"Until the lions have their own historians the history of the hunt will always glorify the hunter...."
- Chinua Achebe

2016, ജൂലൈ 22, വെള്ളിയാഴ്‌ച

എങ്ങനെ നല്ലൊരു ഫുഡ്‌ബോള്‍ കളിക്കാരനാകാം? പാഠം; 11 - ഡോ. കെ എം കര്‍മചന്ദ്രന്‍


പന്തുസ്വീകരിക്കുന്നതിലെ തന്ത്രങ്ങള്‍;

പന്തുനിയന്ത്രണവും സ്വീകരണവും യഥാവിധി പരിശീലിച്ച ഒരു കളിക്കാരനു പോലും യഥാര്‍ത്ഥ ഗെയിമില്‍ തന്ത്രങ്ങള്‍ അറിയാത്തതു മൂലം പന്തു കൈവശപ്പെടുത്താനാകാതെ വരാം. ഇതൊഴിവാക്കണമെങ്കില്‍ പന്തിന്റെ സ്ഥാനം, വേഗത, ഗതി എന്നിവയും സ്വന്തം സ്ഥാനവും വേഗതയും ഗതിയും ശശീരസ്ഥിതിയും മനസിലാക്കി വേണ്ട ക്രമീകരണങ്ങള്‍ കളിയുടെ തന്ത്രങ്ങളാക്കി പ്രയോഗിക്കണം.

കളിക്കിടയില്‍ അതിവേഗതയില്‍ വരുന്ന പന്ത് നിങ്ങള്‍ നിലകൊള്ളുന്നിടത്തു വെച്ചു തന്നെ നിങ്ങള്‍ക്കു വേഗത്തില്‍ നിയന്ത്രിക്കാന്‍ കഴിഞ്ഞേക്കാം. എന്നാല്‍ കുറഞ്ഞ വേഗതയോടെ നിങ്ങളെ സമീപിക്കുന്ന പന്തിനെ എതിര്‍കളിക്കാര്‍ക്കു ഓടിവന്നു തട്ടിയെടുക്കുവാന്‍ എളുപ്പമാണ്. (ഒരു ശരാശരി ഫുഡ്‌ബോള്‍ കളിക്കാരന് സെക്കന്റില്‍ എട്ട് മീറ്റര്‍ വീതം എന്ന വേഗതയില്‍ ഓടുവാന്‍ കഴിയും)

ഉദാഹരണമായി 7 മീറ്റര്‍ അകലെ നിന്നാണ് പന്ത് സെക്കന്റില്‍ 8 മീറ്റര്‍ വേഗതയില്‍ നിങ്ങളെ ലക്ഷ്യമാക്കി വരുന്നതെന്നു കരുതുക. അതു നിങ്ങളുടെ കാല്ക്കല്‍ എത്തുവാന്‍ ഏകദേശം ഒരു സെക്കന്റ് സമയം എടുക്കും. എതിര്‍ കളിക്കാരന്‍ 7 മീറ്റര്‍ അകലെയാണെങ്കില്‍ അയാള്‍ക്കു ഓടിവന്നു നിങ്ങളേക്കാള്‍ മുമ്പായിത്തന്നെ പന്തു തട്ടിയെടുക്കുവാന്‍ സാധിക്കും. എന്നാല്‍ നിങ്ങള്‍ പന്തിന്റെ നേരേ വേഗം ഓടിയടുത്താല്‍ പന്തെത്തിച്ചേ രുവാനുള്ള സമയം ഒരു സെക്കന്റില്‍ നിന്നും അര സെക്കന്റാ യി കുറച്ചുകൊണ്ട് നിങ്ങള്‍ക്കുതന്നെ പന്തു നിയന്ത്രിക്കുവാന്‍ സാധിക്കും. അതായത് നിങ്ങള്‍ ലാഭിക്കുന്ന / നഷ്ടപ്പെടുത്തുന്ന അര സെക്കന്റ് സമയം പോലും ഫുഡ്‌ബോള്‍ കളിയില്‍ നിര്‍ണായകമാണ്.

ഈ തന്ത്രം പൊതുവില്‍ പ്രയോഗിക്കാതെ കളിച്ചാല്‍ എത്ര മികച്ച കളിക്കാരനായാലും നിങ്ങളുടെ ടീം തോല്ക്കുവാന്‍ ഇടയാകും. ഈ തന്ത്രം മറികടക്കണമെങ്കില്‍ അതിവേഗതയുള്ള പാസ്സുകളും മികച്ച പന്തടക്കവും കൊണ്ടുമാത്രമേ കഴിയുക യുള്ളൂ. എന്നാല്‍ അതിവേഗതയിലുള്ള പാസ്സുകള്‍ നിങ്ങങള്‍ക്കു ശ്രദ്ധയോടെ അല്പം പിന്നോട്ടാഞ്ഞു സ്വീകരിക്കാവുന്നതാണ്. അതായത് കൃത്യതയും വേഗതയും ഉള്ള പാസ്സുകള്‍ ശീലിച്ച ഒരു ടീമിന് ശാരീരികാധ്വാനം ഒരു പരിധിവരെ കുറക്കുവാന്‍ സാധിക്കും.