"Until the lions have their own historians the history of the hunt will always glorify the hunter...."
- Chinua Achebe

2016, സെപ്റ്റംബർ 20, ചൊവ്വാഴ്ച

അംബേഡ്കര്‍ പറഞ്ഞു.....


വൈസ്രോയിയുടെ എക്‌സിക്യുട്ടീവ് കൗണ്‍സിലില്‍ തൊഴില്‍ മന്ത്രിയായിരുന്ന സമയത്ത് ഡോ. അംബേഡ്കര്‍ യുണൈറ്റഡ് സ്‌റ്റേറ്റ്‌സിലെ ടെന്നിസ് വാലി കോര്‍പ്പറേഷനെ മാതൃകയാക്കി ലോകപ്രശസ്തമായ ദാമോദര്‍ വാലി കോര്‍പ്പറേഷന്‍ പദ്ധതിക്ക് രൂപരേഖ തയാറാക്കി. ഈ പദ്ധതി നടപ്പിലാക്കുന്നതിനു വേണ്ടി അദ്ദേഹം പഞ്ചാബിലെ ചീഫ് എഞ്ചിനീയറായ മി. എ എന്‍ കോസലയെ നിയമിച്ചു. ജാതിഹിന്ദുക്കളുടേയും കോണ്‍ഗ്രസ് പാര്‍ട്ടിയുടേയും അംബേഡ്കര്‍ വിരുദ്ധ പ്രചരണത്തില്‍ കുടുങ്ങിപ്പോയ മി. കോസല, ഡോ. അംബേഡ്കറുടെ കീഴില്‍ ജോലിചെയ്യാന്‍ വിസമ്മതിച്ചു. അദ്ദേഹത്തിന്റെ വിസമ്മത ത്തെക്കുറിച്ച് അംബേഡ്കര്‍ പറയുന്നു, 'മി. കോസല, ഈ ഒരു ജോലി ചെയ്യാന്‍ എനിക്ക് ഒരു ഇംഗ്ലീഷ് കാരനെയോ അമേരിക്കക്കാരനെയോ കിട്ടുമായിരുന്നു. പക്ഷെ എനിക്ക് ഇതിനുവേണ്ടി ഒരു ഇന്ത്യക്കാരനായ എഞ്ചിനീയറെയാണ്, കാരണം ഇന്ത്യക്കാരും അവരെപ്പോലെ പ്രഗത്ഭരാണെന്ന് തെളിയിക്കണമെന്ന് ഞാന്‍ ആഗ്രഹിച്ചു.' ഡോ. അംബേഡ്കര്‍ കൗണ്‍സിലില്‍ ആയിരുന്നെങ്കില്‍ പോലും അച്യുത് പട്വര്‍ധനെ പ്പോലെയുള്ള കോണ്‍ഗ്രസ് നേതാക്കള്‍ക്ക് ഡെല്‍ഹിയിലെ തന്റെ വസതിയില്‍ അഭയംകൊടുക്കാനുള്ള ധൈര്യം അദ്ദേഹം കാണിച്ചിരുന്നു എന്നുകൂടി നാം ഓര്‍ക്കേണ്ടതുണ്ട്.