുന്നു, ഒരിക്കല്‍ പോലും ഭൂമി ഉള്‍പ്പെട്ടിട്ടില്ല ' എന്ന്




IV കാണിപ്പയ്യൂര്‍ ഗവ്യത്തിന് കൊടുക്കുന്ന അര്‍ത്ഥമനുസരിച്ച് ഇന്ദ്രന്‍ യുദ്ധക്കൊതിയനായിരുന്നു - പശുക്കള്‍ക്കു വേണ്ടിയായിരുന്നു ആ യുദ്ധമെന്നതിനാലാണ് ഗവ്യത്തിന് ആ അര്‍ത്ഥം വന്നത്.
1) വേദങ്ങളില്‍ ഇന്ദ്രനെ പുരന്ധരന്‍ എന്ന് വിളിക്കുന്നു. ഋഗ്വേദത്തില്‍ ഇന്ദ്രനെ പുരന്ധരന്‍ എന്നു വിളിക്കുന്നു.- അദ്ദേഹം കോട്ടകളെ തകര്‍ക്കുന്നവനായിരുന്നു എന്നാണതിന്റെ അര്‍ത്ഥം - രാം ശരണ്‍ ശര്‍മ്മ
2) പശുക്കളെ അതിഥി സല്‍ക്കാരത്തിനും ഉപയോഗിച്ചു.- യാഗങ്ങളില്‍ മൃഗങ്ങളെ വന്‍തോതില്‍ കൊല്ലുന്നത് ഉള്‍പ്പെട്ടിരുന്നു. പ്രത്യേകിച്ചും കന്നുകാലി സമ്പത്തിന്റെ നാശം. അതിഥി അറിയപ്പെട്ടത് ഗോഘാന അഥവാ കന്നുകാലികളാല്‍ ഊട്ടപ്പെട്ടവന്‍ എന്നാണ്‌

3) യജ്ഞം നടത്തുന്ന മുഖ്യന് (യജമാനന്) ദക്ഷിണയായി കൊടുക്കുന്നതും പശുക്കളെയായിരുന്നു.- രാജസൂയയാഗത്തില്‍ കാര്‍മ്മികത്വം വഹിച്ച പുരഹിതനു ദക്ഷിണയായി 2,40,000 പശുക്കളെ നല്‍കി എന്ന് നാം കേള്‍ക്കുന്നു.

 V. ഇനി കാണിപ്പയ്യൂര്‍ ശങ്കരന്‍ നമ്പൂതിരിപ്പാട് 'യാഗം' ശബ്ദത്തിന് കൊടുക്കുന്ന അര്‍ത്ഥം നോക്കാം.

ഗൗഃ = പശു, സ്വര്‍ഗം, രശ്മി, വജ്രം, ചന്ദ്രന്‍, ആദിത്യന്‍, ഒരു യജ്ഞം, എടവകം, കണ്ണ്, അമ്പ്, വാക്ക്, ഭൂമി, മാതാവ്, രോമം, വെള്ളം (പേജ് 427)

ഇതില്‍ പറയുന്ന 'യജ്ഞം' യാഗമാണ്. യജ്ഞകീലകഃ = യാഗപശുവിനെ കെട്ടിയിടുന്ന കുറ്റി (പേജ് 881)

യജ്ഞഭാഗേശ്വരഃ = ഇന്ദ്രന്‍ (പേജ് 881)

1) കഴുത്തില്‍ താടയുള്ള (സംസ്‌കൃതത്തില്‍ 'സാസ്‌നാ') മൃഗം എന്ന അര്‍ത്ഥത്തില്‍ പശുവിന് 'ഗൗഃ' എന്ന് പേരു വന്നു.
2) ഇന്‍ഡോ - യൂറോപ്യന്‍ ഭാഷയില്‍ പെടുന്ന ഇംഗ്ലീഷില്‍ 'കൗ' (COW) എന്നും പേര്‍ഷ്യന്‍ ഭാഷയില്‍ 'ഗാവ്' (GAAV) എന്നും ഗൗഃ നെ ഉച്ചരിക്കുന്നു.
3) യാഗത്തിന്റെ നിഷ്പത്തിയും ഗൗഃ വില്‍ നിന്നു തന്നെ. 'ഗ' ശബ്ദം ശ്രദ്ധിക്കുക.
4) പശുക്കളെ കൊന്നു ഭക്ഷിക്കുന്ന ഉത്സവമാണ് യാഗം. യജ്ഞം അതിന്റെ മറ്റൊരു പേരാണ്.
5) യാഗം പശുവിനെ സംബന്ധിച്ചതായതുകൊണ്ട് 'ഗവ്യം' എന്ന് പ്രയോഗിക്കുന്നു. 

മനോജ് ആചാര്യന് 'ഗവ്യം' എന്താണെന്ന് പിടികിട്ടിക്കാണണം. പശുവില്‍ നിന്ന് ലഭിക്കുന്നതാണ് (പാല്‍) ഗവ്യമെങ്കില്‍ അതിന് യാഗം നടത്തേണ്ട ആവശ്യമില്ല. കാണിപ്പയ്യൂര്‍ കൊടുക്കുന്ന അര്‍ത്ഥമനുസരിച്ച് പശുവിനെ സംബന്ധിച്ചതാണ് ഗവ്യം. അതായത് യാഗം. യാഗം എന്തിനാണ് നടത്തുന്നതെന്നും പിടികിട്ടിക്കാണണം. -