"Until the lions have their own historians the history of the hunt will always glorify the hunter...."
- Chinua Achebe

2015, നവംബർ 28, ശനിയാഴ്‌ച

പട്ടികജാതി/വര്‍ഗ അതിക്രമ നിരോധന നിയമം: നാടുകടത്തല്‍ - വി കെ കുട്ടപ്പന്‍ ചങ്ങനാശേരി

a) ഈ നിയമത്തിന്റെ ശിക്ഷാര്‍ഹമായ അതിക്രമങ്ങളില്‍ പറയും പ്രകാരമുള്ള കുറ്റകൃത്യം ഏതെങ്കിലും ഒരാളില്‍ നിന്നും ഉണ്ടാകാന്‍ സാധ്യത ഉണ്ടെന്ന് ഒരു പരാതിയുടെ അടിസ്ഥാനത്തിലോ പോലീസ് റിപ്പോര്‍ട്ടിന്റെ അടിസ്ഥാനത്തിലോ പ്രത്യേക കോടതിക്കു ബോധ്യപ്പെട്ടാല്‍ ആ ആള്‍ ഏതു പ്രദേശത്തു താമസിച്ചാലാണോ കുറ്റകൃത്യം നടത്താന്‍ സാദ്ധ്യതയുള്ളത് ആ പ്രദേശത്തുനിന്നും അയാളെ ആ പ്രദേശത്തിന്റെ പരിധിക്കു പുറത്ത് രണ്ടു വര്‍ഷത്തില്‍ കവിയാത്ത കാലത്തേക്കു മാറ്റി നിര്‍ത്താന്‍ (നാടുകടത്താന്‍)പ്രത്യേക കോടതിക്ക് അധികാരമുണ്ടായിരിക്കുന്നതാണ്.

b) ഏതു സാഹചര്യത്തിലാണ് ഇങ്ങനെ നാടുകടത്തപ്പെടുന്നത് എന്ന് രേഖാമൂലം കോടതി ആ ആളിനെ അറിയിച്ചിരിക്കേണ്ടതാണ്. ര) തന്നെ നാടുകടത്തുന്നത് നടപ്പാക്കാതിരിക്കാന്‍ മതിയായ കാരണങ്ങള്‍ കാണിച്ചുകൊണ്ട് ബന്ധപ്പെട്ട ആള്‍ ഉത്തരവുണ്ടായി 30 ദിവസത്തിനകം അപേക്ഷ സമര്‍പ്പിച്ചാല്‍ അതു പരിഗണിച്ച് കാരണങ്ങള്‍ മതിയായതെന്നു ബോദ്ധ്യപ്പെട്ടാല്‍ നാടുകടത്തല്‍ ഉത്തവരു റദ്ദു ചെയ്യുന്നതാണ്.
11. a) നാടുകടത്തല്‍ ഉത്തരവു കൈപ്പറ്റിയ ആള്‍ അതു മാനിച്ചു പാലിക്കുന്നതില്‍ പരാജയപ്പെട്ടാല്‍ അയാളെ അറസ്റ്റു ചെയ്തു മാറ്റിപ്പാര്‍പ്പിക്കാന്‍ കോടതിക്കധികാരമുണ്ട്.
b) ഒരു നിശ്ചിത കാലത്തേക്ക് ഇങ്ങനെ നാടു കടത്തപ്പെട്ട ആള്‍ കാലാവധി കഴിഞ്ഞു മടങ്ങിയെത്തി. പഴയസ്ഥലത്തു താമസിക്കുവാന്‍ ആഗ്രഹം പ്രകടിപ്പിച്ചാല്‍ അയാളില്‍ നിന്നും പ്രത്യേക ബോണ്ടെഴുതി വാങ്ങി പഴയസ്ഥലത്തു താമസിപ്പിക്കുവാനുള്ള അധികാരം സ്‌പെഷ്യല്‍ കോടതിക്കാണ്. ഇതിനായി പ്രത്യേക നിബന്ധനകള്‍ ഉണ്ടായിരിക്കുന്നതും അതു കര്‍ശനമായി പരിശോധനാ വിധേയമാക്കുന്നതുമാണ്.
c) ഈ ഉത്തരവിനെ ഏതവസരത്തിലും അസ്ഥിരപ്പെടുത്താനുള്ള അധികാരം സ്‌പെഷ്യല്‍ കോടതിയില്‍ നിക്ഷിപ്തമാണ്.
d) നാടു കടത്തപ്പെട്ടതും ബോണ്ടിന്റെ അടിസ്ഥാനത്തില്‍ താല്‍കാലിക ഉത്തരവ് ലഭിച്ചതുമായ ആള്‍ തനിക്കു താല്‍ക്കാലിക ഉത്തരവിന്‍പ്രകാരം ലഭിച്ച തീയതി കഴിഞ്ഞിട്ടും നേരത്തെ ലഭിച്ച ഉത്തരവിന്‍ പ്രകാരം അവശേഷിക്കുന്ന കാലത്തേക്ക് എവിടെ നിന്നാണോ നാടുകടത്തപ്പെട്ടത് അവിടേക്കു പ്രവേശിക്കുവാന്‍ പാടില്ലാത്തതാണ്.
e) കോടതിയില്‍ നല്‍കിയിട്ടുള്ള ബോണ്ടിലെ വ്യവസ്ഥകള്‍ പാലിക്കാതെ നാടുകടത്തപ്പെട്ട ആള്‍ ആ സ്ഥലത്തു പ്രവേശിക്കുന്നതാകയാല്‍ അയാളെ അറസ്റ്റു ചെയ്തു നീക്കം ചെയ്യുവാന്‍ പ്രത്യേക കോടതിക്ക് അധികാരമുണ്ടായിരിക്കുന്നതാണ്.
12. a) നാടുകടത്തപെടല്‍ ഉത്തരവ് ലഭിച്ച വ്യക്തിയുടെ ഫോട്ടോഗ്രാഫ്, ശരീര അളവ്, തൂക്കം ഇവ കോടതി നിര്‍ദേശാനുസരണം അധികാരപ്പെട്ട പോലീസ് ആഫീസര്‍ എടുക്കേണ്ടതാണ്.
b) ഇങ്ങനെ ഫോട്ടോഗ്രാഫ് എടുക്കുന്നതും അളവുതൂക്കങ്ങളെടുക്കുന്നതും വിസമ്മതിക്കുന്നത് കോടതി ഉത്തരവു ലംഘനമായി കണക്കാക്കി ശിക്ഷണ നടപടികള്‍ സ്വീകരിക്കുന്നതാണ്.
c) ഇങ്ങനെ വിസമ്മതിക്കുന്നത് ഇന്‍ഡ്യന്‍ പീനല്‍ കോഡ് 186-ാം വകുപ്പനുസരിച്ച് ശിക്ഷാര്‍ഹമായ കുറ്റകൃത്യമാകുന്നു.
13. 10-ാം വകുപ്പനുസരിച്ചുള്ള ഉത്തരവ് അനുസരിക്കാതിരുന്നാല്‍ ഒരു വര്‍ഷത്തില്‍ കവിയാത്ത ജയില്‍ശിക്ഷ വിധിക്കാവുന്നതാണ്.