"Until the lions have their own historians the history of the hunt will always glorify the hunter...."
- Chinua Achebe

2016, മേയ് 14, ശനിയാഴ്‌ച

ഭരണഘടന: മതേതര ജനാധിപത്യത്തിന്റെ ദീപശിഖ - വി ഐ ബോസ് വാകത്താനം.


1. മതേതരത്വം: രാഷ്ട്രം ഏതെങ്കിലും ഒരു പ്രത്യേക മതത്തോട് കൂറ് പുലര്‍ത്തുകയോ ഏതെങ്കിലും വ്യക്തിക്കെതിരായി മതത്തിന്റേയോ സമുദായത്തിന്റേയോ പേരില്‍ വിവേചനം കാട്ടുകയോ ചെയ്യുകയില്ലെന്നാണ് മതേതരത്വം കൊണ്ട് അര്‍ത്ഥ  മാക്കുന്നത്. എല്ലാ മതങ്ങള്‍ക്കും തുല്യ സ്വാതന്ത്ര്യം നല്കപ്പെ ടുന്നു. മതനിരപേക്ഷത ഒരു മതത്തേയും എതിര്‍ക്കുന്നില്ല. ഓരോ പൗരനും ഇഷ്ടമുള്ള മതം സ്വീകരിക്കാനും മതം ഉപേക്ഷിക്കാനും മതരഹിതനായി ജീവിക്കാനുള്ള സ്വാതന്ത്ര്യവും നമ്മുടെ ഭരണ ഘടന ഉറപ്പു നല്കിയിട്ടുണ്ട്. മതേതരത്വത്തിന്റെ സവിശേഷത മത സൗഹാര്‍ദ്ദമല്ല, മത സഹിഷ്ണുതയാണ്.

ജനാധിപത്യം: ഇനങ്ങള്‍ക്കു വേണ്ടി ജനങ്ങള്‍ തെരഞ്ഞെടുക്കുന്ന ജനങ്ങളുടെ ഭരണം (Government of the people, by the people and for the people) ഇതാണ് ജനാധിപത്യത്തെക്കുറിച്ച് അമേരിക്കയുടെ 16 ആമത്തെ പ്രസിഡന്റായിരുന്ന മഹാനായ എബ്രഹാം ലിങ്കണ്‍ 1860 ല്‍ അമേരിക്കയിലെ ഗാരീസ്‌ബെര്‍ഗില്‍ വെച്ച് നടത്തിയ വിശ്വപ്രസിദ്ധമായ പ്രസംഗത്തില്‍ ആദ്യമായി പ്രസ്താവിച്ചത്.

ഭരണഘടന നിര്‍മാണ സഭയിലെ മെമ്പറും വിശിഷ്യ സഭാ ചെയര്‍മാന്‍ ഡോ. ബി ആര്‍ അംബേഡ്കറും ജനാധിപത്യത്തെ സാമൂഹ്യ ജനാധിപത്യമെന്നും രാഷ്ട്രീയ ജനാധിപത്യമെന്നും രണ്ടായി വിഭജിച്ച് സമഗ്രമായി ചര്‍ച്ച നടത്തി അവയെ സമന്വയിപ്പിക്കുന്ന നടപടികളാണ് കോണ്‍സ്റ്റിറ്റിയുവെന്റ് അസംബ്ലിയില്‍ നടത്തിയത്.

സാമൂഹ്യ ജനാധിപത്യമെന്നാല്‍ ജാതിരഹിത സമൂഹമെന്നാണ് വിവക്ഷ. രാഷ്ട്രീയ ജനാധിപത്യമെന്നാല്‍ പാര്‍ലമെന്ററി പ്രാതിന്ധ്യമാണ്. സമത്വം, സ്വാതന്ത്ര്യം, സാഹോദര്യം എന്നിവ ജീവിതക്രമമായി അംഗീകരിക്കലാണ് സാമൂഹ്യ ജനാധിപത്യം. പ്രായപൂര്‍ത്തി വോട്ടവകാശ സ്വാതന്ത്ര്യമാണ് രാഷ്ട്രീയ ജനാധിപത്യത്തിന്റെ സവിശേഷത. ഒരാള്‍ക്ക് ഒരു വോട്ട് ഒരു വോട്ടിന് ഒരു മൂല്യം (One man One Vote, One value) എന്നത് രാഷ്ട്രീയ സമത്വം അംഗീകരിക്കലാണ്. രാഷ്ട്രീയ ജനാധിപത്യ ത്തിന്റെ അടിത്തറയില്‍ സാമൂഹ്യ ജനാധിപത്യം ഇല്ലെങ്കില്‍ രാഷ്ട്രീയ ജനാധിപത്യത്തിന് നിലനില്പില്ല.

ഇന്ത്യന്‍ ഭരണഘടനയിലെ മൗലികാവകാശങ്ങളും (Fundamental Rights) മൗലിക ചുമതലകളും (Fundamental Duties) നിര്‍ദ്ദേശക തത്വങ്ങളും (Directive Principles of State Policy) ഇന്ത്യന്‍ ജനത കഴിഞ്ഞ ആറ് പതിറ്റാണ്ടുകളായി സംരക്ഷിച്ചു വരുന്ന മതേതര ജനാധിപത്യത്തെ അരശ്വരമായ ദീപശിഖയായി ഉയര്‍ത്തിപ്പിടി ച്ചിരിക്കുന്നത്. ഈ ദീപശിഖ കെടാതെ സൂക്ഷിക്കേണ്ട ചുമതല പാര്‍ലമെന്റ് എക്‌സിക്യുട്ടീവ്, ജുഡീഷ്യറി എന്നിവരില്‍ നിക്ഷിപ്തമാണ്. അതിലുപരി രാജ്യത്തെ പരമാധികാരം നിക്ഷിപ്തമായിരിക്കുന്നത് ജനങ്ങളിലാണ്.

രാജ്യത്തിന്റെ വികസനത്തിനും നിയമ വാഴ്ചക്കും നിലനില്പി ന്ും മതേതര ജനാധിപത്യമെന്ന ദീപശിഖ ഒന്നിനൊന്ന് ജ്വലിക്കട്ടെ എന്ന് നമുക്ക് എല്ലാവര്‍ക്കും എല്ലാ വിഭാഗീയതകള്‍ക്കും അതീതമായി കരങ്ങള്‍ ചേര്‍ത്ത് പിടിച്ച് ആശംസിക്കാം. നിയമ സാക്ഷരത കരസ്ഥമാക്കാതെ ഈ ദീപശിഖയെ ഉയര്‍ത്തിപ്പിടി ക്കാനും സംരക്ഷിക്കാനും പൗരന്മാര്‍ക്ക് സാധ്യമല്ല. നമ്മുടെ ഭരണഘടന നമ്മുടെ സംസ്‌കാരം.... നമ്മുടെ അഭിമാനം.... നമ്മുടെ അവകാശം.