"Until the lions have their own historians the history of the hunt will always glorify the hunter...."
- Chinua Achebe

2015, നവംബർ 28, ശനിയാഴ്‌ച

പെമ്പിള ഒരുമൈ തൊഴിലാളികള്‍ക്ക് ഐക്യദാര്‍ഢ്യം ഗോത്രസഭയുടെ നേതൃത്വത്തില്‍ മൂന്നാറില്‍ നില്‍പ്പ് സമരം

ജീവിക്കാനുളള അവകാശ ത്തിനു വേണ്ടി സമരം തുടരുന്ന പൊമ്പിള ഒരുമൈ തൊഴിലാളികള്‍ക്ക് ഐക്യ ദാര്‍ഢ്യം പ്രഖ്യാപിച്ച് ഗോത്ര മഹാ സഭ നേതാവ് സി.കെ. ജാനുവിന്റെ നേതൃത്വത്തില്‍ മൂന്നാറില്‍ നില്‍പ്പ് സമരം നടത്തി. തൊഴിലാളി സമര ത്തെ പിന്തുണക്കുന്ന വിവിധ ബഹുജന പ്രസ്ഥാന പ്രതിനിധികളും പങ്കെടുത്തു.

തൊഴിലാളികള്‍ക്ക് സര്‍ക്കാര്‍ നല്‍കിയ വാഗ്ദാനം പാലിക്കാന്‍ ശക്തമായ ബഹുജനാഭിപ്രായം ഉയരണം. വാഗ്ദാനം പാലിക്കാത്ത സംസ്‌ക്കാരം കേരളത്തിലെ രാഷ്ട്രീയ നേതൃത്വങ്ങള്‍ക്കുണ്ട്. അതാണ് ആദിവാസികളുടെ അനുഭവം. സെപ്റ്റംബര്‍ 26ന് നടക്കുന്ന പ്ലാന്റേഷന്‍ ലേബര്‍ കമ്മിറ്റി യോഗത്തില്‍ പൊമ്പിള ഒരുമൈ തൊഴിലാളി പ്രസ്ഥാനത്തിന്റെ പ്രാതി നിധ്യമുണ്ടാകണം. നിലവിലുളള ട്രേഡ് യൂണിയന്‍ നേതൃത്വങ്ങളുടെ വിശ്വാസം നഷ്ടപ്പെട്ടി ട്ടുണ്ട്. പൊമ്പിള ഒരുമൈ തൊഴിലാളി പ്രസ്ഥാനത്തെ ഒഴിവാക്കുന്ന ചര്‍ച്ചകളില്‍ തൊഴിലാളി താല്‍പ്പര്യം സംരക്ഷിക്കപ്പെടില്ല. 500 രൂപ കൂലി വര്‍ദ്ധന വ്യവസായത്തെ തകര്‍ക്കുമെന്ന മന്ത്രിയുടെ പ്രസ്ഥാവനയും മുതലാളിമാര്‍ക്ക് അനുകൂലമാണ്. ആയതിനാല്‍ തോട്ടം തൊഴിലാളി പ്രശ്‌നം പരിഹരിക്കാനുളള ശക്തമായ ബഹുജന പ്രക്ഷോഭം അനിവാര്യമാണ്.

തോട്ടം തൊഴിലാളികളുടെ പ്രശ്‌നം ഗൗരവമുളള സാമൂഹിക പ്രശ്‌നം കൂടിയാണ്. ബ്രിട്ടീഷ് ഭരണം മുതല്‍ തലമുറകളായി ചൂഷണം ചെയ്യ പ്പെടുന്നവരാണ് തോട്ടം തൊഴിലാളികള്‍. സ്ത്രീകള്‍, തൊഴിലാളികള്‍, ദലിതര്‍ എന്ന നിലയിലുളള ചൂഷണത്തോ ടൊപ്പം തമിഴ് ന്യൂനപക്ഷമെന്ന നിലയിലും കടുത്ത അവഗണന നേരിടുന്നു. കൂലി തൊഴില്‍ പ്രാതിനിധ്യം, കുട്ടികളുടെ വിദ്യാഭ്യാസം, അഭ്യസ്ഥവിദ്യരുടെ തൊഴില്‍, ചികിത്സ, സാമൂഹിക സുരക്ഷ, അന്തസ്സുളള പാര്‍പ്പിടം, തോട്ടം തൊഴില്‍ വിടുന്ന വരുടെ പുനരധിവാസം, ജനപ്രാതിനിധ്യം തുടങ്ങിയവയിലെല്ലാം കടുത്ത അവഗണന നേരിടുന്നു. ടാറ്റായ്ക്ക് ഭൂമി കൈമാറിയപ്പോള്‍ തൊഴിലാ ളികളുടെ പുനരധിവാസത്തിന് 24,000 ഏക്കര്‍ ഭൂമി മാറ്റിയതായി സര്‍ക്കാര്‍ പറയുന്നു. എന്നാല്‍ സമ്പന്നരായ ഒരു വര്‍ഗ്ഗം ബംഗ്ലാവുകളിലും അവരെ സമ്പന്നരാക്കി മാറ്റിയ തൊഴിലാളികള്‍ പുഴുക്കളെപ്പോലെ ലയങ്ങളിലും തൊഴിലാളികളുടെ അദ്ധ്വാനം കൊളളയടിക്കാന്‍ കെ.ഡി. എച്ച് കമ്പനിക്ക് സര്‍ക്കാര്‍ അംഗീകാരം, കമ്പനി നല്‍കുന്ന തേയിലകൊണ്ട് ടാറ്റായ്ക്ക് കോടികളുടെ ലാഭവും. തൊഴിലാളികളുടെ പുനരധി വാസ ത്തിന് ഭൂമി നല്‍കാന്‍ തയ്യാറാകാത്ത സര്‍ക്കാര്‍, 10% എസ്റ്റേറ്റില്‍ ടൂറിസം വഴി ലാഭമു ണ്ടാക്കാനും ടാറ്റായ്ക്ക് അംഗീകാരം നല്‍കുന്നു. പൊമ്പിള ഒരുമൈ തൊഴിലാളി പ്രസ്ഥാനത്തെ പിന്തുണച്ച് രംഗത്തുവരാന്‍ എല്ലാ മനുഷ്യ സ്‌നേഹികളും രംഗത്തിറങ്ങേ ണ്ടതുണ്ട്.