"Until the lions have their own historians the history of the hunt will always glorify the hunter...."
- Chinua Achebe

2016, ഏപ്രിൽ 30, ശനിയാഴ്‌ച

പാഠം 3; എങ്ങനെ നല്ല ഫുഡ്‌ബോള്‍ കളിക്കാരനാകാം - ഡോ. കെ എം കര്‍മചന്ദ്രന്‍




പന്തടിക്കുന്ന വിധം; പ്രിയപ്പെട്ട കൂട്ടുകാരെ, കാല്‍കൊണ്ട് പന്തടിക്കു മ്പോള്‍ ഒരു കാല്‍ നിലത്തുകുത്തി മറ്റേക്കാല്‍ കൊണ്ട് അടിക്കുകയാണ് ചെയ്യുന്നത്. നിലത്തൂന്നുന്ന കാലിന്റെ സ്ഥാനം വളരെ പ്രധാനമാണ്. നിലത്തൂന്നുന്ന കാലിന്റെ സ്ഥാനമാണ് പന്തിന്റെ ദിശയും ഉയര്‍ച്ചയും നിയന്ത്രിക്കുന്നത്. പന്ത് ഗ്രൗണ്ടില്‍ നിശ്ചലമായിരിക്കുമ്പോള്‍ അതിന്റെ ഒത്ത നടുക്കുകൂടെ കടന്നു പോകുന്ന ഒരു രേഖ വരക്കുക. ഊന്നുന്ന കാലിന്റെ തള്ളവിരല്‍ പന്തിനടുത്തായി ഈ വരയില്‍ തൊട്ടു നില്‍ക്കണം.

നിങ്ങള്‍ വലതുകാല്‍കൊണ്ടാണ് അടിക്കുവാന്‍ ഉദ്ദേശിക്കുന്നതെങ്കില്‍ ഇടതുകാല്‍, മേല്‍ വിവരിച്ച വിധത്തില്‍ ഊന്നിയ ശേഷം വലതുകാല്‍ മുട്ട് ശ്രദ്ധയോടെ പുറകിലേക്ക് മടക്കിയ ശേഷം ഉടനെ വലതുകാല്‍പ്പാ ദത്തിന്റെ മുന്‍ഭാഗം കൊണ്ട് പന്തടിക്കുക. പന്തു നീങ്ങുന്നതിനനുസരിച്ച് വലതുകാല്‍പ്പാദം പന്തിനെ സാധിക്കുന്നിടത്തോളം പിന്‍തുടരണം. കാല്‍കൊണ്ട് അടിക്കുമ്പോള്‍ അതിന്റെ തള്ളവിരല്‍ തറയില്‍ ഇടിക്കാ തിരിക്കുവാന്‍ ശ്ര്ദ്ധിക്കണം. ഈ സമയം മുഴുവന്‍ ഊന്നുകാല്‍ നിലത്തുതന്നെ ഉണ്ടായിരിക്കണം.

കാല്‍കൊണ്ടുള്ള കിക്ക് പലതവണ ഇപ്രകാരം ആവര്‍ത്തിക്കുക. ഓരോ തവണയും കിക്കുചെയ്യുന്നതിന്റെ ശക്തി വര്‍ധിപ്പിക്കുക.

ഇനി വലതുകാല്‍ നിലത്തൂന്നി ഇടതുകാല്‍കൊണ്ട് കിക്കുചെയ്തു ശീലിക്കുക. വലതുകാലും ഇടതുകാലും ഉപയോഗിച്ച് ആവശ്യാനുസരണം പന്തടിക്കുവാന്‍ കഴിയുന്നവര്‍ക്കേ നല്ല കളിക്കാരനാകാനാകൂ എന്നത് ഓര്‍ക്കണം.

ചലനാവസ്ഥയിലുള്ള പന്തടിക്കണമെങ്കില്‍ ഊന്നുകാല്‍ ശ്രദ്ധാപൂര്‍വം വേഗത്തില്‍ അഡ്ജസ്റ്റ് ചെയ്ത് ഊന്നിയശേഷം മറ്റേകാല്‍കൊണ്ട് വേഗംത ന്നെ കിക്ക് ചെയ്യണം. അല്ലാത്തപക്ഷം ബലന്‍സുതെറ്റി നിങ്ങള്‍ നിലത്തു വീഴാനിടയാകും.