"Until the lions have their own historians the history of the hunt will always glorify the hunter...."
- Chinua Achebe

2015, നവംബർ 1, ഞായറാഴ്‌ച

ഡോ.അംബേദ്ക്കറും ഭരണഘടനാ വിപ്ലവവും - ഡോ. സുരേഷ് മാനേ

സ്വാതന്ത്ര്യപ്രാപ്തിക്കു മുന്‍പുള്ള കാലഘട്ടത്തില്‍ നിരവധി സാമൂഹ്യ വിപ്ലവകാരികള്‍ അവരവരുടെ പ്രദേശങ്ങളില്‍ നയരൂപീകരണ സമിതികളില്‍ അംഗങ്ങളായിരുന്നു വെങ്കില്‍ക്കൂടി, പലവിധമായ കാരണ ങ്ങളാല്‍ അവര്‍ക്ക് താഴ്ന്നജാതി ക്കാരുടെ വരും തലമുറകളുടെ ഭാവി യെ പരിരക്ഷിക്കാന്‍ കഴിഞ്ഞിരുന്നില്ല. എന്നാല്‍ ഡോ.അംബേദ്ക്കര്‍ക്ക് തന്റെ കഴിവുറ്റ ഭരണഘടനാ നിര്‍മ്മാണ വൈദഗ്ദ്ധ്യത്തിനാല്‍ അതിനു കഴിഞ്ഞു. ഭരണഘടനാ നിര്‍മ്മാണ സമിതിയിലേയ്ക്കുള്ള ഡോ.അംബേദ്ക്കറുടെ പ്രവേശനം ഇന്ത്യയിലെ ഏറ്റവും ത്രസിപ്പിക്കുന്നതും അമ്പരപ്പുളവാക്കുന്നതുമായ, പ്രത്യേകിച്ച് കോണ്‍ഗ്രസ്സിന്, സംഭവവികാസമായിരുന്നു. അതുകൊണ്ടുതന്നെ ഈ സംഭവം നിരവധി ചിന്തകരുടേയും പണ്ഡി തരുടേയും നിരവധി വ്യാഖ്യാനങ്ങള്‍ക്ക് വിധേയമായിട്ടുണ്ട്. 1946 ല്‍ ഭരണഘടനാ നിര്‍മ്മാണ സമിതിയിലേയ്ക്കുള്ള തെരെഞ്ഞെടുപ്പ് പ്രഖ്യാപിക്കപ്പെട്ടപ്പോള്‍ ഭരണ ഘടനാ നിര്‍മ്മാണസമിതിയില്‍ അയിത്തജാതിക്കാരുടെ പ്രാതിനിധ്യ ത്തിനെക്കുറിച്ച് ഏറ്റവും വ്യാകുലചിത്തനായ വ്യക്തി ഡോ.അംബേദ്ക്ക റായിരുന്നു. ഈ സുപ്രധാന സമിതിയിലേയ്ക്ക് ഡോ. അംബേദ്ക്കറെ കടന്നുവരാന്‍ അനുവദിക്കരുതെന്ന കാര്യത്തില്‍ കോണ്‍ഗ്രസ്സ് പാര്‍ട്ടിക്ക് നിശ്ചയദാര്‍ഡ്യമുണ്ടായിരുന്നു. കോണ്‍ഗ്രസ്സിനുവേണ്ടി ഈ പ്രഖ്യാപനം പ്രാബല്യത്തില്‍ കൊണ്ടുവന്നത് സര്‍ദാര്‍ പട്ടേലായിരുന്നു. സര്‍ദാര്‍ പട്ടേല്‍ പ്രഖ്യാപിച്ചത്, ' ഭരണഘടനാ നിര്‍മ്മാണ സമിതിയുടെ പ്രധാനവാതിലു കള്‍ക്കു പുറമേ, ഞാന്‍ അതിന്റെ ജനാലകള്‍കൂടി വലിച്ചടച്ചിട്ടുണ്ട്. ഇനി നമുക്കു കാണാം എങ്ങനെ ഡോ.അംബേദ്ക്കര്‍ ഈ സമിതിക്കുള്ളി ലേയ്ക്കു കടക്കുന്നുവെന്ന്.' 19

1946 ല്‍ പ്രവിശ്യാ ഗവണ്‍മെന്റുകള്‍ രൂപീകരിക്കുവാനുള്ള തെരെഞ്ഞെടു പ്പുകള്‍ നടന്നു. ഈ തെരെഞ്ഞെടുപ്പ് ചരിത്രപരമായിരുന്നു. കാരണം പ്രവിശ്യാ നിയമസഭകളിലേയ്ക്കു തിരഞ്ഞെടുക്കപ്പെടുന്ന അംഗങ്ങളാണ് വീണ്ടും ഭരണഘടനയുടെ കരടുരൂപം രചിക്കുവാനുള്ള പുതിയ ഭരണഘടനാ നിര്‍മ്മാണ സമിതിയിലേയ്ക്ക് തിരഞ്ഞെടുക്കപ്പെടേണ്ടത്. ഡോ.അംബേദ്ക്കറുടെ പാര്‍ട്ടിയായ ആള്‍ ഇന്ത്യാ ഷെഡ്യൂള്‍ഡ് കാസ്റ്റ് ഫെഡറേഷന്‍ തെരെഞ്ഞെടുപ്പില്‍ മല്‍സരിച്ചെങ്കിലും മദ്രാസില്‍ നിന്നും ബംഗാളില്‍ നിന്നുമുള്ള രണ്ടുസീറ്റൊഴികെ ബാക്കിയെല്ലാ സ്ഥാനാര്‍ത്ഥി കളും പരാജയപ്പെട്ടു. ബംഗാളില്‍ വിജയിച്ചത് ജോഗേന്ദ്രനാഥ് മണ്ഡലായി രുന്നു. ഡോ.അംബേദ്ക്കര്‍ മല്‍സരിച്ചിരുന്നില്ല. 

1946 ആഗസ്റ്റ് 12 ന് ഗവണ്‍മെന്റിന്റെ രൂപരേഖാ പദ്ധതി കോണ്‍ഗ്രസ്സില്‍ നിന്നും വൈസ്രോയി ആവശ്യപ്പെട്ടപ്പോള്‍ ആ പാര്‍ട്ടി നിര്‍ദ്ദേശിച്ചത് കോണ്‍ഗ്രസ്സില്‍ നിന്നും മുസ്ലീംലീഗില്‍ നിന്നും അഞ്ചു വീതം അംഗങ്ങളും അയിത്തജാതിക്കാരുള്‍പ്പെടെയുള്ള ന്യൂനപക്ഷങ്ങളില്‍ നിന്നും നാലംഗങ്ങളു മെന്നായിരുന്നു. തുടര്‍ന്ന് 1946 ആഗസ്റ്റ് 24 ന് അയിത്തജാതിക്കാരുടെ കുത്തകയുള്ള പ്രതിനിധിയെന്ന നിലയില്‍ ബീഹാറില്‍ നിന്നുള്ള ഒരു അയിത്തജാതിക്കാരനായ ജഗ്ജീവന്‍ റാമിനെ മന്ത്രിസഭയില്‍ ഉള്‍പ്പെടുത്തി. എന്നാല്‍ ഇയാള്‍ ഇടക്കാല മന്ത്രിസഭയിലെ ഒരു കോണ്‍ഗ്രസ്സ് നോമിനി മാത്രമാണെന്നു പറഞ്ഞുകൊണ്ട് ഈ നിയമനത്തെ ജിന്ന പരസ്യമായി എതിര്‍ത്തു. 1946 ലെ ഇടക്കാല മന്ത്രിസഭയിലേയ്ക്കുള്ള പട്ടികജാതി പ്രതിനിധിയായി ശരിക്കും നെഹ്‌റു തിരഞ്ഞെടുത്തിരുന്നത് മദ്രാസില്‍ നിന്നുള്ള മുനിസ്വാമി പിള്ളയെയായിരുന്നു. എന്നാല്‍ രാജേന്ദ്രപ്രസാദും പട്ടേലും ഗാന്ധിജിയും ഒരു വലിയ ഗൂഢാലോചനയുടെ ഭാഗമായി ജഗ്ജീവന്‍ റാമിനെ അനുകൂലിച്ചു. വീണ്ടും 1952 ല്‍ നെഹ്‌റുവിന് ഇദ്ദേഹത്തെ തന്റെ മന്ത്രിസഭയില്‍ നിന്നും ഒഴിവാക്കി പകരം ഒരു ഗവര്‍ണറായി നിയമിക്കണമായിരുന്നു. പക്ഷേ ഇത്തവണയും റാമിനു വേണ്ടി രാജേന്ദ്രപ്രസാദ് നിലകൊണ്ടു.20

എന്നാല്‍ 1946 സെപ്റ്റംബര്‍ 2ന് അധികാരത്തിലേറത്തക്കനിലയില്‍1946 ആഗസ്റ്റ് 24ന് വൈസ്രോയി പുതിയ കാബിനറ്റ് ജഗ്ജീവന്റാമിനെ ഉള്‍പ്പെടുത്തി പ്രഖ്യാപിച്ചു. 1946 സെപ്റ്റംബര്‍ 26 ന് മുസ്ലീംലീഗിന്റെ ഭാഗമെന്ന നിലയില്‍ ജോഗേന്ദ്രമണ്ഡല്‍ (ബംഗാളിലെ ലീഗ് മന്ത്രിസഭയിലു ണ്ടായിരുന്ന ഏക അയിത്തജാതിക്കാരനും ഹിന്ദു മന്ത്രിയും) പണ്ഡിറ്റ് ജവഹര്‍ലാല്‍ നെഹ്‌റു നേതൃത്വം നല്‍കുന്ന ഇടക്കാലഗവണ്‍മെന്റില്‍ മന്ത്രിയായി സത്യപ്രതിജ്ഞ ചെയ്തു.

മി.ജഗ്ജീവന്‍ റാമിനെ കോണ്‍ഗ്രസ്സ് ഉള്‍പ്പെടുത്തുകയും സ്ഥാനക്കയറ്റം നല്‍കുകയും ചെയ്തതും, മി. ജിന്ന ഇടക്കാല ഗവണ്‍മെന്റില്‍ തന്റെ മതേതരത്വ സ്വഭാവത്തെ ശക്തിപ്പെടുത്തുന്നതിനായി മി. ജെ. മണ്ഡലിന് സ്ഥാനക്കയറ്റം നല്‍കിയതും ശൂദ്രരുടെ (ദലിതരുടെയും) പോരാട്ടങ്ങളിലെ ദുഃഖകരമായ നിമിഷങ്ങളായിരുന്നു. ഇരുവരും മന്ത്രിമാരായെങ്കിലും ശൂദ്രരുടെ ഏറ്റവും മഹാനായ നേതാവ് ഡോ.അംബേദ്ക്കര്‍ അധികാര ഗോപുരങ്ങളില്‍നിന്ന് ബോധപൂര്‍വ്വം അകറ്റിനിര്‍ത്തപ്പെട്ടു.

1946 ഏപ്രില്‍ 2 ന് ആള്‍ ഇന്ത്യാ ഷെഡ്യൂള്‍ഡ് കാസ്റ്റ് ഫെഡറേഷന്‍ ഡല്‍ഹിയില്‍ വച്ച് ഒരു അടിയന്തിരയോഗം ചേര്‍ന്നു. ആ യോഗത്തില്‍ വച്ച് ഫെഡറേഷന്റെ ഒരംഗത്തേയെങ്കിലും ഭരണഘടനാ നിര്‍മ്മാണ സമിതിയിലേ യ്ക്കയയ്‌ക്കേണ്ടതിന്റെ ആവശ്യകതയെക്കുറിച്ച് ഡോ.അം ബേദ്ക്കര്‍ ഊന്നിപ്പറഞ്ഞു. അവസാനം ഫെഡറേഷന്റെ പ്രതിനിധിയായി ഡോ.അംബേദ്ക്കറെ ഭരണഘടനാ നിര്‍മ്മാണ സമിതിയി ലേയ്ക്കയ യ്ക്കാന്‍, അത് വളരെ ശ്രമകരമായ ഒരു ദൗത്യമാണെങ്കില്‍ക്കൂടി, തീരുമാനിച്ചു. ആ സമയത്ത് അദ്ദേഹത്തിന്റെ പേര് ശുപാര്‍ശ ചെയ്യാന്‍ കേവലം ഒരു എം.എല്‍.എ പോലും മഹാരാഷ്ട്രയില്‍ നിന്നോ ഉത്തര്‍പ്രദേശില്‍ നിന്നോ പഞ്ചാബില്‍ നിന്നോ ഇല്ലായിരുന്നു. എന്നാല്‍ ബംഗാളില്‍ അസംബ്ലിയില്‍ ജോഗേന്ദ്രനാഥ് എന്ന എം.എല്‍.എ, ഫെഡറേഷന്റെ ഭാഗത്തുണ്ടായിരുന്നു. ആ വഴിക്ക് ബംഗാളില്‍ നിന്നും ഇലക്ഷനില്‍ മല്‍സരിക്കാന്‍ ക്ഷണം ലഭിച്ചതു പ്രകാരം 1946 ജൂണ്‍ 29 ന് മണ്ഡലുമായി ഈ വിവരങ്ങള്‍ ചര്‍ച്ചചെയ്യാന്‍ ഡോ.അംബേദ്ക്കര്‍ ബംഗാളിലെത്തി. കാര്യങ്ങളെല്ലാം അപഗ്രഥിച്ചപ്പോള്‍ ഭരണഘടനാ നിര്‍മ്മാണ സമിതിയിലേയ്ക്കു തെരെഞ്ഞെടുക്കപ്പെടുമെന്ന എല്ലാ പ്രതീക്ഷയേയും ഡോ.അംബേദ്ക്കര്‍ ഉപേക്ഷിച്ചു. പക്ഷേ അതീവ ധൈര്യശാലിയായ മണ്ഡല്‍ തെരെഞ്ഞെടുപ്പു ജയിക്കുവാനായി തന്റെ എല്ലാ സഹായവും വാഗ്ദാനം ചെയ്തു. മണ്ഡലിന്റെ നേതൃത്വത്തിന്‍ കീഴില്‍ ഷെഡ്യൂള്‍ഡ് കാസ്റ്റ് ഫെഡറേഷന്റെ യുവജന വിഭാഗമടക്കമുള്ള മുഴുവന്‍ ബംഗാള്‍ യൂണിറ്റും രാജ്യത്തെ ഇന്നുവരെയുള്ള ദലിത് പ്രസ്ഥാനങ്ങളുടെ ചരിത്രത്തിലില്ലാത്തവിധം സമാനതകളില്ലാത്ത അത്യുജ്ജ്വലമായ ഒരു പോരാട്ടം കാഴ്ചവച്ചു.21 ഈ ചരിത്രപരമായ പോരാട്ടത്തെക്കുറിച്ച് മനസ്സിലാക്കണമെങ്കില്‍ അതിലേ യ്ക്കു നയിച്ച എല്ലാ സംഭവവികാസങ്ങളേയും മനസ്സിലാക്കിയേ മതിയാ കൂ. അവ ചുവടെ കൊടുക്കുന്നു.

1. ഈ ഇലക്ഷനില്‍ ഡോ.അംബേദ്ക്കറെ ഏതുവിധത്തിലും പരാജയ പ്പെടുത്തുവാന്‍ കോണ്‍ഗ്രസ്സ് പാര്‍ട്ടി തീരുമാനിക്കുന്നു. അതു പ്രഖ്യാപിച്ചു കൊണ്ട് പാര്‍ട്ടി ജനങ്ങളെ സമീപിച്ചു. ഗാന്ധി അതിയശകരമാംവിധം നിശ്ശബ്ദത പാലിക്കുന്നു.

2. 1946ല്‍ ബംഗാള്‍ അസംബ്ലിയില്‍ കോണ്‍ഗ്രസ്സിന് 26 എം.എല്‍.എ മാരുണ്ടായിരുന്നു. പട്ടികജാതിക്കാരായ മൂന്നു സ്വതന്ത്ര എം.എല്‍.എ മാരുമുണ്ടായിരുന്നു.
3. തെരഞ്ഞെടുപ്പിനു മുന്‍പുതന്നെ ജെ. മണ്ഡലിന്റെ ശക്തമായ പ്രയത്‌നം കാരണം ഒരു സ്വതന്ത്ര എം.എല്‍.എ ആയ എന്‍.എന്‍.റോയ് തന്റെ രോഗാവസ്ഥയെ അവഗണിച്ചുകൊണ്ട് ഡോ.അംബേദ്ക്കര്‍ക്കായി തന്റെ വോട്ടു പ്രഖ്യാപിച്ചു.
4. ഡോ.അംബേദ്ക്കര്‍ക്ക് നേരത്തേ പിന്തുണ പ്രഖ്യാപിച്ചിരുന്ന ആഗ്ലോ-ഇന്ത്യന്‍ എം.എല്‍.എ മാര്‍ പിന്നീട് ചുവടു മാറുകയും ആ ഇലക്ഷന്‍ ബഹിഷ്‌ക്കരിക്കാന്‍ തീരുമാനിക്കുകയും ചെയ്തു.
5. കോണ്‍ഗ്രസ്സ് അതിന്റെ എം.എല്‍.എ മാര്‍ക്ക്, കോണ്‍ഗ്രസ്സിന്റേതല്ലാതെ മറ്റൊരു സ്ഥാനാര്‍ത്ഥിക്കും, പ്രത്യേകിച്ച് ഫെഡറേഷന്റെ സ്ഥാനാര്‍ത്ഥിയായ ഡോ.അംബേദ്ക്കര്‍ക്ക്, വോട്ടു നല്‍കരുതെന്ന് വിപ്പു നല്‍കി.
6. കോണ്‍ഗ്രസ്സിന്റെ എം.എല്‍.എ ആയ ഗയാനാഥ് ബിശ്വാസ് ഡോ. അംബേദ്ക്കറുടെ ഒരു ആരാധകനും അനുശീലകനുമായിരുന്നു. അദ്ദേഹം ഡോ.അംബേദ്ക്കര്‍ക്കുവേണ്ടി വോട്ടു ചെയ്യുവാനുള്ള തന്റെ സന്നദ്ധത പ്രകടമാക്കി.
7. എന്നാല്‍ ഉടന്‍തന്നെ ഗയാനാഥ് ബിശ്വാസിനെ കോണ്‍ഗ്രസ്സ് തട്ടിക്കൊണ്ടുപോയി.
8. ആ സമയത്ത് മണ്ഡല്‍ മുസ്ലീംലീഗ് നേതാക്കളുടെ സഹായം തേടുകയുണ്ടായി. അവര്‍ ബിശ്വാസിനെ രക്ഷിക്കുകമാത്രമല്ല, മറ്റുചില പട്ടികജാതിക്കാരായ കോണ്‍ഗ്രസ്സ് എം.എല്‍.എ മാരെ ഡോ.അംബേദ്ക്കര്‍ക്കനുകൂലമായി വോട്ടുചെയ്യാന്‍ വശപ്പെടുത്തിയെടുക്കുകയും ചെയ്തു.
9. അവസാന നിമിഷം മറ്റൊരു സ്വതന്ത്ര പട്ടികജാതി എം.എല്‍.എ ആയ മുകുന്ദ ബെഹാരി മുള്ളിക് തന്റെ സ്ഥാനാര്‍ത്ഥിത്വം പിന്‍വലിക്കുകയും ഡോ.അംബേദ്ക്കര്‍ക്ക് തന്റെ വോട്ട് പ്രഖ്യാപിക്കുകയും ചെയ്തു.
10. മണ്ഡലിന്റെ തന്ത്രപരമായ അടവുരീതികള്‍ കാരണം ദ്വാരികനാഥ് ബറുയി എന്ന കോണ്‍ഗ്രസ്സ് എം.എല്‍.എ ഡോ.അംബേദ്ക്കര്‍ക്ക് വോട്ടു ചെയ്തു.
11. റാങ്പൂര്‍ ജില്ലയില്‍ നിന്നുള്ള ഖെട്രോനാഥ് സിന്‍ഹയും ബീര്‍ മിര്‍സ എന്ന പട്ടിക വര്‍ഗ്ഗ എം.എല്‍.എ യും വലിയൊരു കൂട്ടം അംബേദ്ക്കറൈറ്റുകളുടെ (നമോശൂദ്രരുടെ) അവസാന നിമിഷമുള്ള അതിശക്തമായ പ്രചാരത്താല്‍ ഇരുവരും കോണ്‍ഗ്രസ്സുകാരായിരുന്നിട്ടുകൂടി ഡോ.അംബേദ്ക്കര്‍ക്കു വോട്ടു ചെയ്തു.
12. വോട്ടെടുപ്പുദിവസം ബംഗാളിലെ പട്ടികജാതിക്കാര്‍ പ്രവര്‍ത്തിക്കുക അല്ലെങ്കില്‍ മരിക്കുക എന്ന വികാരത്തിലെത്തുകയും ഡോ.അംബേദ്ക്കറുടെ വിജയത്തിനായി ഒരു പഴുതുപോലുമില്ലാതെ പ്രവര്‍ത്തിക്കുകയും ചെയ്തു. കല്‍ക്കട്ടയ്ക്കും അതിനടുത്ത പ്രദേശത്തുമുള്ള പഞ്ചാബികളായ അയിത്തജാതിക്കാര്‍ ഈ പോരാട്ടത്തില്‍ പ്രത്യക്ഷാക്രമണവുമായിത്തന്നെ മുന്നിട്ടിറങ്ങി. ഡോ. അംബേദ്ക്കര്‍ക്ക് പിന്തുണ നല്‍കിയതിനാല്‍ നിരവധി പഞ്ചാബി അയിത്തജാതിക്കാര്‍ ആക്രമിക്കപ്പെടുകയും അതിക്രമങ്ങള്‍ക്കു വിധേയരാകുകയും അവരുടെ പാര്‍പ്പിടങ്ങള്‍ തീവച്ചു നശിപ്പിക്കപ്പെടുകയും ചെയ്തു. കോണ്‍ഗ്രസ്സ് മാഫിയകളുടെ അത്തരത്തിലുള്ള നിരവധി ആക്രമണങ്ങളുണ്ടായിട്ടുകൂടി, 1946 ജൂലൈ 27 ന് പോളിംഗ് ദിനത്തില്‍ വോട്ടിംഗ് നടക്കുന്ന ബംഗാള്‍ ലജിസ്ലേറ്റീവ് ഹാള്‍ അവര്‍ ഘൊരാവോ ചെയ്തു. മി. ബാബാ ബുദ്ധാസിംഗ് മഹാനാല്‍ കയ്യില്‍ ഊരിപ്പിടിച്ച വാളുമായി ഡോ.അംബേദ്ക്കറെ പരാജയപ്പെടുത്തുവാന്‍ തുനിയുന്ന കോണ്‍ഗ്രസ്സിനേയും അംബേദ്ക്കര്‍ വിരുദ്ധശക്തികളേയും വെല്ലുവിളിച്ചു. കോണ്‍ഗ്രസ്സിന്റെ പിന്നില്‍ നിന്നുള്ള ആക്രമണത്തെ പഞ്ചാബി അയിത്തജാതിക്കാരും നമോശൂദ്രരും മുന്നില്‍ നിന്നുള്ള ആക്രമണം കൊണ്ട് അതിശക്തമായി നേരിട്ടു.
13. ഇലക്ഷന്‍ ഫലം പ്രഖ്യാപിക്കുന്ന ദിവസം അതിയശയകരമാം വിധം ഡോ.അംബേദ്ക്കര്‍ക്ക് ആവശ്യം വേണ്ടതിലധികം രണ്ടു വോട്ടുകൂടി കൂടുതല്‍ ലഭിച്ചു.
14. ഡോ.അംബേദ്ക്കര്‍ പരാജയപ്പെടുത്തിയത് ബംഗാളിലെ ഏറ്റവും അത്യുന്നതനായ കോണ്‍ഗ്രസ്സ് ലീഡര്‍ ശരത് ചന്ദ്രബോസിനെയായിരുന്നു.
15. ഡോ.അംബേദ്ക്കറിന്റെ അതിശക്തരായ അനുയായികളായിരുന്ന ബംഗാളിലെ നമോശൂദ്രര്‍ ഈ തെരെഞ്ഞെടുപ്പില്‍ പ്രചണ്ഡമായി പോരാടുകയും അഥവാ അംബേദ്ക്കര്‍ തെരെഞ്ഞെടുപ്പില്‍ തോറ്റുപോകുന്ന പക്ഷം അത്യന്തം ഗുരുതരമായ പ്രത്യാഘാതങ്ങളുണ്ടാകുമെന്ന് അംബേദ്ക്കറുടെ എതിരാളികളെ ഭീഷണിപ്പെടുത്തുകയും ചെയ്തു.

1946 ജൂലൈയില്‍ ഭരണഘടനാ നിര്‍മ്മാണസമിതിയിലേയ്ക്കുള്ള തെരെ ഞ്ഞെടുപ്പു ഫലം പ്രഖ്യാപിക്കപ്പെട്ടപ്പോള്‍ കോണ്‍ഗ്രസ്സില്‍ നിന്നുള്ള അതിശക്തമായ എതിര്‍പ്പിനെ തോല്‍പ്പിച്ചുകൊണ്ടു വിജയം വരിക്കാന്‍ ഇരുവര്‍ക്കും, ഡോ.അംബേദ്ക്കര്‍ക്കും അതുപോലെ മണ്ഡലിനും കഴിഞ്ഞു. ഡോ.അംബേദ്ക്കറുടെ സ്വാധീനം ബോംബെയിലും സെന്‍ട്രല്‍ പ്രോവിന്‍ സിലും മാത്രം പരിമിതപ്പെട്ടതാണെന്ന ന്യായവാദം ജനസഭയ്ക്കു മുമ്പാകെ യുയര്‍ത്തി തന്റെ വാദങ്ങളില്‍ വേണ്ടത്ര സത്യസന്ധത പുലര്‍ത്താത്ത ക്യാബിനറ്റ് മിഷന്റെ വാദഗതികള്‍ക്കു നല്‍കിയ അതിശക്തമായ പ്രഹരമായിരുന്നു ഈ വിജയം. 

തന്റെ തെരഞ്ഞെടുപ്പുമായി ബന്ധപ്പെട്ട് 1946 ആഗസ്റ്റ് 12ന് അദ്ദേഹം ബ്രിട്ടീഷ് പ്രധാനമന്ത്രി ആറ്റ്‌ലിക് ഒരു പ്രതിഷേധകത്ത് അയയ്ക്കുക യുണ്ടായി. അതില്‍ വാദിച്ചത്22 

1. തന്റെ സ്വാധീനത ബോംബെയിലും മധ്യപ്രവിശ്യയിലും മാത്രം പരിമിതപ്പെടുന്നുവെങ്കില്‍ പിന്നെ എങ്ങനെയാണ് താന്‍ ബംഗാളില്‍ നിന്നും തെരഞ്ഞെടുക്കപ്പെട്ടത്?
2. ആ തെരഞ്ഞെടുപ്പില്‍ താന്‍ കേവലം കഷ്ടിച്ചു ജയിച്ചു കയറിയതല്ല. മറിച്ച് ബംഗാളിലെ കോണ്‍ഗ്രസ്സിന്റെ ഏറ്റവും ഉന്നതനായ നേതാവായ ശരത്ചന്ദ്രബോസ്സിനെ തോല്‍പ്പിച്ചാണ് മുകളിലേക്ക് വന്നത്.
3. എന്തുകൊണ്ടാണ് നിരവധി കോണ്‍ഗ്രസ് എം.എല്‍.എ.മാര്‍ പാര്‍ട്ടി നിര്‍ദ്ദേശത്തെ ലംഘിച്ചുകൊണ്ട് തനിക്ക് വോട്ടു ചെയ്തത്?

രാജ്യത്തെ തരംതാഴ്ത്തപ്പെട്ടവരുടെ ഭാവിയെ രൂപകല്‍പ്പന ചെയ്യുന്ന ആ നിര്‍ണ്ണായക നിമിഷങ്ങളില്‍ അവരുടെ നീതി പൂര്‍ണ്ണമായ അവകാശങ്ങള്‍ ഉറപ്പാക്കാനായി ഡോ: അംബേദ്ക്കര്‍ എല്ലാത്തരത്തി ലുള്ള നയതന്ത്ര പരമായ സമരരീതികളും ഉപയോഗിച്ചു. ഒരു വശത്ത് അദ്ദേഹം തന്റെ കേസ് ശക്തിയായി വാദിക്കുകയായിരുന്നു. മറുഭാഗത്ത് ബ്രിട്ടനിലെ പ്രതിപക്ഷ പാര്‍ട്ടിയുടെ സഹായത്തോടെ അദ്ദേഹം കോണ്‍ഗ്രസ്സിന് മേലും ബ്രിട്ടീഷുകാര്‍ക്ക് മേലും സമ്മര്‍ദ്ദമേറ്റിക്കൊ ണ്ടിരുന്നു. ഇതുമായി ബന്ധപ്പെട്ട് 1946 മേയ് 30ന് ഡോ: അംബേദ്ക്കര്‍ ചര്‍ച്ചിലിനയച്ച കേബിള്‍ സന്ദേശത്തില്‍ പ്രസ്താവിച്ചത് '60 ദശലക്ഷം വരുന്ന അയിത്തജാതി ക്കാരുടെ വിഷയത്തിന്‍മേലുള്ള കാബിനറ്റ് മിഷന്റെ നിര്‍ദ്ദേശങ്ങള്‍ നാണംകെട്ട വഞ്ചനയാണ്. ഭരണഘടനാ നിര്‍മ്മാണ സമിതിയില്‍ പ്രാതിനിധ്യമില്ല. ഉപദേശക സമിതിയില്‍ പ്രാതിനിധ്യമില്ല. ഉടമ്പടിയാല്‍ സംരക്ഷണമില്ല എന്നിവയാല്‍ അയിത്തജാതിക്കാരുടെ കൈയ്യും കാലും കെട്ടി പൂര്‍ണ്ണമായി ബന്ധനസ്ഥമാക്കിയിരിക്കുകയാണ്. താങ്കള്‍ പാര്‍ല മെന്റില്‍ നടത്തിയ പ്രഭാഷണത്തിന് ഇന്ത്യയിലെ അയിത്തജാതിക്കാരെല്ലാം അങ്ങയോട് കടപ്പെട്ടവരാണ്. അയിത്തജാതിക്കാരുടെ ഭാവി വളരെ അന്ധകാരപൂര്‍ണ്ണമാണ്. അവരുടെ താലപ്‌ര്യങ്ങള്‍ സംരക്ഷിക്കുവാന്‍ ഞങ്ങള്‍ അങ്ങയെ ആശ്രയിക്കുന്നു.'തന്റെ മറുപടിയില്‍ ചര്‍ച്ചില്‍ ഡോ.അംബേദ്ക്കര്‍ക്ക് ഉറപ്പ് നല്‍കി. '60 ദശലക്ഷം വരുന്ന അയിത്ത ജാതിക്കാരുടെ ഭാവി സംരക്ഷിക്കുന്നതിനായി കണ്‍സര്‍വേ റ്റീവ് പാര്‍ട്ടി അതിന്റെ പരമാവധി പ്രയത്‌നിക്കുന്നുമെന്ന് താങ്കള്‍ക്ക് ഉറപ്പാക്കാം.''23 1946 ഒക്‌ടോബര്‍ നവംബര്‍ മാസങ്ങളില്‍, 60 ദശലക്ഷം വരുന്ന അയിത്തജാതിക്കാരുടെ ഭാവിയെ രൂപകല്‍പ്പന ചെയ്യാനുള്ള ശക്തമായ അപേക്ഷ തയ്യാറാക്കാനായി ഡോ.അംബേദ്ക്കര്‍ ലണ്ടനിലായിരുന്നു. നവംബര്‍ 5 ന് ചര്‍ച്ചിലിനെ അദ്ദേഹത്തിന്റെ വസതിയിലെത്തി ഡോ.അംബേദ്ക്കര്‍ സന്ദര്‍ശിച്ചു. പൊതുസഭയില്‍ നടന്ന കണ്‍സര്‍വേറ്റീവ് ഇന്ത്യന്‍ കൗണ്‍സിലിന്റെ യോഗത്തെ അദ്ദേഹം അഭിസംബോധന ചെയ്തു. പാര്‍ലമെന്റിലെ ചില ലിബറല്‍, ലേബര്‍ അംഗങ്ങളും ഇതില്‍ പങ്കെടുത്തിരുന്നു.

ഭരണഘടനാനിര്‍മ്മാണ സമിതിയിലേക്ക് ഡോ.അംബേദ്ക്കര്‍ തിരഞ്ഞെടു ക്കപ്പെട്ടതിനെ അഭിനന്ദിച്ചുകൊണ്ട് 1946 ആഗസ്റ്റ് 1ന് ബ്രിട്ടീഷ് പ്രധാനമന്ത്രി ഡോ.അംബേദ്ക്കര്‍ക്ക് തന്റെ അഭിനന്ദനക ത്തയച്ചു. എന്നാല്‍ വിഭജന പദ്ധതിയില്‍ ഡോ.അംബേദ്ക്കര്‍ തെരഞ്ഞെടുക്കപ്പെട്ട, പട്ടികജാതി ഭൂരി പക്ഷമുള്ള കുല്‍നാ, ജഷോര്‍ ജില്ലകളും മണ്ഡലിന്റെ പ്രദേശവും പാകിസ്ഥാനില്‍ ഉള്‍പ്പെടുത്തിയി രുന്നു. അതിനെ തുടര്‍ന്ന് ഡോ.അം ബേദ്ക്കര്‍ക്ക് തന്റെ ഭരണഘടനാ നിര്‍മ്മാണ സമിതിയിലെ സ്ഥാനം നഷ്ടപ്പെടുകയും ചെയ്തു. മണ്ഡലാകട്ടെ പാകിസ്ഥാനിലേക്ക് പോയി അവിടത്തെ ഭരണഘടനാ നിര്‍മ്മാണ സമിതിയുടെ താല്‍ക്കാലിക അദ്ധ്യക്ഷ നാവുകയും പിന്നീട് ജിന്നയുടെ മന്ത്രിസഭയില്‍ നിയമമന്ത്രിയാവുകയും ചെയ്തു.

സ്വതന്ത്രപാകിസ്ഥാന്‍ പ്രഖ്യാപിക്കപ്പെട്ടതോടെ 1947 ജൂണ്‍ 27 മുതല്‍ ഡോ: അംബേദ്ക്കര്‍ക്ക് ഇന്ത്യന്‍ ഭരണഘടനാ നിര്‍മ്മാണ സമിതിയിലെ അംഗത്വം നഷ്ടമായി. അതിനാല്‍ ഭരണഘടനാ നിര്‍മ്മാണസമിതിയുടെ അടുത്ത സിറ്റിംഗായ 1947 ജൂലൈ 14ന് മുമ്പ് അദ്ദേഹം ഭരണഘടനാ നിര്‍മ്മാണ സമിതിയിലേക്ക് വീണ്ടും തെരഞ്ഞെടുക്കപ്പെടേണ്ടത് അത്യന്താപേക്ഷി തമായി മാറി. ഈ ഇരുണ്ടകാലഘട്ടമെന്നുപറയുന്നത് ഡോ. അംബേദ്ക്ക റുടെ വ്യക്തി ജീവിതത്തില്‍ മാത്രമല്ല, പുതിയ ഭരണഘടനയുടെ കീഴില്‍ താഴ്ന്ന ജാതിക്കാരുടെ ഭാവിക്ക് വേണ്ടി നടക്കുന്ന ജീവസുറ്റ യുദ്ധത്തിലധി ഷ്ഠിതമായ പ്രസ്ഥാനത്തിന്റെ വീക്ഷണകോണിലൂടെ നോക്കിയാലും അത്യന്തം നിര്‍ണ്ണായകമായിരുന്നു. ലഭ്യമായ സ്രോതസ്സുകളില്‍ നിന്നും വ്യക്തമാകുന്നത് ഡോ.അംബേദ്ക്കറെപ്പോലെ ഭരണഘടനാ നിര്‍മ്മാണ കലയില്‍ അത്യന്തം വിദഗ്ധനായ മറ്റൊരാളും ഭരണഘടനാ നിര്‍മ്മാണ സമിതിയില്‍ ഇല്ലാതിരുന്നതിനാല്‍ ഭരണഘടനാ നിര്‍മ്മാണ സമിതിയില്‍ അദ്ദേഹത്തിന്റെ സാന്നിദ്ധ്യം അനിവാര്യമാ യിരുന്നു. അതിനാല്‍ ഭരണഘടനാ നിര്‍മ്മാണ സമിതിയുടെ അദ്ധ്യക്ഷനായിരുന്ന ഡോ.രാജേന്ദ്ര പ്രസാദ് തന്റെ ആ പദവിയുപയോഗിച്ച്, ബോംബെയുടെ അന്നത്തെ പ്രധാനമന്ത്രിയായി രുന്ന ബി.ജി.ഖേറിനോട്, ഭരണഘടനാ നിര്‍മ്മാണ സമിതിയില്‍ നിന്നും എം.ആര്‍.ജയകര്‍ രാജിവച്ചതിനാല്‍ ഒഴിഞ്ഞു കിടന്ന സീറ്റില്‍ നിന്നും ഡോ.അംബേദ്ക്കറെ തെരഞ്ഞെടുക്കാന്‍ ആവശ്യപ്പെട്ടു. 'മറ്റേതു പരിഗണനകള്‍ക്കുമുപരിയായി, ഭരണഘടനാനിര്‍മ്മാണ സമിതി യിലും മറ്റും വ്യത്യസ്തമായ കമ്മിറ്റികളിലും ഇവ രണ്ടിലും ഡോ.അം ബേദ്ക്കറുടെ പ്രവര്‍ത്തനങ്ങള്‍ നാം ദര്‍ശിക്കുകയും അതത്യാവശ്യ മായതിനാല്‍ അദ്ദേഹത്തിന്റെ സേവനങ്ങള്‍ ഒരു കാരണവശാലും ഉപേക്ഷിക്കപ്പെട്ടു പോകരുതെന്ന തീരുമാനിക്കുകയും ചെയ്യുന്നു. നിങ്ങള്‍ക്കേവര്‍ക്കും അറിയാവുന്നതുപോലെ അദ്ദേഹം ബംഗാളില്‍ നിന്നും തെരഞ്ഞെടുക്കപ്പെടുകയും എന്നാല്‍ പ്രവിശ്യാവിഭജനത്തെ തുടര്‍ന്ന് ജൂലൈ 14 മുതല്‍ അദ്ദേഹം ഭരണഘടനാ നിര്‍മ്മാണ സമിതിയില്‍ അംഗമല്ലാതാവുകയും ചെയ്തിരിക്കുകയാണ്. അതിനാല്‍ അദ്ദേഹത്തെ അടിയന്തിരമായി തെരഞ്ഞെടുക്കേണ്ടത് അത്യാന്താപേക്ഷിതമാണ്. '24 പ്രസാദ് മി.ഖേറിനുള്ള കത്തില്‍ എഴുതി. തുടര്‍ന്ന് ഭരണഘടനാനി യമത്തില്‍ ഡോ.അബേദ്ക്കര്‍ക്കുള്ള വിപുലമായ വിജ്ഞാനശേഖരത്തെ കണക്കിലെടുത്ത് അദ്ദേഹത്തെ ഭരണഘടനയുടെ കരടു നിര്‍മ്മാണ സമിതിയുടെ അധ്യക്ഷനായി നിയമിച്ചു.

യഥാര്‍ത്ഥത്തില്‍, മുസ്ലിംലീഗിന് പ്രാധതിനിധ്യമില്ലാത്ത ഭരണഘടനാ നിര്‍മ്മാണ സമിതിയുടെ യോഗ്യതയെ ചോദ്യം ചെയ്തതിനാല്‍, കോണ്‍ഗ്രസ്സ് എം.ആര്‍.ജയകറിനെ നിര്‍ബന്ധിച്ചു രാജിവയ്പ്പിച്ചതിനാല്‍ ഒഴിവുവന്ന സീറ്റിലേക്ക് മി.നിജലിംഗപ്പ ഒരു ഡോ.വി.കെ.ആര്‍.വി. റാവുവിന്റെ പേരാണ് നിര്‍ദ്ദേശിച്ചതെങ്കിലും സര്‍ദാര്‍ ഡോ.അംബേദ്ക്ക റുടെ തെരഞ്ഞെടു പ്പിനെ അനുകൂലിക്കു കയും അതനുസരിച്ച് ബോംബെ പ്രധാനമന്ത്രി മി.ബി.ജി.ഖേറിന് നിര്‍ദ്ദേശം നല്‍കുയും ചെയ്തു.25 രാജേന്ദ്രപ്രസാദിന് പുറമെ, സര്‍ദാര്‍ പട്ടേലും കോണ്‍ഗ്രസ് നേതാക്കളായ മി.മാവലങ്കറിനും, മി.എസ്.കെ.പാട്ടീലിനും നല്‍കിയിരുന്ന നിര്‍ദ്ദേശം ഏതുസാഹചര്യ ത്തിലും ഭരണഘടനാസമിതിയിലേക്ക് ഡോ.അംബേദ്ക്കര്‍ തെരഞ്ഞെടുക്കപ്പെടണമെന്നായിരുന്നു. പട്ടേല്‍ എഴുതി 'ഡോ. അംബേദ്ക്ക റുടെ തെരഞ്ഞെടുപ്പിന് അടിയന്തിരമായ നടപടികള്‍ ആവശ്യമാണ്. നിലവില്‍ ഒരേയൊരു ഒഴിവുമാത്രമേ ഉള്ളൂ എന്നതിനാല്‍ അദ്ദേഹ ത്തിന്റെ പത്രിക ഇന്നു തന്നെ അയയ്ക്കുവാന്‍ ഞങ്ങള്‍ ആവശ്യപ്പെട്ടി രിക്കുകയാണ്. ഇപ്പോള്‍ അദ്ദേഹം ബംഗാളില്‍ നിന്നും തെരഞ്ഞെടു ക്കപ്പെട്ടിട്ടില്ല എന്നാണ് എല്ലാവരും കരുതുന്നത്. അദ്ദേഹത്തിന്റെ മനോഭാവത്തിന്റെ മാറ്റം വന്നിട്ടുണ്ടെന്നും ഈ കമ്മിറ്റിയിലെ ഏറ്റവും ഉപകാരപ്രദമായ ഒരംഗം അദ്ദേഹമായിരിക്കു മെന്നാണ്.'26'ഡോ. അംബേദ്ക്കറുടെ നാമനിര്‍ദ്ദേശപത്രിക പ്രധാനമന്ത്രിക്ക് അയച്ചിട്ടുണ്ട്. 'ഞാന്‍ കരുതുന്നത് മത്സരമൊന്നും ഉണ്ടാകില്ലെന്നും, അതിനാല്‍ അദ്ദേഹത്തിന് 14-ാം തീയതി തന്നെ എതിരില്ലാതെ തിരിച്ചെത്താ മെന്നുമാ ണ്.'27

അങ്ങനെ ഡോ.അംബേദ്ക്കര്‍ ഭരണഘടനാ നിര്‍മ്മാണസമി തിയിലേക്ക് വീണ്ടും തെരഞ്ഞെടുക്കപ്പെട്ടു. എന്നാല്‍ ഇതില്‍ മനസ്സിലാക്കാന്‍ ബുദ്ധിമുട്ടുള്ള യുക്തിയെന്തെന്നാല്‍ അത്രയും കാലം ഡോ: അംബേദ്ക്കറെ പരാജയപ്പെടുത്തുവാന്‍ സര്‍വകഴിവുകളും വിനിയോഗിച്ച കോണ്‍ഗ്രസ്സില്‍ പെട്ടെന്ന് അതിന്റെ സമീപനത്തില്‍ മാത്രമല്ല പ്രവര്‍ത്തനങ്ങളിലും വിപ്ലവകരമായ മാറ്റമാണ് വന്നത്. നിരവധി പണ്ഡിതരും, കോണ്‍ഗ്രസ്സി ന്റെ ദലിത് ചട്ടുകങ്ങളും, ഗവണ്‍മെന്റ് സ്‌പോണ്‍സര്‍ ചെയ്യുന്ന ദലിത് ബുദ്ധിജീവികളും, തെളിവുകള്‍ പരിശോധിക്കാതെ ഇതിന്റെ കീര്‍ത്തി ഗാന്ധിജിക്ക് നല്‍കുകയാണ്. ഭരണഘടനാ നിര്‍മ്മാണ സമിതിയിലെ തന്റെ അംഗത്വം റദ്ദാക്കപ്പെടുന്ന വേളയില്‍ ഡോ.അംബേദ്ക്കര്‍ മൂന്നുമാസക്കാലം ലണ്ടനിലായിരുന്നു. അവിടെ അദ്ദേഹം ഭരണഘടനാ നിര്‍മ്മാണ സമിതിയി ലേക്കുള്ള തന്റെ അംഗത്വം പുനഃസ്ഥാപിക്കപ്പെടുന്നതിനായി ബ്രിട്ടീഷ് സര്‍ക്കാരില്‍ സമ്മര്‍ദ്ദം ചെലുത്തി. അതിനാല്‍ കോണ്‍ഗ്രസ്സില്‍ ചില ആന്തരികസമ്മര്‍ദ്ദ ങ്ങള്‍ക്കും രാഷ്ട്രീയ കണക്കുകൂട്ടലുകള്‍ക്കും അല്ലെങ്കില്‍ ഭരണഘടനാനിര്‍മ്മാണത്തിന് ആവശ്യമായ ബൗദ്ധികമായ പാപ്പരത്ത ത്തിനും പുറമെ മറ്റു ചില ഘടകങ്ങളും ഈ തീരുമാനത്തെ സ്വാധീ നിച്ചിട്ടു ണ്ടെന്ന് മനസ്സിലാക്കുന്നത് അനുചിതമോ അസ്വാഭാവികമോ അല്ല, മറിച്ച് യുക്തിപൂര്‍ണ്ണമാണ്.

ഡോ.അംബേദ്ക്കര്‍ തന്റെ ദേശവ്യാപകമായ സംഘടനാ പ്രവര്‍ത്തന ത്തിനാലും, അസാധാരണമായ ബുദ്ധിശക്തിയാലും, ഭരണഘടനാ നിര്‍മ്മാണസമിതിയില്‍ തന്റെ സ്ഥാനം ഉറപ്പിച്ചുവെന്നു മാത്രമല്ല, ഭരണഘടനാ നിര്‍മ്മാണത്തിന്റെ മുഴുവന്‍ പ്രക്രിയയുടേയും അത്യുന്ന തമായ പദവി വഹിക്കുകയും ചെയ്തു. 1950ലെ ഭരണഘടന രചിച്ചതി ലൂടെ അദ്ദേഹം ബ്രാഹ്മണിസത്തിന്റെ പ്രാചീനമായ ജാതി സംസ്‌ക്കാ രത്തിന് മരണമണി മുഴക്കി. ഭരണഘടനയെ മുന്നോട്ട് നയിക്കുകയെന്ന ചരിത്രത്തിലെ നാഴികക്കല്ലായ നേട്ടത്തെക്കുറിച്ച് അഭിമാനപൂര്‍വ്വം അദ്ദേഹം പറഞ്ഞു. 'ഹിന്ദുക്കള്‍ക്ക് വേദങ്ങള്‍ ആവശ്യമായി വന്നപ്പോള്‍ അവര്‍ ജാതി ഹിന്ദുവല്ലാത്ത വ്യാസനെ സമീപിച്ചു. ഹിന്ദുക്കള്‍ക്ക് ഇതിഹാസം ആവശ്യമായി വന്നപ്പോള്‍ അവര്‍ ഒരയിത്ത ജാതിക്കാരനായ വാല്‍മീകിയെ സമീപിച്ചു. ഹിന്ദുക്കള്‍ക്ക് ഒരു ഭരണഘടന ആവശ്യമായി വന്നപ്പോള്‍ അവര്‍ എന്നെ സമീപിച്ചു.'28