"Until the lions have their own historians the history of the hunt will always glorify the hunter...."
- Chinua Achebe

2015, നവംബർ 29, ഞായറാഴ്‌ച

പാവം പഞ്ചമി - അമ്പലപ്പുറം റ്റി. രാമചന്ദ്രന്‍

അമ്പലപ്പുറം റ്റി. രാമചന്ദ്രന്‍



















പന്തിരു കുലത്തിനു ജനനിയായുള്ള
പന്ത്രണ്ടു മക്കളെ നൊന്തു പ്രസവിച്ച്
ഒന്നിനെപ്പോലും പോറ്റാന്‍ കഴിയാത്ത,
പഞ്ചാഗ്നി തന്നില്‍ എരിഞ്ഞൊരമ്മ
പതിവ്രത രത്‌നമാം പാവം പഞ്ചമി
എന്തേ നിനക്കിതു വന്നു ചേര്‍ന്നു
പറയര്‍ കുലത്തില്‍ ജനിച്ചതിനാലോ..?
വരരുചി ബ്രാഹ്മണന്‍ വരിച്ചതിനാലോ..?
അടിസ്ഥാന വര്‍ഗ്ഗത്തെ അടക്കി വാഴുന്ന
ആര്യ വര്‍ഗ്ഗത്തിന്‍ ദുഷ്‌കൃതിയാലോ..?
വരേണ്യ വര്‍ഗ്ഗത്തിന്‍ ശ്രേഷ്ഠന്‍ വരരുചി
ചണ്ടാലിയാം പഞ്ചമിയെ വരിക്കേണ്ടി വന്നിതു
വിധിയെ വെല്ലുവിളിച്ച വരരുചി
പരാജയത്തിന്‍ കുഴിയില്‍ പതിച്ചിതു
വരരുചി തന്നാല്‍ വധിക്കാന്‍ ശ്രമിച്ചയാ
ബാലിക തന്റെ വധുവായ സത്യം
അറിഞ്ഞ വരരുചി കോപതാപങ്ങള്‍
വീറോടെ തീര്‍ക്കുന്നു പത്‌നി തന്നില്‍.