"Until the lions have their own historians the history of the hunt will always glorify the hunter...."
- Chinua Achebe

2016, ജൂലൈ 20, ബുധനാഴ്‌ച

സ്വര്‍ണമെന്ന വികാരം - ശശിക്കുട്ടന്‍ വാകത്താനം


മാനവ ചരിത്രത്തോളം പഴക്കമുള്ളതാണ് സ്വര്‍ണത്തിന്റെ ചരിത്രവും. ബി സി 4000 ത്തോടെ കിഴക്കന്‍ യൂറോപ്പിലും ബി സി 3000ത്തില്‍ ഇറാക്കിന്റെ തെക്കു ഭാഗത്തും സിന്ധു നാഗരികതയിലും ബി സി 2600ല്‍ ഈജിപ്റ്റിലും സ്വര്‍ണം കണ്ടെത്തിയിരുന്നു. ഈജിപ്റ്റിലെ ഹീറോഗ്ലിപ്‌സിലാണ് സ്വര്‍ണത്തെക്കുറിച്ചുള്ള ആദ്യ പരാമര്‍ശം ഉള്ളത്. ആകര്‍ഷണ വസ്തുക്കള്‍ തട്ടങ്ങള്‍ ആഭരണങ്ങള്‍ ഇവ നിര്‍മ്മിക്കുന്നതിനു വേണ്ടിയാണ് സ്വര്‍ണം ഉപയോഗിച്ചിരുന്നത്. 

ബി സി 1350 ല്‍ ബാബിലോണിയാക്കാരാണ് സ്വര്‍ണം തീയില്‍ ശുദ്ധീകരിക്കാന്‍ തുടങ്ങുന്നത്. 1200 ബി സി യില്‍ ഈജിപ്റ്റു കാരാണ് മറ്റു വസ്തുക്കള്‍ ചേര്‍ത്ത് സ്വര്‍ണത്തെ കടുപ്പപ്പെടു ത്താനും നിറം മാറ്റി ഉപയോഗിക്കാനും തുടങ്ങുന്നത്. മെഴുകു നീക്കി കാസ്റ്റുചെയ്യുന്ന രീതിയും ഇവരാണ് ആവിഷ്‌ക്കരിച്ചത്. ബി സി 1091 ല്‍ നാണയത്തിന്റെ രൂപത്തില്‍ സ്വര്‍ണം ഉപയോഗിക്കാന്‍ തുടങ്ങുന്നത് ചൈനക്കാരാണ്. ബി സി 50 മുതല്‍ റോമന്‍ സ്വര്‍ണ നാണയങ്ങള്‍ ലോകത്തെവിടെയും പ്രചരിക്കാന്‍ തുടങ്ങി.

നദീതീരത്തുള്ള മണലിലാണ് സ്വര്‍ണത്തരികള്‍ ആദ്യം കണ്ടിരു ന്നത്. അത് അരിച്ചു വേര്‍പെടുത്തി സ്വര്‍ണം എടുത്തിരുന്നു. സ്വര്‍ണം കാണപ്പെടുന്നത് ചിലയിനം പാറകളിലാണ്. ഈ പാറകള്‍ പൊടിഞ്ഞ് ജലപ്രവാഹത്തില്‍പ്പെടുമ്പോള്‍ ചിലയിട ങ്ങളില്‍ അടിഞ്ഞുകൂടും ചിലയിടങ്ങളില്‍ ഇത് ക്രമേണ ഭൂമിയിലേക്ക് ആണ്ടുപോവുകയും ചെയ്യും. ഭൂമിക്കടിയിലെ ചൂടും മര്‍ദ്ദവും കൊണ്ട് സ്വര്‍ണം കട്ടിയാവുന്നു. ഇവിടങ്ങളാണ് പിന്നീട് ഖനികളായി മാറുന്നത്.

ആധുനിക യുഗത്തിലെ ലോഹങ്ങളുടെ ഉല്‍പാദന ചരിത്രം 1493 മുതല്‍ആരംഭിക്കുന്നു. 1493 മുതല്‍1890 വരെ സ്വര്‍ണത്തിന്റെയും വെള്ളിയുടെയും വളര്‍ച്ച ക്രമമായി വര്‍ദ്ധിച്ചുകൊണ്ടേയിരുന്നു. 1851 ല്‍ ഓസ്‌ട്രേലിയായില്‍ വന്‍ സ്വര്‍ണ നിക്ഷേപം കണ്ടെത്തി യതോടെ സ്വര്‍ണ ഉല്‍പാദനം അഭൂതപൂര്‍വ്വമായി വര്‍ദ്ധിച്ചു.

ഗോള്‍ഡ് റഷ്
16-ാം നൂറ്റാണ്ടു മുതല്‍ തെക്കെ അമേരിക്കയും മെക്‌സിക്കോയു മായിരുന്നു സ്വര്‍ണത്തിന്റെ പ്രമുഖ ഉല്‍പാദകര്‍. 1851 ല്‍ ഓസ്‌ട്രേലിയായില്‍ വന്‍ സ്വര്‍ണ നിക്ഷേപം കണ്ടെത്തി. ഖനികള്‍ കണ്ടെത്തിയാല്‍ അവിടേക്ക് വിവിധ രാജ്യങ്ങളില്‍ നിന്നായി ആയിരക്കണക്കിനു ജനങ്ങള്‍ ഓടിയെത്തും. ഇതിനെയാണ് ഗോള്‍ഡ് റഷ് എന്നു പറയുന്നത്. 19-ാം നൂറ്റാണ്ടിലും 20-ാം നൂറ്റാണ്ടിലുമായി ആസ്‌ട്രേലിയ, കാനഡ, ബ്രസീല്‍, ദക്ഷിണാഫ്രിക്ക ഇവിടങ്ങളിലാണ് ഗോള്‍ഡ് റഷ് എന്ന കുടിയേറ്റം ഉണ്ടായത്.

1700 ല്‍ പോര്‍ട്ടുഗീസ് കോളനിയായ ബ്രസീലിലും 1849 ല്‍ കാലിഫോര്‍ണിയായിലും 1851 ല്‍ ആസ്ട്രിയായിലും 1886 ല്‍ വിറ്റ് വാട്ടര്‍സ്ട്രാന്റിലും സ്വര്‍ണ നിക്ഷേപം കണ്ടെത്തി. മൂന്നുലക്ഷത്തോളം വരുന്ന വെള്ളക്കാരുടെ ഗോള്‍ഡ് റഷാണ് കാലിഫോര്‍ണിയായില്‍ ഉണ്ടായത്. ഖനനത്തിലൂടെ പ്രകൃതിയെ വിഷമയമാക്കി ഒരു നൂറ്റാണ്ടുകഴിഞ്ഞപ്പോള്‍ ഒന്നര ലക്ഷം ഇന്ത്യക്കാരുണ്ടായിരുന്നിടത്ത് 30,000 പേര്‍ അവശേഷിച്ചു. 1897ല്‍ കാനഡയില്‍ ക്ലോണ്ടിങ്ങ് ഗോള്‍ഡ് റഷ് തുടങ്ങി. ലക്ഷക്കണക്കി നാളുകള്‍ ഗോള്‍ഡ് റഷില്‍ അകപ്പെടുകയും അകാല മരണത്തിനു വിധേയമാകുകയും ചെയ്തു. 1851 ല്‍ ആസ്ട്രിയായിലും 1886 ല്‍ ആഫ്രിക്കയിലെ വിറ്റ് വാട്ടര്‍ സ്ട്രാറ്റിലും സ്വര്‍ണ നിക്ഷേപം കണ്ടെത്തി. ബ്രസീലില്‍ 4,00,000പോര്‍ട്ടുഗീസുകാരും 50,000 ത്തോളം ആഫ്രിക്കന്‍ അടിമകളുമാണ് ഗോള്‍ഡ് റഷിലേക്ക് എത്തിയത്. സ്വര്‍ണ നിക്ഷേപം കണ്ടെത്തിയതിനെ തുടര്‍ന്ന് വികസിച്ചുവന്ന പ്രദേശമാണ് ആഫ്രിക്കയിലെ യോഹന്നാസ്ബര്‍ഗ്, സാന്‍ഫ്രാന്‍സി സ്‌കോ, കാലിഫോര്‍ണിയ എന്നീ നഗരങ്ങള്‍. ബ്രിട്ടീഷ് കൊളോണിയല്‍ കാലത്തോടെ ഗ്വാട്ടിമാല, ഡൊമിനിക്കന്‍ റിപ്പബ്ലിക്ക്, പാപ്പുവ ന്യൂഗിനിയ, നിക്കരാഗ്വ, ടാന്‍സാനിയ എന്നിവിടങ്ങളില്‍ സ്വര്‍ണ നിക്ഷേപം കണ്ടെത്തുകയും അവിട ങ്ങളിലേക്ക് ജനങ്ങള്‍ കുടിയേറാനും തുടങ്ങി.

ഗോള്‍ഡ് റഷിലൂടെ ജനസംഖ്യ അതിദ്രുതം വര്‍ദ്ധിക്കുന്ന കാഴ്ചയാണ് നമ്മുടെ മുന്നിലുള്ളത്. ആസ്‌ട്രേലിയായിലെ വിക്‌ടോറിയന്‍ സ്വര്‍ണ നിക്ഷേപം കണ്ടെത്തിയതോടെ 5 ലക്ഷത്തോളം ആസ്‌ട്രേലിയക്കാരും യൂറോപ്യന്‍മാരും ചൈന ക്കാരും അവിടേക്കു തള്ളിക്കയറി. വിജന പ്രദേശമായിരുന്ന കാനഡയിലെ ക്ലോണ്ടിക്കില്‍ ഗോള്‍ഡ് റഷില്‍ ഒരു ലക്ഷത്തോളം പേരാണ് എത്തിയത്.

ലോകത്തിലെ ഏറ്റവും വലിയ സ്വര്‍ണഖനിയുടെ ഉടമ അമേരിക്കന്‍ കമ്പനിയായ ഫ്രീപോര്‍ട്ട് മക്‌മൊറാന്‍, ബാരിക് ഗോള്‍ഡ്, ഗോള്‍ഡ് കോര്‍പ്പ്, ന്യൂമോണ്ട് മൈനിംഗ് എന്നീ കനേഡിയന്‍ കമ്പനികളും ആഗ്ലോ ഗോള്‍ഡ് അഷാന്തി എന്ന ദക്ഷിണാഫ്രിക്കന്‍ കമ്പനിയുമാണ്. ബ്രസീലാണ് ചെറുകിട സ്വര്‍ണ ഉല്പാദകരില്‍ വമ്പന്‍. 168 ദശലക്ഷം ഔണ്‍സ് സ്വര്‍ണശേഖര മാണ് ബാരിക് ഗോള്‍ഡിനു മാത്രമുള്ളത്. വടക്കെ അമേരിക്കയി ലെയും തെക്കെ അമേരിക്കയിലെയും വിവിധ രാജ്യങ്ങളിലും ആസ്‌ട്രേലിയയിലും പാപ്പുവ ന്യൂഗിനിയയിലും സ്വര്‍ണഖനി കളുണ്ട്. മറ്റൊരു കണക്കു്രപ്രകാരം ലോകത്താകെയുള്ള സ്വര്‍ണ ഖനനശേഷിയില്‍ മുന്നിട്ടുനില്‍ക്കുന്നത് കാനഡ സര്‍ക്കാരോ കനേഡിയന്‍ കമ്പനിയോ ആണ്. 4580ലക്ഷം ഔണ്‍സ് സ്വര്‍ണമാണ് കാനഡായുടെ ശേഷി. രണ്ടാം സ്ഥാനം ദക്ഷിണാഫ്രിക്കയാണ്. 2068ലക്ഷം ഔണ്‍സ് ആണ് അവരുടെ സ്വര്‍ണ ശേഷി. യു എസ് എ, റഷ്യ ഓസ്‌ട്രേലിയ എന്നിവര്‍ പിന്നാലെ വരും (ആര്‍. പരമേശ്വരന്‍ മാതൃഭൂമി ദിനപത്രം 12013 ഏപ്രില്‍ 20)

എഡി 5ല്‍ കര്‍ണാടകത്തിലെ കോലാര്‍ സ്വര്‍ണ ഖനിയില്‍ നിന്നും 50 മീറ്ററോളം ആഴത്തില്‍ സ്വര്‍ണ ഖനനം നടത്തിയിരുന്നു. 1802ല്‍ ലഫ്റ്റനന്റ് ജോണ്‍വാറല്‍ ബ്രിട്ടീഷ് ഈസ്റ്റിന്ത്യാകമ്പനിക്കായി സര്‍വേ നടത്തുന്നതിനിടയിലാണ് ഈ മേഖലയിലെ സ്വര്‍ണ നിക്ഷേപത്തെക്കുറിച്ച് റിപ്പോര്‍ട്ടു നല്‍കുന്നത്. 1873 ഓടെ ഇവിടെ ആധുനിക രീതിയിലുള്ള ഖനനം തുടങ്ങി. 1953 ഇവിടുത്തെ ഖനിയുടെ ആഴം 9870 അടി വരെ എത്തിയിരുന്നു. കുറഞ്ഞു വരുന്ന ധാതു നിക്ഷേപവും വര്‍ദ്ധിച്ച ഉല്‍പാദന ചെലവും മൂലം 2004 ല്‍ പ്രവര്‍ത്തനം നിര്‍ത്തി.

ഛത്തീസ്ഗഡിലെ ബലോദ ബസാര്‍ ജില്ലയിലെ ബാഗ്മാരയില്‍ സ്വര്‍ണഖനി കണ്ടെത്തിയത്. ഇവിടെ ഭനനം നടത്തുന്നത് വേദാന്ത എന്ന സ്വകാര്യ കമ്പനിയാണ്. ഇന്ത്യയില്‍ സ്വകാര്യ കമ്പനിക്ക് ആദ്യമായാണ് സ്വര്‍ണ ഖനനത്തിന് അനുമതി ലഭിക്കുന്നത്. വേദാന്ത കമ്പനി ലേലത്തിലൂടെയാണ് ഇതു നേടിയയതെന്നു പറയുന്നു. 607 ഹെക്ടറിലായി 2700കിലോഗ്രാം സ്വര്‍ണം ഉണ്ടെന്നാണ് കണക്കാക്കിയിരിക്കുന്നത്. (മാതൃഭൂമി ദിനപത്രം 2016 ഫെബ്രുവരി 28)

വിഷമയമാകുന്ന പ്രകൃതി
ഒരു പവന്‍ സ്വര്‍ണം ഖനനം ചെയ്യുമ്പോള്‍ ടണ്‍ കണക്കിനാണ് മാലിന്യം പുറംതള്ളപ്പെടുന്നത്. മാലിന്യങ്ങളില്‍ അടങ്ങിയിരി ക്കുന്ന വിഷവസ്തുക്കള്‍ തലമുറകളുടെ നാശത്തിനു കാരണമാ കുന്നു. സയനൈഡുംമെര്‍ക്കുറിയും അതുപോലെയുള്ള മാരക വസ്തുക്കളുമാണ് സ്വര്‍ണഖനത്തിനുപയോഗിക്കുന്നത്. മണ്ണിലും വെള്ളത്തിലും ഇതു കലരുകയും ജീവിവര്‍ഗ്ഗങ്ങളുടെ വംശനാ ശത്തിനു കാരണമാവുകയും ചെയ്യുന്നു. ഗോള്‍ഡ് കോര്‍പ്പിന്റെ ഗ്വാട്ടിമാലയിലെ മാര്‍ലിന്‍ ഖനിക്കു സമീപം താമസിക്കുന്നവരില്‍ പരിശോധന നടത്തിയ മിഷിഗണ്‍ സര്‍വ്വകലാശാലയിലെ ഗവേഷകര്‍ കണ്ടെത്തിയത്, അവരുടെ മൂത്രത്തിലും രക്തത്തിലും ഉയര്‍ന്ന അളവിലുള്ള വിഷലോഹസാന്നിദ്ധ്യമായിരുന്നു. മെര്‍ക്കുറി, ആഴ്‌സെനിക്ക്, സിങ്ക്, കോപ്പര്‍ എന്നിവയുടെ അംശങ്ങള്‍ ഉയര്‍ന്ന തോതില്‍ കണ്ടെത്തിയിരുന്നു. അമേരിക്കന്‍ കമ്പനി ഫ്രീപോര്‍ട്ട് മക്‌മൊറാന്‍ നശിപ്പിച്ചത് ന്യൂഗിനിയയിലെ അഞ്ച് തദ്ദേശീയ ഗോത്രങ്ങളുടെ ജീവിതത്തെയായിരുന്നു. സയനൈഡ് ഉപയോഗിച്ചു നടത്തിയ ഖനന മാലിന്യം പതിനായി രത്തിലേറെ ഡാല്‍ മത്സ്യങ്ങളെയും മലിനജലം കുടിച്ച ആയിരത്തോളം പക്ഷികളേയും കൊന്നൊടുക്കി. ഒരു ഗ്രാം സ്വര്‍ണം സംസ്‌കരിച്ചെടുക്കാന്‍ രണ്ടു മുതല്‍ അഞ്ചു ഗ്രാം വരെ മെര്‍ക്കുറി ഉപയോഗിക്കുന്നു എന്നാണ് യൂണിഡോയുടെ (ഐക്യരാഷ്ട്ര സഭയുടെ വ്യവസായ വികസന സംഘടന) കണക്ക്. ചെറുകിട സ്വര്‍ണ ഖനനത്തിലേര്‍പ്പെട്ടിരിക്കുന്നവര്‍ മെര്‍ക്കുറി യാണ് സ്വര്‍ണ സംസ്‌കരണത്തിനുപയോഗിക്കുന്നത്.

റൊമാനിയായില്‍ ഓറല്‍ എന്ന സ്വര്‍ണ ഖനന കമ്പനി ഉപയോഗിച്ചിരുന്ന സയനൈഡ് ചോര്‍ന്ന് ഡാന്യൂബ്, ടിസ, സോംസു നദികളില്‍ പരന്നതിന്റെ കെടുതികള്‍ 13 വര്‍ഷത്തിനു ശേഷവും നിലനില്‍ക്കുന്നു എന്ന റിപ്പോര്‍ട്ട് വന്നുകൊണ്ടിരി ക്കുന്നു. ഇവിടെ ചോര്‍ന്ന സയനൈഡ് ഹംഗറിയിലും യൂഗോസ്ലാ വിയായിലും ഉള്ള നദികളിലെ മീനുകളെ വരെ കൊന്നൊടു ക്കുന്നു.