"Until the lions have their own historians the history of the hunt will always glorify the hunter...."
- Chinua Achebe

2016, മേയ് 2, തിങ്കളാഴ്‌ച

സെഗു ദന്താളി മുരുകേശന്‍: സ്വാഭിമാന സംരക്ഷ ണസമര രക്തസാക്ഷി..!!!



കോയമ്പത്തൂരിലെ പാവപ്പെട്ട കൂലിപ്പണിക്കാരനായ ഒരു ദലിത് യുവാവായിരുന്ന സെഗുദന്താളി മുരുകേശന്‍. 1999 നവംബര്‍ 17 ന് ജാതിഹിന്ദുക്കളായ ഗൗണ്ടര്‍മാര്‍ ചേര്‍ന്ന് മുരുകേശനെ അടിച്ചുകൊന്നു. ഗര്‍ഭിണിയായ വൈഫുമായി ആശുപത്രിയില്‍ പരിശോധനക്ക് പോയശേഷം ബസ്സില്‍ വീട്ടിലേക്ക് മടങ്ങുകയായിരുന്നു മുരുകേശന്‍. ബസ്സിനുള്ളിലെ ആളൊഴിഞ്ഞ സീറ്റില്‍ മുരുകേശന്‍ വൈഫിനെ ഇരുത്തി. തൊട്ട പ്പുറത്ത് ഒരു ഗൗണ്ടന്‍ ഇരിക്കുന്നുണ്ടായിരുന്നു. ഹീനജാതിക്കാരന്‍ തൊട്ടടുത്തിരുന്നത് ജാതിഹിന്ദുവായ ആ ഗൗണ്ടന് അപമാനമായി. 

അന്നു രാത്രി ഗൗണ്ടര്‍മാരുടെ ഒരു സംഘം ആക്രമണകാരികള്‍ മരുകേശന്റെ കുടിലിലെത്തുകയും അത് വലിച്ചു താഴെയിടുകയും മുരുകേശനെ ക്രൂരമായി മര്‍ദ്ദിക്കു കയും ചെയ്തു. മര്‍ദ്ദനത്തില്‍ നിന്ന് ഗര്‍ഭിണിയായ സ്ത്രീയെ പോലും ഗൗണ്ടര്‍മാര്‍ ഒഴിവാക്കിയില്ല. ശാരീരികമായ മര്‍ദ്ദനത്തിന് പുറമേ, കടുത്തഭാഷയില്‍ ജാതിഅധി ക്ഷേപങ്ങളും ചൊരിഞ്ഞശേഷം ഗൗണ്ടര്‍മാര്‍ സ്ഥലം വിട്ടു. മുരുകേശന്‍ കുടുംബസ മേതം ആക്രമിക്കപ്പെട്ടതുസംബന്ധിച്ച് പൊലീസിന് അറിയിപ്പു കിട്ടിയിരുന്നു വെങ്കിലും അവര്‍ അതിന്മേല്‍ യാതൊരു നടപടിയും കൈക്കൊണ്ടില്ല. ഇതേ തുടര്‍ന്ന് 'ആദി തമിഴ് പറവൈ' (എടിപി) എന്ന ദലിത് സംഘടന പ്രശ്‌നത്തിലിടപെടുകയും മറ്റ് ദലിത് സംഘടനകളേയും സഹകരിപ്പിച്ച് മുരുകേശനെയും കുടുംബത്തേയും ആക്രമിച്ച കുറ്റവാളികളെ കണ്ടെത്തി ശിക്ഷിക്കണമെന്നാവശ്യപ്പെട്ടുകൊണ്ട് പ്രക്ഷോഭം നടത്തി. എടിപിയുടെ 300 പ്രവര്‍ത്തകര്‍ പ്രക്ഷോഭത്തിന്റെ മുന്‍നിരയിലുണ്ടായിരുന്നു. അതിന്റെ ഫലമായി മുരുകേശനെ ആക്രമിച്ച കുറ്റവാളികള്‍ക്കെതിരെ പൊലീസ് കേസെടുത്തു.

ഗൗണ്ടര്‍മാര്‍ അടങ്ങിയിരുന്നില്ല. അവര്‍ കേസ് പിന്‍വലിക്കണമെന്നാ വശ്യപ്പെട്ടു കൊണ്ട് മുരുകേശനെ പിന്നേയും ശല്യം ചെയ്യാന്‍ തുടങ്ങി. താന്‍ അങ്ങനെ ചെയ്താല്‍ അത് താനുള്‍ക്കൊള്ളുന്ന ദലിത് സമുദായത്തോട് ചെയ്യുന്ന വഞ്ചനയായിരിക്കുമെന്നും അത് സ്വാഭിമാനക്ഷതം വരുത്തിവെക്കുന്ന പ്രവൃത്തികൂടിയാണെന്നും വ്യക്തമാക്കിയ മുരുകേശന്‍ അവരുടെ ഭീഷണികള്‍ക്കു മുന്നില്‍ മുട്ടുമടക്കിയില്ല. അതോടെ കലി ഒന്നുകൂടി വര്‍ദ്ധിച്ച ഗൗണ്ടര്‍മാര്‍ സംഘം ചേര്‍ന്നെത്തി അതിക്രൂരമായി മുരുകേശനെ അടിച്ചു കൊന്നു. 

എടിപി വീണ്ടും കേസില്‍ ഇടപെട്ടു. മുരുകേശനെ കൊന്നവരില്‍ രണ്ട് ഗൗണ്ടര്‍മാര്‍ക്ക് ജീവപര്യന്തം തടവു ശിക്ഷ കീഴ്‌ക്കോടതി വിധിച്ചു. അപ്പീലിനു പോയ ആ കൊലയാ ളികള്‍ പിന്നീട് ഹൈക്കോടതിയില്‍ നിന്നും വിടുതല്‍ നേടി...!!!

മുരുകേശന്‍ പട്ടികജാതി/വര്‍ഗ അതിക്രമങ്ങളുടെ ഇര എന്ന നിലയില്‍ മാത്രമല്ല, സ്വാഭിമാന സംരക്ഷണപ്പോരാട്ടത്തിലെ സംക്തസാക്ഷിയായാണ് ഇപ്പോള്‍ അനുസ്മരിക്കപ്പെടുന്നത്. കൊല്ലപ്പെടുമ്പോള്‍ മുരുകേശന്റെ മകന്‍ പിറന്നിരുന്നില്ല.