"Until the lions have their own historians the history of the hunt will always glorify the hunter...."
- Chinua Achebe

2015, നവംബർ 29, ഞായറാഴ്‌ച

പട്ടികജാതി - വര്‍ഗ അതിക്രമ നിരോധന നിയമം: പ്രത്യേക കോടതി - വി കെ കുട്ടപ്പന്‍ ചങ്ങാശേരി

14. പ്രത്യേക കോടതി (Special Court)

പട്ടികജാതി പട്ടികവര്‍ഗ്ഗങ്ങള്‍ക്കുനേരെയുള്ള അതിക്രമങ്ങള്‍ സംബന്ധിച്ച കേസുകള്‍ താമസം വിനാ തീര്‍പ്പുകല്‍പിക്കുന്നതിനായി ജില്ലകള്‍ തോറും സംസ്ഥാന സര്‍ക്കാരുകള്‍ അതാതു ചീഫ് ജസ്റ്റിസിന്റെ അനുമതിയോടെ പ്രത്യേക ഗസറ്റു വിജ്ഞാപനം വഴി സെഷന്‍സ് കോടതി രൂപീകരിക്കുന്നു. ഈ കോടതികളാണ് പ്രത്യേക കോടതികള്‍ (ടുലരശമഹ ഇീൗൃ)േ എന്ന പേരിലറിയപ്പെടുന്നത്.


15. പ്രത്യേക കോടതിയില്‍ കേസുകള്‍ കൈകാര്യം ചെയ്യുന്നതിലേക്ക് 7 വര്‍ഷത്തില്‍ കുറയാതെ പ്രവര്‍ത്തി പരിചയമുള്ള ഒരു വക്കീലിനെ പ്രത്യേക ഗസറ്റു വിജ്ഞാപനത്തിലൂടെ പരസ്യം ചെയ്തു പബ്ലിക് പ്രോസിക്യൂട്ടറായി നിയമിക്കുന്നു.

പലവക
16 ഈ നിയമപ്രകാരം പിഴ ചുമത്തുന്നതും വസൂലാക്കുന്നതും 1977 ലെ പൗരാവകാശ സംരക്ഷണനിയമത്തിലെ 10-ാം വകുപ്പ് പ്രകാരമായിരിക്കും.
17. 1) ഒരു പ്രദേശത്തു താമസിക്കുന്നവനോ ഇടയ്ക്കിടെ വന്നു പോകുന്നവനോ ആയ പട്ടിക വിഭാഗത്തില്‍പെടാത്ത ഒരു വ്യക്തിയോ കുറെ വ്യക്തകളോ അവിടെ പട്ടികവിഭാഗങ്ങള്‍ക്കു നേരെ അതിക്രമങ്ങള്‍ നടത്താന്‍ സാധ്യതയുണ്ടെന്ന് ഒരു ജില്ലാ മജിസ്‌ട്രേറ്റിനോ സബ് ഡിവിഷ ണല്‍ മജിസ്‌ട്രേറ്റിനോ ഏതെങ്കിലും എക്‌സിക്യൂട്ടീവ് മജിസ്‌ട്രേറ്റിനോ ഒരു ജില്ലാ പോലീസ് സൂപ്രണ്ടിനോ ഡപ്യൂട്ടി പോലീസ് സൂപ്രണ്ടിനോ തങ്ങള്‍ക്ക് ലഭിച്ച പരാതിയിന്മേലോ അന്വേഷണത്തിന്മേലോ യുക്തി യുക്തമായ ചിന്തയിന്മേലോ ബോദ്ധ്യപ്പെട്ടാല്‍ ആ പ്രദേശത്ത് അതിക്രമ ങ്ങള്‍ തടയാനും ക്രമസമാധാനനില പരിരക്ഷിക്കാനും നടപടികള്‍ സ്വീകരിക്കുവാന്‍ ഈ നിയമം അധികാരം നല്‍കിയിരുന്നു.


ഇതിനായി ഇന്‍ഡ്യന്‍ പീനല്‍കോഡ് 8, 10, 11 അദ്ധ്യായങ്ങളില്‍ പറയുംപ്രകാരം നടപടികള്‍ സ്വീകരിക്കുന്നതായിരിക്കും.


2) ഉപവകുപ്പ് ഒന്നില്‍ പറയുന്ന അധികാരികള്‍ അതിക്രമങ്ങള്‍ തടയാന്‍ സ്വീകരിച്ചിരിക്കുന്ന നടപടികള്‍, പദ്ധതികള്‍ ഇവയെക്കുറിച്ച് സര്‍ക്കാര്‍ ഗസറ്റു വിജ്ഞാപനത്തിലൂടെ പൊതജനങ്ങളെ അറിയിച്ചിരിക്കേണ്ടതും അതിലൂടെ പട്ടികവിഭാഗങ്ങളുടെ സുരക്ഷാ ബോധം ഉറപ്പുവരുത്തേണ്ടതുമാകുന്നു.  


18. ഇന്‍ഡ്യന്‍ പീനല്‍ കോഡിന്റെ 438-ാം വകുപ്പ് ഈ നിയമമനു സരിച്ചുള്ള കുറ്റവാളികളെ അറസ്റ്റു ചെയ്യുന്നതിനു പ്രതിബന്ധമാകുന്നില്ല.


19. ഇന്‍ഡ്യന്‍ പീനല്‍ കോഡിന്റെ 360-ാം വകുപ്പിലെ വ്യവസ്ഥകളോ 1958-ലെ പ്രൊബേഷന്‍ ഓഫ് ഒഫെണ്ടേഴ്‌സ് ആക്ടിന്റെ വ്യവസ്ഥകളോ ഈ നിയമമനുസരിച്ചുള്ള കുറ്റവാളികളാകുന്ന 18 വയസ്സിനുമേല്‍ പ്രായമുള്ളവരുടെ മേല്‍ നടപടിയെടുക്കുന്നതിനു തടസ്സമാകുന്നില്ല.


20. ഈ നിയമത്തിലെ വകുപ്പുകള്‍ പാലിക്കപ്പെടുന്നതിന് നിലവിലുള്ള ഒരു നിയമവും ആചാരവും പ്രയോഗവും തടസ്സമാകുന്നില്ല.


21. 1) കേന്ദ്രസര്‍ക്കാര്‍ പാസ്സാക്കിയിരിക്കുന്ന ഈ നിയമം കാര്യക്ഷമമായി പ്രാവര്‍ത്തികമാക്കാനുള്ള എല്ലാ നടപടികളും സംസ്ഥാന സര്‍ക്കാരുകള്‍ സ്വീകരിക്കേണ്ടതാണ്.
2) ഈ നിയമത്തിലെ വ്യവസ്ഥകള്‍ യാതൊരുവിധമായ മുന്‍വിധിയും കൂടാതെ പ്രത്യേകമായി നടപ്പാക്കുമ്പോള്‍ ശ്രദ്ധിക്കേണ്ട കാര്യങ്ങള്‍.
a. അതിക്രമങ്ങള്‍ക്കു വിധേയരായവര്‍ക്ക് നിയമസഹായം നല്‍കി നീതി ലഭിക്കുവാന്‍ അവസരമൊരുക്കുന്നതിനായുള്ള വ്യവസ്ഥകള്‍ ഉണ്ടാകണം.
b. കേസിന്റെ തെളിവെടുപ്പിലും വിചാരണയിലും അതിക്രമങ്ങള്‍ക്കു വിധേയരായവര്‍ക്കും തെളിവു നല്‍കാന്‍ സാക്ഷിയായി എത്തുന്നവര്‍ക്കും യാത്രപ്പടിയും ചെലവും നല്‍കിയിരിക്കണം.
c. അതിക്രമങ്ങള്‍ക്കു വിധേയരായവര്‍ക്ക് സാമ്പത്തികവും സാമൂഹികവുമായ പുനരധിവാസവ്യവസ്ഥകള്‍ ഉണ്ടായിരിക്കേണ്ടതാണ്.
d. ഈ നിയമത്തെ നിഷേധിക്കുന്നവര്‍ക്കെതിരെ നടപടിയെടുക്കുവാന്‍ ഒരു ആഫീസര്‍ ഉണ്ടാക്കിയിരിക്കേണ്ടതാണ്.
e. നടപടികള്‍ രൂപകല്‍പന ചെയ്യുന്നതിനും പ്രാവര്‍ത്തികമാക്കുന്നതിനും സര്‍ക്കാരിനു യുക്തമെന്നു തോന്നുന്ന തലങ്ങളില്‍ കമ്മിറ്റികള്‍ രൂപീകരിച്ച് സഹായം ലഭ്യമാക്കേണ്ടതാണ്.
f. ഈ നിയമവ്യവസ്ഥയുടെ പാലനം കാലാകാലങ്ങളില്‍ പഠിക്കുകയും കൂടുതല്‍ മെച്ചമായ രീതിയില്‍ നടപ്പിലാക്കുന്നതിനുമായി സര്‍വ്വേ നടത്തുക.
g. 1. അതിക്രമങ്ങള്‍ നടക്കാന്‍ സാദ്ധ്യതയുള്ള പ്രദേശം തിരിച്ചറിഞ്ഞ് അവിടുത്തെ പട്ടിക വിഭാഗം ജനങ്ങള്‍ക്ക് സുരക്ഷാ ചിന്തയുണ്ടാക്കാന്‍ നടപടികള്‍ സ്വീകരിക്കുക.
2. സംസ്ഥാന സര്‍ക്കാരുകള്‍ സ്വീകരിച്ച നടപടികളുമായി സംയോജിപ്പിച്ചുകൊണ്ടുള്ള പ്രവര്‍ത്തനങ്ങള്‍ ആയിരിക്കണം കേന്ദ്രസര്‍ക്കാര്‍ സ്വീകരിക്കേണ്ടത്.
3. ഓരോ വര്‍ഷവും കേന്ദ്രസര്‍ക്കാര്‍ പാര്‍ലമെന്റിലെ രണ്ടു സഭകളിലും അതാതു വര്‍ഷം സംസ്ഥാന സര്‍ക്കാരുകള്‍ കൈകൊണ്ട നടപടികളുടെയും, കേന്ദ്ര സര്‍ക്കാര്‍ കൈക്കൊണ്ട നടപടികളുടെയും റിപ്പോര്‍ട്ട് സമര്‍പ്പിക്കേണ്ടതാണ്.


22. ഈ നിയമമനുസരിച്ച് ഉത്തമബോദ്ധ്യത്തില്‍ നടപടികള്‍ എടുത്തിട്ടു ള്ളതോ എടുക്കാന്‍ തുടങ്ങുന്നതോ ആയ ഒരു ഉദ്യോഗസ്ഥനു നേരെയോ സംസ്ഥാന സര്‍ക്കാരിനു നേരെയോ സംസ്ഥാന സര്‍ക്കാര്‍ രൂപീകരിക്കുന്ന അധികാരസ്ഥാപനത്തിനു നേരെയോ കേന്ദ്രസര്‍ക്കാരിനു നേരെയോ യാതൊരു നിയമനടപടികളും ഉണ്ടാകാന്‍ പാടില്ലാത്തതാകുന്നു.


23. a) ഈ നിയമത്തിന്റെ ഉദ്ദേശങ്ങള്‍ നടപ്പിലാക്കുന്നതിലേക്ക് കേന്ദ്ര സര്‍ക്കാര്‍ പാസ്സാക്കുന്ന നിയമങ്ങള്‍ ഔദ്യോഗിക ഗസറ്റു വിജ്ഞാപന ത്തിലൂടെ പൊതുജനത്തെ അറിയിച്ചിരിക്കേണ്ടതാകുന്നു.


ഈ നിയമമനുസരിച്ച് നിര്‍മ്മിക്കപ്പെടുന്ന ചട്ടങ്ങള്‍ താമസംവിനാ പാര്‍ലമെന്റ് സമ്മേളിച്ചിരിക്കുമ്പോള്‍ സഭയില്‍ അവതരിപ്പിക്കേണ്ടതാണ്. സഭയ്ക്ക് അതിന്മേല്‍ ഭേദഗതി വരുത്താനും ഈ നിയമത്തിന്റെ ലക്ഷ്യത്തിനു പ്രതികൂലമാണെങ്കില്‍ അസ്ഥിരപ്പെടുത്താനും അധികാരമുണ്ടാ യിരിക്കുന്നതാണ്.