"Until the lions have their own historians the history of the hunt will always glorify the hunter...."
- Chinua Achebe

2017, സെപ്റ്റംബർ 20, ബുധനാഴ്‌ച

ബേബി തോമസ്


കോട്ടയം ജില്ലയിലെ കാഞ്ഞിരപ്പള്ളിയില്‍ ജനനം. ബംഗ്ലാവുപറമ്പില്‍ പരേതനായ തോമസും ഏലിക്കുട്ടിയുമാണ് മാതാപിതാക്കള്‍. കാഞ്ഞിരപ്പള്ളി പേട്ട ഗവണ്മെന്റ് ഹൈസ്‌കൂള്‍, സെന്റ് ഡൊമനിക്‌സ് കോളേജ് എന്നിവിടങ്ങളിലായി വിദ്യാഭ്യാസം.

'മമനാട്' മാസികയുടെ ചീഫ് സബ് എഡിറ്ററായി തുടക്കം. പിന്നീട് ജോസഫ് പുലിക്കുന്നേലിന്റെ 'ഓശാനാ' പ്രസിദ്ധീകരണത്തില്‍ പ്രവര്‍ത്തിച്ചു. എണ്‍പതുകളില്‍ കാഞ്ഞിരപ്പള്ളിയില്‍ നിന്നും 'എലുക' എന്നൊരു സമാന്തരപ്രസിദ്ധീകരണം ആരംഭിച്ചു. പിന്നീട്, തിരുവനന്തപുരത്ത് ഡോ. എന്‍ എ കരീം, ഡോ. പി വി വേലായുധന്‍ പിള്ള തുടങ്ങിയവരുടെ പ്രസിദ്ധീകരണങ്ങളില്‍ ജനറല്‍ എഡിറ്ററായി. ഇപ്പോള്‍, തലസ്ഥാനത്ത് സ്വതന്ത്ര മാധ്യമപ്രവര്‍ത്തനം.

ഒറ്റക്കഥക്കുള്ള ദീപനാളം പുരസ്‌കാരം, ലളിതാംബിക അന്തര്‍ജനം സ്മാരക കഥാസമ്മാനം, മുംബൈ ജ്വാലയുടെ എം പി നാരായണപിള്ള കഥാപുരസ്‌കാരം, കായിക്കര ആശാന്‍ സമിതിയുടെ ആശാന്‍ പ്രൈസ്, കൊച്ചിന്‍ റിഫൈനറീസ് ലിമിറ്റഡിന്റെ മില്ലേനിയം കഥാപുരസ്‌കാരം, 'യുവധാര' മാസികയുടെ സാഹിത്യ അവാര്‍ഡ് എന്നിവ ലഭിച്ചിട്ടുണ്ട്. 'വിശപ്പ് ഒരു പുസ്തകമെഴുതുന്നു', എന്ന കഥാസമാഹാരം തിരുവനന്തപുരത്തുനിന്നും, 'ആകാശമേ കേള്‍ക്ക' എന്ന കഥാസമാഹാരം അയര്‍ലണ്ടില്‍ നിന്നും പ്രസിദ്ധീകരിച്ചു. കേരള സാഹിത്യ അക്കാദമി അംഗമായിരുന്നു.

ദൂരദര്‍ശനുവേണ്ടി നിരവധി ഡോക്യുമെന്ററികള്‍ സംവിധാനം ചെയ്തിട്ടുണ്ട്. പരുമ്പടവം ശ്രീധരന്റെ തിരക്കഥയില്‍ 'കടല്‍ക്കരയിലെ വീട്' എന്ന പരമ്പരയും, കുട്ടികള്‍ക്കുവേണ്ടി 'ചാഞ്ചക്കം, 'സൂപ്പര്‍ ഷോ' മുതലായപരമ്പരകളും സംവിധാനം ചെയ്തു. ജനശ്രദ്ധയാകര്‍ഷിച്ച ടെലിവിഷന്‍ പരമ്പരയായിരുന്നു 'രചനയുടെ ആത്മാവിലൂടെ'. കൈരളി ടി വി സംപ്രേക്ഷണം ചെയ്ത ഈ പരമ്പര മലയാളത്തിലെ പ്രമുഖ എഴുത്തുകാരുടെ കൃതികളുടെ ദൃശ്യാവിഷ്‌കാരമായിരുന്നു.

സ്വന്തം ചെറുകഥയെ ആധാരമാക്കി നിര്‍മിച്ച 'മരംകൊത്തി' എന്ന ഫീച്ചര്‍ ഫിലിമിന്റെ രചനയും സംവിധാനവും നിര്‍വഹിച്ചു. ചിത്രം 2014 ഒക്ടോബറില്‍ കേരളത്തിലെ 40 തിയേറ്ററുകളില്‍ റിലീസ് ചെയ്തു. ദലിതരുടേയും ആദിവാസികളുടേയും ഭൂപ്രശ്‌നമായിരുന്നു പ്രമേയം. അമേരിക്കയിലുള്ള ഗാന്ധി പീസ് സെന്ററിനുവേണ്ടി 40 മിനിറ്റ് ദൈര്‍ഘ്യമുള്ള 'മഹാത്മ' എന്ന ഷോര്‍ട്ട് ഫിലിം 2017 ല്‍ പൂര്‍ത്തിയാക്കി. ഇപ്പോള്‍ അടുത്ത ചിത്രം, 'അധിനിവേശ'ത്തിന്റെ പണിപ്പുരയില്‍.

കെടിഡിസി ജീവനക്കാരിയായ ഗീതയാണ് ഭാര്യ. കവയത്രികൂടിയായ മകള്‍ കബനി എറണാകുളം മഹാരാജാസ് കോളേജില്‍ ഒന്നാംവര്‍ഷ ബിരുദവിദ്യാര്‍ത്ഥി. 'കബനി ഒരു നദി മാത്രമല്ല' എന്ന കവിതാസമാഹാരം പ്രസിദ്ധീകരിച്ചിട്ടുണ്ട്. തിരുവനന്തപുരത്ത് താമസം.

വിലാസം: ബേബി തോമസ്, ടി സി 25/3431, ബിഎസ്എന്‍എല്‍ ന് എതിര്‍വശം, ഉപ്പളം റോഡ്, സ്റ്റാച്യു. തിരുവനന്തപുരം - 1.

Mob. 9744639573, 
e-mail: babymash63@gmail.com



സാമൂഹി കൈക്യ ത്തിന്റെ അടിസ്ഥാ നപരമായ ആവശ്യം നിറവേറ്റാന്‍ ഹിന്ദുമത ത്തിന് കഴിയില്ല.


(ഡോ. അംബേഡ്കര്‍ സമ്പൂര്‍ണകൃതികള്‍. വാല്യം 10. പേജ് 177)

പൊതുവായ ശൈലിയില്‍പ്പറഞ്ഞാല്‍ ഹിന്ദുമതവും സാമൂഹികൈക്യവും സംയോജന ക്ഷമമല്ല. ഹിന്ദുമതം അതിന്റെ ആത്മഭാവംകൊണ്ടുതന്നെ സാമൂഹിക വിഭജനത്തില്‍ വിശ്വസിക്കുന്നു. ഈ വിഭജനം സാമൂഹികമായ അനൈക്യത്തിന്റെ മറ്റൊരു പേരാണ്. അത് സാമൂഹികമായ വിഭാഗീകരണം സൃഷ്ടിക്കുന്നു. ഹിന്ദുക്കള്‍ ഒന്നാകണ മെന്ന് ആഗ്രഹിക്കുന്നെങ്കില്‍ അവര്‍ക്ക് ഹിന്ദുമതത്തെ നിരാകരിക്കേണ്ടിവരും. ഹിന്ദുമതത്തെ അതിലംഘിക്കാതെ അവര്‍ക്ക് ഒന്നായിരിക്കാന്‍ കഴിയുകയില്ല. ഹൈന്ദവ ഐക്യത്തിന് ഏറ്റവും വലിയ തടസ്സം ഹിന്ദുമതമാണ്. സാമൂഹികൈക്യ ത്തിന്റെ അടിസ്ഥാനപരമായ ആവശ്യം നിറവേറ്റാന്‍ ഹിന്ദുമതത്തിന്‍ കഴിയില്ല. മറിച്ച് ഹിന്ദുമതം വിഭാഗീകരണാസക്തി സൃഷ്ടിക്കുകയാണ് ചെയ്യുന്നത്.


2017, സെപ്റ്റംബർ 15, വെള്ളിയാഴ്‌ച

അടിമകളും വിമോച നപ്പോരാ ട്ടങ്ങളും മാധ്യമ ങ്ങളും - അഹിവിത്രന്‍ കണ്ണന്‍ മേലോത്ത്


എല്ലാത്തരത്തിലുമുള്ള വിമോചനപ്പോരാട്ടങ്ങളേയും വിജയത്തിലെത്തിക്കുന്നതിന് പിന്നില്‍ മാധ്യമങ്ങള്‍ നിര്‍ഹിക്കുന്ന അവയുടെ ധാര്‍മികമായ ചുമതല വന്‍പ്രാധാ ന്യമര്‍ഹിക്കുന്നു. ആ നിര്‍ഹണങ്ങളിലൂടെ പ്രചരിപ്പിക്കപ്പെടുന്ന ആശയങ്ങളാണ് വിപ്ലവത്തെ സുസാധ്യമാക്കുന്നത്. അതിനാല്‍ത്തന്നെ, വിപ്ലവവിജയത്തെ തടയു ന്നതിന് ഫാസിസ്റ്റുകള്‍ ആദ്യം നടപ്പാക്കുന്ന പ്രക്രിയ, ആശയങ്ങളുടെ വ്യാപനത്തെ ചെറുക്കുക എന്നുള്ളതാണ്. മാധ്യമകേന്ദ്രങ്ങളെ ഉന്മൂലനം ചെയ്യുന്നതിലൂടെയാണ് ഫാസിസം ആശയവ്യാപനത്തെ തടയുന്നത്.

മാധ്യമകേന്ദ്രങ്ങള്‍ എന്ന വിവക്ഷയില്‍ അച്ചടിമാധ്യമങ്ങള്‍ മാത്രമല്ല, വ്യക്തികള്‍, സമ്മേളനങ്ങള്‍, പ്രസംഗങ്ങള്‍, ചുവരെഴുത്ത്, എന്നിവയും വിപ്ലവാശയങ്ങളുടെ പ്രചരണമാധ്യമങ്ങളായി അവയുടെ ധര്‍മം കൃത്യമായി നിര്‍വിച്ചിട്ടുള്ളതിന് ചരിത്രത്തില്‍ വേണ്ടത്ര തെളിവുകളുണ്ട്.

ജനാധിപത്യത്തിന്റെ നാലാം തൂണാണ് മാധ്യമങ്ങള്‍. ഇച്ചൊന്നതില്‍ അച്ചടി മാധ്യമങ്ങളും ദൃശ്യമാധ്യമങ്ങളും മാത്രമേ പരിഗണന നേടുന്നുള്ളൂ. ജനാധിപത്യത്തിന്റെ കാവലാളാളി ഒരു പത്രാധിപര്‍ ഉണ്ടായിരുന്നില്ല എന്നത് ഇക്കാര്യത്തില്‍ സംഭവിച്ച മറ്റൊരു ദുരന്തമാണ്. പത്രാധിപന്മാരുടെ സ്ഥാനത്ത് ഇവിടെ പത്രമുതലാളിമാരാണ് ഉണ്ടായിരുന്നത്. മുതലാളിമാരുടെ ലക്ഷ്യം ഒരിടത്തും അടിമവിമോചനമായിരുന്നില്ല. ഏതൊരു വ്യവസായത്തിലുമെന്നതുപോലെ ലാഭംകൊയ്യുന്നതില്‍ മാത്രമായിരുന്നു പണമിറക്കിയ പത്രമുതലാളിമാരുടെ കണ്ണ്. ജനാധിപത്യത്തെ കശാപ്പുചെയ്തായാലും ലാഭം കൊയ്യണമെന്ന ഒരൊറ്റ ഫാസിസ്റ്റ് ചിന്താഗതി മാത്രമാണ് ഇക്കാര്യത്തിലവര്‍ വെച്ചു പുലര്‍ത്തിയിരുന്നത്. ലാഭോച്ഛകള്‍ക്കുപരിയായി, ജനാധിപത്യത്തോടൊപ്പം നിന്ന് വിജയിപ്പിക്കാവുന്ന 'പത്രവ്യവസായം' എന്ന ഒരു പരികല്പന അവരുടെ ചിന്താഗതിയിലൊരിടത്തും സ്ഥാനം നേടുകയുണ്ടായില്ല. ഈ സാഹചര്യത്തില്‍, കേരളചരിത്രത്തിലെ അടിമവിമോചനപ്പോരാട്ട നായകന്മാരെല്ലാം സ്വന്തം നിലക്ക് മാധ്യമരൂപങ്ങള്‍ ആവിഷ്‌കരിച്ച് ആശയപ്രചരണം നടത്തുകയാണ് ചെയ്തത്.

അടിമ വിമോചനസമരത്തില്‍ അയ്യന്‍ കാളി ആശ്രയിച്ച മാധ്യമരൂപം സമ്മേളനവും പ്രസംഗങ്ങളുമായിരുന്നു. അദ്ദേഹം സ്ഥാപിച്ച അടിമവിമോചന മുന്നണിയായ സാധുജനപരിപാലനസംഘത്തിന്, വടക്കന്‍ തിരുവിതാംകൂറിലെ വൈക്കം താലൂക്കി ലെ തലയോലപ്പറമ്പ് പാടശേഖരങ്ങള്‍ക്ക് കരയിലും പരിസരപ്രദേശങ്ങളിലുമായി മാത്രം ആയിരത്തിലേറെ യൂണിറ്റുകള്‍ പ്രവര്‍ത്തിച്ചിരുന്നു. അയ്യന്‍ കാളിയുടെ പ്രസംഗങ്ങള്‍ കേള്‍ക്കുന്നതിനായി രാത്രിയേറെ വൈകിയും കുട്ടികളും മുതിര്‍ന്ന വരുമടങ്ങുന്ന സാധുജനങ്ങള്‍ കാത്തുനില്ക്കുമായിരുന്നു. എന്നാല്‍ എല്ലാ സ്ഥലങ്ങളിലും ആ വിപ്ലവകാരിക്ക് ഓടിവന്നെത്താനാവുമായിരുന്നില്ല. വന്നെത്താന്‍ കഴിയാതാ കുമ്പോള്‍, കാത്തിരിക്കുന്ന സാധുജനപരിപാലനസംഘം, നേതാവിന്റെ അറിയിപ്പിനെ തുടര്‍ന്ന് ആള്‍ക്കൂട്ടം പിരിഞ്ഞുപോകും. 'അയ്യന്‍ കാളി വരാഞ്ഞതുകൊണ്ട് ഇന്നത്തെ 'ചോകം' പിന്നൊരിക്കല്‍ നടത്തുന്നതിനായി മാറ്റിവെച്ചിരിക്കുന്നു' എന്നതാണ് ആ അറിയിപ്പ്. ഇത് പിന്നീട് സാധുജനങ്ങളെ പരിഹസിക്കുന്നതിനുള്ള ഒരു പ്രയോഗമായി ഉപയോഗിക്കപ്പെടുകയും തുടര്‍ന്ന് ഒരു ശൈലിയായിത്തീരുകയും ചെയ്തു എന്നതും വസ്തുതയാണ്. 

അയ്യന്‍ കാളി 'സാധുജനപരിപാലിനി' എന്ന പേരില്‍ ഒരു അച്ചടിമാധ്യമം നടത്തിയിരുന്നതായി പറയപ്പെടുന്നുണ്ടല്ലൊ. ഇത് പൂര്‍ണമായും ശരിയല്ല. ആ പ്രസിദ്ധീകരണത്തിന്റെ ആദ്യലക്കം മാത്രമാണ് പരിശോധനക്കായി ഇന്നു നമുക്ക് ലഭ്യായിട്ടുള്ളത്. കൂടുതല്‍ ലക്കങ്ങള്‍ ഇറങ്ങിയിരുന്നുവോ എന്ന കാര്യം സംശയമാണ്. എന്തുതന്നെയായാലും ആദ്യ ലക്കത്തില്‍ അയ്യന്‍ കാളിയെക്കുറിച്ചോ, സാധുജന വിമോചനത്തിനുള്ള അദ്ദേഹത്തിന്റെ നിലപാടുകളെക്കുറിച്ചോ, സമരസന്നാ ഹങ്ങളെക്കുറിച്ചോ ഒരു വാക്കുപോലും കുറിച്ചിട്ടില്ല. പുലയരുടെ വംശമഹിമകള്‍ വാഴ്ത്തിപ്പാടുന്ന സവര്‍ണനിര്‍മിത അനുകമ്പയുടെ ലിഖിതരേഖകള്‍ മാത്രമുള്ളടങ്ങുന്ന ഒരു എട്ടുപേജ് പുസ്തകമാണ് ആ പത്രിക. എങ്കിലും എഴുത്തും വായനയും അറിഞ്ഞു കൂടാത്തൊരാള്‍ നടത്തിയിരുന്ന 'പത്രം' എന്ന നിലയില്‍ അയ്യന്‍ കാളിയും സാധുജന പരിപാലിനിയും ചരിത്രത്തില്‍ സ്ഥാനം നേടിയെന്നുള്ളത് അടിമവിമോചനപ്പോ രാട്ടചരിത്രത്തിലെ നിസ്സാരസംഭവമല്ല.

ശ്രീമൂലം പ്രജാസഭയില്‍ അവതരിപ്പിക്കുന്നതിനുവേണ്ട പ്രസംഗങ്ങളും നിവേദനങ്ങളും അയ്യന്‍ കാളിക്ക് തയാറാക്കിക്കൊടുത്തിരുന്നത് വിശാഖം തേവനാണ്. ഈ നിവേദന സമര്‍പ്പണവും തികച്ചും ഒരു മാധ്യമപ്രവര്‍ത്തനം തന്നെയായിരുന്നു. അതിലൂടെ പ്രചരിപ്പിക്കപ്പെട്ട സാധുജനങ്ങളുടെ ജീവിതാവസ്ഥകളെ സംബന്ധിച്ച അറിവുക ളാണ് അവര്‍ക്കുള്ള അവകാശങ്ങള്‍ വിട്ടുനല്കുന്നതിനായി അധികാരികളുടെ മനോഭാവത്തില്‍ മാറ്റം വരുത്തിച്ചത്. 

ആദ്യമായി ചുമരെഴുത്ത് പ്രചരണമാധ്യമമായി ഉപയോഗിച്ചത് കുറുമ്പന്‍ ദൈവത്താ റാണ്. സരസകവി മൂലൂര്‍ എസ് പത്മനാഭപ്പണിക്കര്‍ എഴുതിക്കൊടുത്ത കവിതകളിലെ വിപ്ലവാശയങ്ങളാണ് കുറുമ്പന്‍ ദൈവത്താര്‍ ചുമരെഴുത്തിലൂടെ പ്രചരിപ്പിച്ചിരുന്നത്. ഈ കവിതകള്‍ 'പുലവൃത്തം' എന്ന പേരില്‍ പ്രസിദ്ധമായി.

അച്ചടിമാധ്യമത്തിലൂടെ സമരാശയങ്ങള്‍ സാധുജനങ്ങള്‍ക്കിടയില്‍ പ്രചരിപ്പിച്ച പ്രമുഖരായ രണ്ട് സമരനായകന്മാരാണ് പാമ്പാടി ജോണ്‍ ജോസഫും കെ പി വള്ളോനും. പാമ്പാടി ജോണ്‍ ജോസഫ് നടത്തിയിരുന്ന 'ചേരമര്‍ ദൂതന്‍' ഒട്ടൊക്കെ സംഘടനയുടെ മുഖപത്രം തന്നെയായിരുന്നു. കെ പി വള്ളോന്‍ 'അധഃകൃതന്‍' എന്ന പ്രസിദ്ധീകരണം നടത്തിയിരുന്നു. ഇതിന്റെ ഒരു കോപ്പിപോലും ഇന്ന് കണ്ടുകിട്ടാനില്ല. കാല്‍നടയായി ദൂരങ്ങളോളം സഞ്ചരിച്ചാണ് വള്ളോന്‍ ആശയപ്രചരണം നടത്തി യിരുന്നത്. അതോടൊപ്പം, രാജഭരണകൂടത്തില്‍ നിന്നും വിട്ടുകിട്ടിയ അവകാശങ്ങ ളെക്കുറിച്ചുള്ള അറിയിപ്പുകളും അപേക്ഷാമാതൃകകളും വള്ളോന്‍ കോളനികളില്‍ എത്തിച്ചിരുന്നു.

കെ പി വള്ളോനേക്കാള്‍ ഉപരിയായി ഓര്‍മ്മിക്കേണ്ടതായ സമരനായകനാമധേയ മാണ് കെ പി കറുപ്പന്‍. ഏതൊരര്‍ത്ഥത്തിലും മാധ്യമം എന്ന വ്യക്തിമാതൃകയായി അടിമവിമോചനസമരചരിത്രത്തില്‍ കെ പി കറുപ്പന്‍ ഇടംകൊള്ളുന്നു. കൊച്ചിരാജ്യ ത്തെ അടിമജനതയുടെ വിമോചനാവശ്യങ്ങള്‍ രാജഭരണാധികരികള്‍ക്കു മുമ്പാകെ അവതരിപ്പിക്കാനും അവ നേടിയെടുക്കാനും വേണ്ട മാധ്യമമായി പ്രവര്‍ത്തിച്ചത് കെ പി കറുപ്പനാണ്. ഇക്കാര്യത്തില്‍ ടി കെ കൃഷ്ണമേനവന്‍ വക്കീലിന്റെ സഹായവും കറുപ്പന് ലഭ്യമായിരുന്നു. 1914 ലെ കായല്‍ സമ്മേളനമാണ് കറുപ്പന്റെ നേതൃത്വത്തില്‍ നടത്തിയ മറ്റൊരു മാധ്യമപ്രവര്‍ത്തനം. കൊച്ചി രാജ്യതലസ്ഥാനമായ നഗരത്തില്‍ കാലുകുത്താല്‍ അയിത്തജാതികളായ അടിമകള്‍ക്ക് അവകാശമുണ്ടായിരുന്നില്ല. അവകാശ സമരനടപടികള്‍ ആരംഭിക്കുന്നതിനായുള്ള ആലോചനായോഗം കരയില്‍ നടത്താനുള്ള സാഹചര്യം ഒരു തരത്തിലും ലഭ്യമായിരുന്നില്ല. ഇതിന് കറുപ്പന്‍ കണ്ടെത്തിയ പോംവഴിയാണ് കായലില്‍ വള്ളങ്ങള്‍ കൂട്ടിയിട്ട് അതിലിരുന്ന യോഗം ചേരുക എന്നത്. ലോക സമരചരിത്രത്തിലെ അസാധാരണ സംഭവമായി ഈ സമ്മേളനം രേഖപ്പെടുത്തപ്പെട്ടു. 

സാഹിത്യസൃഷ്ടികള്‍ വിമോചനസമരമാധ്യമമായി ആവിഷ്‌കാരം കൊള്ളുന്നതും കറുപ്പനിലൂടെയാണ്. ജാതിവ്യവസ്ഥയെ രൂക്ഷവിമര്‍ശനവിധേയമാക്കുന്ന 'ജാതിക്കുമ്മി' എന്ന കാവ്യം ഈ രംഗത്തുള്ള കറുപ്പന്റെ സംഭാവനകളില്‍ മികച്ചുനില്ക്കുന്നു. 'പുലയര്‍' എന്ന കവിതയും, ബുദ്ധമതാശയങ്ങളെ പ്രകീര്‍ത്തിക്കുന്ന 'സുഗതസൂക്തം' എന്ന കവിതയും, 'മുഹമ്മദ് നബി' തുടങ്ങിയ കവിതകളും കറുപ്പനിലെ വിമോചനചിന്താ ഗതിക്കാരനെ സാഹിത്യചരിത്രത്തിലും അടയാളപ്പെടുത്തുന്നു. നാടകസാഹിത്യത്തെ വിമോചനസമര മാധ്യമമായി രൂപപ്പെടുത്തിയതിലും കെ പി കറുപ്പന്‍ അദ്വിതീയ നാണ്. ഈ രംഗത്ത് അദ്ദേഹത്തിന്റേതായി രചനകൊണ്ട 'ബാലകലേശം' എന്ന നാടകം മത്സരത്തില്‍ ഒന്നാം സ്ഥാനം നേടുകകൂടി ചെയ്തു. എല്ലാത്തരത്തിലുമുള്ള ശേഷികള്‍കൊണ്ടും അടിമവിമോചനപ്പോരാട്ടത്തിലെ മാധ്യമായി പ്രവര്‍ത്തിച്ച കെ പി കറുപ്പനോളം പോന്ന മറ്റൊരു സമൂഹ്യവിപ്ലവകാരി പിന്നീടുയിര്‍ക്കൊണ്ടത് കല്ലറ സുകുമാരനാണ്. 

പുസ്തകപ്രസാധനം ആശയപ്രചരണമാധ്യമമായി പ്രയോജനപ്പെടുത്തുന്ന സമര രീതിയാണ് കല്ലറ സുകുമാര്‍ അവലംബിച്ചത്. സാഹിത്യത്തിലും സാമൂഹ്യശാസ്ത്രത്തിലും സര്‍വോപരി സംഘടനാപ്രവര്‍ത്തനത്തിലും ഒരേപോലെ സജീവമായി നിലനി ന്നിരുന്ന മാധ്യമപ്രക്രിയയാണ് കല്ലറ സുകുമാരന്‍ എന്ന വിപ്ലവകാരിയെ ചരിത്രത്തില്‍ നിര്‍ണയിച്ചത്. 'വോയ്‌സ് ഓഫ് ഹരിജന്‍' എന്ന പേരില്‍ അദ്ദേഹം ആരംഭിച്ച അച്ചടിമാധ്യമം 'ഹരിജന്‍' പ്രയോഗം കേന്ദ്രഗവണ്മെന്റ് നിരോധിച്ചതിനെ തുടര്‍ന്ന് 'ദലിത് വോയ്‌സ്' എന്ന് പേരുമാറ്റുകയുണ്ടായി. 'വിമോചനത്തിന്റെ അര്‍ത്ഥശാസ്ത്രം', 'വൈക്കം സത്യാഗ്രഹം' തുടങ്ങിയ കൃതികളും 'ഒളിവിലെ ഓര്‍മകള്‍', 'ഇന്ധനപ്പുര' തുടങ്ങിയ കാവ്യങ്ങളും കല്ലറ സുകുമാരനില്‍ നിന്ന് ലഭിച്ച സമരായുധങ്ങളാണ്. ഇക്കാ ര്യത്തില്‍ കല്ലറ സമുകുമാരനോടൊപ്പം പരിഗണിക്കേണ്ട നാമധേയവും സംഭാവനകളും പോള്‍ ചിറക്കരോടും അദ്ദേഹത്തിന്റെ കൃതികളുമാണ് സംഘടനാപ്രവര്‍ത്തന ങ്ങളുമാണ്. 

സാഹിത്യം സമരായുധമാക്കിയ പ്രമുഖരായ മറ്റ് നായകന്മാര്‍: മൂലൂര്‍ എസ് പത്മനാ ഭപ്പണിക്കര്‍ (പുലയരുടെ പാട്ടുകള്‍, കുറവരുടെ പാട്ടുകള്‍), പൊയ്കയില്‍ അപ്പച്ചന്‍ (കേരളത്തില്‍ പണ്ടുപണ്ടേ..), മഹാകവി പള്ളത്തു രാമന്‍ (തമ്പ്രാക്കളേ..), സഹോദരന്‍ അയ്യപ്പന്‍ (സമുദായ ഗാനം), മഹാകവി എം പി അപ്പന്‍ (കൊച്ചുതമ്പുരാനും പുല്‍ക്കൊടിയും), കല്ലട ശശി (ഇന്ത്യയുടെ മകള്‍, അയ്യന്‍ കാളി), കെ കെ എസ് ദാസ് (മലനാടിന്റെ മാറ്റൊലി), കെ കെ ഗോവിന്ദന്‍ (അറുകൊലക്കണ്ടം), കവിയൂര്‍ മുരളി (മതില്‍ക്കെട്ട്), വി സി ജോണ്‍ (പുത്തനൊരുകിളി, കറുത്ത മുത്ത്), വെട്ടിയാര്‍ പ്രേം നാഥ് (മുണ്ടകപ്പാടത്തെ താതന്‍കുഞ്ഞ്), വി കെ നാരായണന്‍ (ഞാന്‍ ഏകലവ്യന്‍), തൂവയൂര്‍ കെ വി രാഘവന്‍ (നീതിക്കുവേണ്ടി), സണ്ണി കവിക്കാട് (നന്ഗന സത്യങ്ങള്‍), ദിവാകരന്‍ കടവന്ത്ര (വയലരികില്‍ ഒരു ദലിത് സ്ത്രീ), സി പി പ്രകാശ് (ഞങ്ങള്‍ കൂട്ടം ചേരുമ്പോള്‍), എ കെ രാജന്‍ (ഞങ്ങള്‍ ശവംതീനികള്‍), എ കെ രവീന്ദ്രരാജ് (കറുത്തസൂര്യന്‍) കെ സി കാട്ടാക്കട (കറുത്ത പുലരി). 

അടിമവിഭാഗങ്ങള്‍ അച്ചടിമാധ്യമ രംഗത്ത് നടത്തിയിട്ടുള്ള ഒരുപാട് സമരസന്നാ ഹങ്ങളില്‍ അത്രയും ചത്തുമണ്ണടിഞ്ഞു. ചിലത് ശ്വാസംവലിച്ചു നീങ്ങുന്നുണ്ട്. ഈ പരിശ്രമങ്ങള്‍ക്ക് ഇങ്ങനെയൊരു അവസ്ഥയുണ്ടാവുന്നതിനുള്ള കാരണം സാമ്പത്തിക ഞെരുക്കമല്ല. പത്രമുതലാളിമാരുടെ ഫാസിസ്റ്റ് കുതന്ത്രങ്ങളില്‍ കുരുങ്ങിപ്പോവുന്നതു കൊണ്ടാണ്. 'അടിമവിമോചനം' തങ്ങളുടെ അജണ്ടയാണെന്നും നിങ്ങള്‍ക്കുവേണ്ടി ഞങ്ങളുടെ പത്രം നാവനക്കുന്നുണ്ടെന്നും പറഞ്ഞു ധരിപ്പിച്ച്, അടിമവിമോചന പ്രവര്‍ത്തകര്‍ ആരംഭിക്കുന്ന മാധ്യമശ്രമങ്ങളെ അവര്‍ ദുര്‍ബലപ്പെടുത്തുന്നു. അടിമവിഭാഗത്തിലെ ഒറ്റുകാരെ അതിവിദഗ്ധമായി ഉപയോഗിച്ച് ആ മാധ്യമശ്രമങ്ങളെ തകര്‍ത്തുകളയാന്‍ പിന്നെ പത്രമുതലാളിമാര്‍ക്ക് അധികം ക്ലേശിക്കേണ്ടിവരുന്നില്ല. 

സൈബര്‍ യുഗത്തിന്റെ വികസ്വരഘട്ടത്തില്‍ സംഭവിച്ച സോഷ്യല്‍ മീഡിയയുടെ കടന്നുവരവ് പത്രമുതലാളിമാരുടെ കുത്തകയെ തകര്‍ക്കുകയും അടിമവിമോചന പ്രവര്‍ത്തകര്‍ക്ക് മാധ്യമസ്വാതന്ത്ര്യം ലഭ്യമാക്കുകയും ചെയ്തു. വിമോചനപ്രവര്‍ത്ത കര്‍ക്ക് ആശയങ്ങള്‍ അവതരിപ്പിക്കാനും പ്രതികരണങ്ങള്‍ രേഖപ്പെടുത്താനുമുള്ള വേദികള്‍ തുറന്നുകൊടുത്ത സോഷ്യല്‍ മീഡിയ പത്രമുതലാളി എന്ന ഏകാധിപതിയെ മാറ്റി തത്സ്ഥാനത്ത് അടിമവിമോചകപ്രവര്‍ത്തകരെ ഓരോരുത്തരേയും പത്രാധിപ ന്മാരാക്കി പ്രതിസ്ഥാപിച്ചു. സോഷ്യല്‍ മീഡിയയിലൂടെ വന്‍പിച്ച അളവില്‍ സമരാശയങ്ങള്‍ കൈമാറ്റം ചെയ്യപ്പെട്ടു. അത് ജനാധിപത്യത്തിന്റെ വിജയത്തേയും ഫാസിസത്തിന്റെ പരാജയത്തേയും സുസാധ്യമാക്കി. എങ്കിലും, അങ്ങനെ പരാജയമടഞ്ഞ് സ്വയമില്ലാതാകാന്‍ ഫാസിസം ഒരിക്കലും തയാറല്ല. അവരുടെ നിലനില്പിന് സോഷ്യല്‍ മീഡിയയെ നിരോധിക്കുക എന്ന ഒരൊറ്റ മാര്‍ഗം മാത്രമാണ് ഇക്കാര്യത്തില്‍ ആശ്രയമായി അവരുടെ മുമ്പിലുള്ളു. അധികാരത്തിന്റെ അസാധ്യത യല്ല, ഇപ്പറഞ്ഞ വസ്തുത. അങ്ങനെ വരുമ്പോള്‍ അടിമവിമോചകപ്രവര്‍ത്തകരുടെ സമരസന്നാഹങ്ങള്‍ എന്നെന്നേക്കുമായി ഉന്മൂലനം ചെയ്യപ്പെടും. ഓര്‍മ്മവെക്കുക, ഡെമോക്ലസിന്റെ വാള്‍മുനക്ക് കീഴിലാണ് ഇന്ന് ജനാധിപത്യം!



അയിത്തജാതിക്കാരും ഹിന്ദുക്കളും ഒരു മുള്ളുവേലിക്കിരുപുറവുമായി വിഭജിക്കപ്പെട്ടിരിക്കുന്നു...


(ഡോ. അംബേഡ്കര്‍ സമ്പൂര്‍ണകൃതികള്‍. വാല്യം 10. പേജ് 176,77)

ഹിന്ദുക്കള്‍ക്കും അയിത്തജാതിക്കാര്‍ക്കുമിടയില്‍ ഹിന്ദുമതം അയിത്തത്തിന്റെ തത്വത്തിലൂടെ വരച്ചിട്ട വിഭാഗീകരണരേഖ കേവലം ഭാവനാസൃഷ്ടമല്ല. കൊളോണി യല്‍ സ്വത്തുക്കള്‍ക്കുവേണ്ടി പോര്‍ട്ടുഗീസുകാര്‍ക്കും എതിരാളികള്‍ക്കുമിടയില്‍ മാര്‍പ്പാപ്പ ഏര്‍പ്പെടുത്തിയ വിഭാഗീകരണം പോലെയുള്ളതല്ല ഇത്. നിരീക്ഷി ക്കാ നോ നിരീക്ഷിക്കാതിരിക്കാനോ പറ്റിയ, നീളമുണ്ടെങ്കിലും വീതിയില്ലാത്ത നിറത്തിന്റെ രേഖ പോലെയുമല്ല. അതിന് ആഴവും പരപ്പുമുണ്ട്. യഥാര്‍ത്ഥത്തില്‍ അയിത്ത ജാതിക്കാരും ഹിന്ദുക്കളും ഒരു മുള്ളുവേലിക്കിരുപുറവുമായി വിഭജിതമായി നിലകൊ ള്ളുന്നു. ദേശീയമായി ഈ വേലി ആരോഗ്യത്തിന്റെ അതിര്‍ത്തിരേഖയാണ്. അത് മുറിച്ചുകടക്കാന്‍ അയിത്തജാതിക്കാര്‍ ഒരിക്കലും അനുവദിക്കപ്പെട്ടിട്ടില്ല; മുറിച്ചുകട ക്കാന്‍ ആശിക്കുകയും വേണ്ട.


2017, സെപ്റ്റംബർ 13, ബുധനാഴ്‌ച

Deras & Dalit identity


Deras & Dalit identity: Interview with Professor Santosh Kumar Singh. By DIVYA TRIVEDI

ചാതുര്‍വര്‍ണ്യം എന്ന സാമൂഹിക സിദ്ധാന്തം


(ഡോ. അംബേഡ്കര്‍ സമ്പൂര്‍ണകൃതികള്‍. വാല്യം 10. പേജ് 26, 27)

ഏതാണ്ട് എ ഡി 1030 ല്‍ ഇന്ത്യ സന്ദര്‍ശിച്ച അല്‍ ബറൂണി തന്റെ സന്ദര്‍ശനാ നുഭവങ്ങള്‍ രേഖപ്പെടുത്തിയിട്ടുണ്ട്. ഇന്ത്യയുടെ അന്നത്തെ സാമൂഹിക സംവിധാനം അദ്ദേഹത്തെ വിസ്മയിപ്പിച്ചിട്ടുണ്ടാകണം. അതേക്കുറിച്ച് അദ്ദേഹം ഇപ്രകാരം നിരീക്ഷിക്കുന്നു: 

ഹിന്ദുക്കള്‍ അവരുടെ ജാതിയെ വര്‍ണം അഥവാ നിറം എന്നാണ് പറയുന്നത്. വംശപാരമ്പര്യത്തിന്റെ സ്ഥാനത്തില്‍ അവര്‍ അവയെ ജാതകം അതായത് ജനനം, എന്നു വിളിക്കുന്നു. തുടക്കത്തില്‍ നാലുജാതികളേ ഉണ്ടായിരുന്നുള്ളൂ.

1. ജാതിയില്‍ ഏറ്റവും ഉയര്‍ന്നത് ബ്രാഹ്മണനാണ്. ബ്രഹ്മാവിന്റെ മുഖത്തുനിന്നാണ് അവരെ സൃഷ്ടിച്ചതെന്ന് ഹൈന്ദവഗ്രന്ഥങ്ങള്‍ പറയുന്നു. ജന്തുശരീരത്തിന്റെ ഏറ്റവും ഉന്നതമായ ഭാഗം ശിരസ്സാണ്. എല്ലാ ജീവികളിലും വെച്ച് ശ്രേഷ്ഠനാണ് ബ്രാഹ്മണന്‍. മനുഷ്യകുലത്തിലെ ശ്രേഷ്ഠന്മാരായി ഹിന്ദുക്കള്‍ ബ്രാഹ്മണരെ കണക്കാക്കുന്നു.

2. ക്ഷത്രിയരാണ് അടുത്ത ജാതി. ബ്രഹ്മാവിന്റെ ഭുജങ്ങളില്‍ നിന്നാണ് തങ്ങള്‍ ജന്മം കൊണ്ടതെന്ന് ക്ഷത്രിയര്‍ പറയുന്നു. ബ്രാഹ്മണരില്‍ നിന്ന് ഒട്ടും കുറഞ്ഞവരല്ല ക്ഷത്രിയര്‍.

3. അടുത്തത് വൈശ്യരാണ്. ബ്രഹ്മാവിന്റെ തുടയില്‍ നിന്നാണ് വൈശ്യര്‍ സൃഷ്ടിക്കപ്പെട്ടത്.

4. നാലാമത്തെ വര്‍ണമായ ശൂദ്രര്‍ സൃഷ്ടിക്കപ്പെട്ടത് ബ്രഹ്മാവിന്റെ പാദങ്ങളില്‍ നിന്നാണ്.

ഒടുവിലത്തെ രണ്ടു വര്‍ണങ്ങള്‍ തമ്മില്‍ കാര്യമായ വ്യത്യാസങ്ങളൊന്നുമില്ല. നഗരങ്ങളിലും ഗ്രാമങ്ങളിലും അവര്‍ ഒരുമിച്ചു കഴിയുന്നു. ഒരേ വീട്ടിലും ഒറ്റ മുറിയിലും അവര്‍ ഒരുമിച്ചു കഴിയുന്നുണ്ട്.

ശൂദ്രര്‍ കഴിഞ്ഞാല്‍ പിന്നീട് അന്ത്യജര്‍ എന്നറിയപ്പെടുന്ന ആളുകളാണ്. പലവിധ സേവനങ്ങള്‍ ചെയ്യുന്ന അവര്‍ ഏതെങ്കിലും ജാതികളായിട്ടല്ല, ചില കൈത്തൊഴി ലുകളോ മറ്റു തൊഴിലുകളോ ചെയ്യുന്ന ആളുകളായിട്ടാണ് അവര്‍ അറിയപ്പെടുന്നത്. എട്ടുവിഭാഗങ്ങളുള്ളവര്‍ അന്യോന്യം സ്വതന്ത്രമായ വിവാഹബന്ധത്തില്‍ ഏര്‍പ്പെടു ന്നു. നെയ്ത്തുകാര്‍, തുന്നല്‍ക്കാര്‍, ചെരുപ്പുകുത്തികള്‍, ജാലവിദ്യക്കാര്‍, കുട്ടകളും പരിരക്ഷാ കവചങ്ങളും ഉണ്ടാക്കുന്നവര്‍, കപ്പലോട്ടക്കാര്‍ മീന്‍പിടുത്തക്കാര്‍, മൃഗങ്ങ ളേയും പക്ഷികളേയും നായാട്ടു നടത്തുന്നവര്‍ എന്നിവരാണ് ഈ എട്ടു തൊഴില്‍ക്കാര്‍. ചതുര്‍വര്‍ണരായ ആളുകള്‍ ഇവരോടൊന്നിച്ച് ഒരേ സ്ഥലത്ത് ഒന്നിച്ചു കഴിയുന്നില്ല. ഈ തൊഴില്‍ സംഘങ്ങള്‍ ചതുര്‍വര്‍ണര്‍ താമസിക്കുന്ന ഗ്രാമത്തിന്റെയോ നഗരത്തിന്റെയോ സമീപത്ത് താമസിക്കുന്നു.


2017, സെപ്റ്റംബർ 12, ചൊവ്വാഴ്ച

പുരാതനകാലത്തെ വ്യാപാരബന്ധങ്ങള്‍...


(ഡോ. അംബേഡ്കര്‍ സമ്പൂര്‍ണകൃതികള്‍ വാല്യം 23. പേജ് 19)

'വളരെ പുരാതന കാലം മുതല്ക്ക് ഈജിപ്തിലേയും സിറിയയിലേയം സംഫുടം ചെയ്ത നാഗരികതകള്‍ ആര്‍ത്തിയോടെ അന്വേഷിച്ചു പോയിട്ടുള്ളവയാണ് സുഗന്ധദ്രവ്യങ്ങള്‍, പരിമളങ്ങള്‍, ലോഹങ്ങള്‍, അമൂല്യവും സൗരഭ്യമുള്ളതുമായ മരത്തടികള്‍, രത്‌നങ്ങള്‍, പ്രത്യേക തരത്തിലുള്ള ദന്തശില്പങ്ങള്‍ തുടങ്ങി ഇന്ത്യയിലെ സമ്പന്നമായ ഭൂമിയില്‍ ധാരാളമായി കിട്ടുന്ന എല്ലാ വിലപിടിപ്പുള്ള കച്ചവടച്ചരക്കുകളും'. എങ്കിലും സോളമന്‍ രാജാവ് സിംഹാസനത്തില്‍ വന്നപ്പോള്‍ ഇന്ത്യന്‍ കച്ചവടത്തിന്റെ നിയന്ത്രണം കയ്യാളാന്‍ ശ്രമിച്ചതാണ്. ഈജിപ്തിന്റെ ശക്തി ക്ഷയിച്ചുവരുന്നത് അദ്ദേഹം കാണുകയും ഇന്ത്യയുമായി നേരിട്ട് കച്ചവടബന്ധം സ്ഥാപിക്കുന്നതിനുള്ള തന്റെ പദ്ധതി യഥാര്‍ത്ഥമാക്കുന്നതിനു വേണ്ടി ചെങ്കടലിലേക്കുള്ള തുറമുഖമായി തന്റെ പിതാവ് ആക്രമിച്ച് കീഴടക്കിയ ഇഡൂമി (Idumee) യെ ഉപയോഗപ്പെടുത്തേണ്ട തിന്റെ പ്രാധാന്യം മനസിലാക്കുകയും ചെയ്തു. (വാല്യം 23. പേജ് 17) ...അയല്‍ക്കാരായ ഫിനീഷ്യന്മാരുടെ പ്രേരണയിലോ അല്ലാതെയോ സോളമന്‍ രാജാവ് ടൈറിലെ (Tyre) ഹീറോം രാജാ (Hiram) വുമായി കൈകോര്‍ക്കുകയും ഇലാത്തിലും ഇഴിയോജ്ഹ്‌റിലും (Elath, Eziongeher) കപ്പല്‍പ്പടയുണ്ടാക്കുകയും ചെയ്തു. ഫിനീഷ്യന്‍ നാവികരാല്‍ (തുഴച്ചിലുകാരാല്‍) ക്വഫിറിലേക്ക് (Qphir) കപ്പലോടിക്കുകയും ധാരാളം അമൂല്യ സമ്പത്തുകള്‍ കൊണ്ടുവരികയും ആയത് ഇരു രാജാക്കന്മാരും കൂടി പരസ്പരം പങ്കുവെക്കുകയും ചെയ്തിരുന്നു. (പേജ് 18, 19) ...ഇന്ത്യയും ജൂഡിയ (Judea) യും തമ്മിലുള്ള വ്യാപാരം സോളമന്റെ കാലത്തോപ്പം ആരംഭിച്ചതല്ല. ഇതിന് വളരെ പൊരാണിക പാരമ്പര്യമുണ്ട്. ക്വഫിര്‍നെപ്പറ്റിയുള്ള പരാമര്‍ശങ്ങള്‍ സോളമന് വളരെ മുമ്പുതന്നെ ക്രോണിക്കിള്‍സ് XXIX, 4, I കിംഗ്‌സ് XXII 48, ഈശയ്യ XIII - 12 ന്നെിവയില്‍ കണ്ടെത്താനാവുന്നുണ്ട്. ബൈബിളിലെ ഈ തെളിവുകള്‍ക്ക് അനുപൂരകങ്ങളായേക്കാവുന്ന ഭാഷാശാസ്ത്രത്തെളിവുകളുണ്ട്. ഹീബ്രു പദമായ 'തുക്കി' (Tuki) 'തോക്കേയി' (Tokei) എന്നീ കാവ്യപദത്തിന്റെ ചെറിയമാറ്റം മാത്രമുള്ള രൂപമാണ് - അതായത് തമിഴ് - മലയാളം ഭാഷയിലെ മയില്‍. അല്ലെങ്കില്‍ ഹീബ്രു പദം അഹാലിം (Ahalim) എന്ന തമിഴ് മലയാളം പദത്തിന്റെ അപഭ്രംശശബ്ദമാകാം. കടപ്പാട്: ഇ ജെ സിംകോക്‌സ് - പ്രിമിറ്റീവ് സിവിലൈസേഷന്‍സ് വാല്യം 1. പേജ് 545)(ഡോ. അംബേഡ്കര്‍ സമ്പൂര്‍ണകൃതികള്‍ വാല്യം 23. പേജ് 19)


2017, സെപ്റ്റംബർ 11, തിങ്കളാഴ്‌ച

എം കെ ഗാന്ധി 'ഹരിജന്‍' എന്ന് അസ്പൃശ്യര്‍ക്ക് പേരിടുന്നു....!!!!


(ഡോ. അംബേഡ്കര്‍ സമ്പൂര്‍ണകൃതികള്‍. വാല്യം 10. പേജ് നമ്പര്‍ 285)

അസ്പൃശ്യരുടെ പ്രശ്‌നങ്ങളില്‍ മാത്രം ശ്രദ്ധിക്കുന്ന ഒരു സംഘടന അവശ്യം വേണ്ടതാണെന്ന് മി. ഗാന്ധി കരുതി. അതനുസരിച്ച് 1932 സെപ്തംബര്‍ 28 ന് ഓള്‍ ഇന്ത്യ ആന്റി അണ്‍ടച്ചബിലിറ്റി ലീഗ് (അഖിലേന്ത്യാ അയിത്തവിരുദ്ധ ലീഗ്) സ്ഥാപിതമായി. ഇതിന്റെ നാമധേയം അത്രക്ക് സുഖകരമല്ലെന്ന് അദ്ദേഹത്തിന് തോന്നിയതിനാല്‍ 1932 ഡിസംബറില്‍ അത് 'ദി സര്‍വന്റ്‌സ് ഓഫ് അണ്‍ടച്ചബിള്‍ സൊസൈറ്റി' എന്നാക്കി. ഈ പേരും മി. ഗാന്ധിക്ക് മധുരമുള്ളതായി തോന്നിയില്ല. അത് പിന്നീട് 'ഹരിജന്‍ സേവക് സംഘം' എന്നാക്കി മാറ്റി. 

അസ്പൃശ്യരെ സംബന്ധിച്ചിടത്തോളം മി. ഗാന്ധി വരുത്തിയ ആദ്യത്തെ പരിവര്‍ത്തനം, അവരുടെ നാമധേയത്തിലെ മാറ്റമാണ്. അസ്പൃശ്യര്‍ എന്നു വിളിക്കുന്നതിന് പകരം മി ഗാന്ധി അവരെ 'ഹരിജനങ്ങള്‍' എന്നു വിളിച്ചു. മി. ഗാന്ധി സ്വാര്‍ത്ഥനാണെന്നും അസ്പൃശ്യര്‍ക്ക് ഹരിജന്‍ എന്ന് പേര് നല്കിയത് വൈഷ്ണവ മതത്തെ ക്ഷയിപ്പിക്കാനാണെന്നും അസ്പൃശ്യര്‍ പറയുന്നു. അസ്പൃശ്യരെ ശിവന്റെ അനുയായികളായ ഹരിജനങ്ങള്‍ എന്നു വിളിക്കപ്പെടാനാണ് അവര്‍ ആഗ്രഹിക്കു ന്നത്, ഹരി എന്ന പദം കൊണ്ട് അര്‍ത്ഥമാക്കുന്നത് ദൈവം എന്നാണ്, വിഷ്ണു എന്നല്ല - ഇതാണ് മി ഗാന്ധിയുടെ ഉത്തരം. ഹരിജന്‍ എന്നതുകൊണ്ട് അര്‍ത്ഥമാക്കുന്നത് ദൈവത്തിന്റെ സന്തതികള്‍ എന്നാണെന്ന് മി. ഗാന്ധി പറയുന്നു.



ഒരു അയിത്ത ജാതിക്കാ രനെ ഹിന്ദു സമൂഹ ത്തിന്റെ ഭാഗമായി കണക്കാ ക്കാന്‍ കഴിയില്ല....! അംബേഡ്കര്‍ പറഞ്ഞു....


(ഡോ. അംബേഡ്കര്‍ സമ്പൂര്‍മകൃതികള്‍. വാല്യം 16. പേജ് 174)

ഉപയോഗപ്രദമായ ഏക അര്‍ത്ഥം അതിന്റെ സാമൂഹികാര്‍ത്ഥമാണ് - ഹിന്ദുസമൂ ഹത്തിലെ ഒരു അംഗം എന്ന അര്‍ഥം. ഒരു അയിത്തജാതിക്കാരനെ ഹിന്ദു സമൂഹത്തിന്റെ ഭാഗമായി കണക്കാക്കാന്‍ കഴിയുമോ? അയാളെ സമൂഹത്തിലെ മറ്റംഗങ്ങളുമായി കൂട്ടിവിളക്കുന്ന ഏതെങ്കിലും മാനുഷികമായ കണ്ണികളുണ്ടോ? ഒന്നുമില്ല. ഒരു സഹവാസവുമില്ല. സഹഭോജനവുമില്ല. ഒന്നു തൊടാന്‍പോലും അവകാശമില്ല. സംസര്‍ഗത്തിനുള്ള അവകാശം അതിലും കുറവാണ്. അയിത്തജാതിക്കാര്‍ ഹിന്ദുവിനെ ഒന്നു തൊട്ടാല്‍ മതി അശുദ്ധമാകാന്‍. അയിത്തജാതിക്കാരെ ഒരു പ്രത്യേക ഘടകമായി കരുതുകയും അത് വസ്തുതയാണെന്ന് ശഠിക്കുകയും ചെയ്യുന്ന പാരമ്പര്യമാണ് ഹിന്ദുമതത്തിന്റേത്. ഹിന്ദുക്കളേയും അയിത്തജാതിക്കാരേയും വേര്‍തിരിക്കുന്ന പരമ്പരാഗതമായ സംജ്ഞകള്‍തന്നെ അയിത്തജാതിക്കാരുടെ വാദഗതിള്‍ തെളിയി ക്കുന്നു. ഈ സംജ്ഞകളനുസരിച്ച് ഹിന്ദുക്കള്‍ സവര്‍ണരെന്നും അയിത്തജാതിക്കാര്‍ അവര്‍ണരെന്നും വിളിക്കപ്പെടുന്നു. ഹിന്ദുക്കളെപ്പറ്റി പറയുന്നത് 'ചാതുര്‍വര്‍ണികര്‍' എന്നാണ്. അയിത്തജാതിക്കാര്‍ 'പഞ്ചമര്‍' ആണ്. വിഭാഗീകരണം അത്രമേല്‍ പ്രധാനവും അതിന്റെ അനുഷ്ഠാനം അത്രമേല്‍ അവശ്യം ആയിരുന്നില്ലെങ്കില്‍ വിവേചനത്തിന്റെ അത്തരമൊരു സംജ്ഞാസംഹിത ഉണ്ടാകുമായിരുന്നില്ല.



2017, സെപ്റ്റംബർ 10, ഞായറാഴ്‌ച

പൂനാക്കരാര്‍ നേട്ടമല്ല, എന്തുകൊണ്ട്?


(ഡോ. അംബേഡ്കര്‍ സമ്പൂര്‍ണകൃതികള്‍. വാല്യം 10. പേജ്. 270)

പൂനാക്കരാര്‍ അസ്പൃശ്യര്‍ക്ക് ഏതാനും സീറ്റുകള്‍ കൂടുതല്‍ നല്കിയെന്ന് വാദത്തിനു വേണ്ടി സമ്മതിച്ചാല്‍ത്തന്നെ, കൂടുതലായി ലഭിച്ച ഈ സീറ്റുകള്‍ കൊണ്ട് എന്തുപ്രയോജനം എന്ന ചോദ്യം അവശേഷിക്കുന്നു. രാഷ്ട്രീയ സംരക്ഷണത്തിനുള്ള ഒരു മര്‍ഗമെന്നനിലക്ക് വോട്ടുചെയ്യാനുള്ള അവകാശം വേണ്ടുവോളമായെന്ന് സാധാരണ കണക്കാക്കപ്പെടുന്നു. എന്നാല്‍ അസ്പൃശ്യരെ സംബന്ധിച്ചിടത്തോളം കൂടുതല്‍ വോട്ടുചെയ്യാനുള്ള അധികാരം ലഭിച്ചതുകൊണ്ടുമാത്രം ഒന്നുമായില്ലെന്ന് കരുതപ്പെടുന്നു. അസ്പൃശ്യരുടെ വോട്ടുകൊണ്ട് തെരഞ്ഞെടുക്കപ്പെടുന്ന ഒരംഗം, അയാള്‍ അസ്പൃശ്യനല്ലെങ്കില്‍, വഞ്ചിക്കാന്‍ ഇടയുണ്ടെന്നും അവരില്‍ ഒരു താത്പര്യവും എടുക്കുകയില്ല എന്നൊക്കെ ഭയപ്പെടുന്നു. അസ്പൃശ്യരുടെ പരാധീനതകള്‍ നിയമസഭകളില്‍ അവതരിപ്പിക്കപ്പെടേണ്ടതാണെന്ന് കണക്കാക്കപ്പെടുന്നു. അതിനുള്ള ഉറപ്പായ മാര്‍ഗം അവര്‍ക്കുവേണ്ടി ഏതാനും സീറ്റുകള്‍ സംവരണം ചെയ്യുകയാണ്. അതുവഴി അസ്പൃശ്യരുടെ പ്രതിനിധികളായി അസ്പൃശ്യര്‍ തന്നെ നിയമസഭയില്‍ ഉണ്ടാകും. ഈ പ്രത്യാശ നിറവേറ്റപ്പെട്ടിട്ടില്ലെന്ന് ഇപ്പോള്‍ തെളിഞ്ഞുകഴിഞ്ഞു. കമ്മ്യൂണല്‍ അവാര്‍ഡില്‍ കുറച്ചു സീറ്റുകളേ നഷ്ടപ്പെട്ടിരുന്നുള്ളൂ. എന്നാല്‍ ആ സീറ്റുകളിലേക്ക് തെരഞ്ഞെടുക്കപ്പെടുന്നവരെല്ലാം സ്വതന്ത്രമനുഷ്യരായിരിക്കുമായിരുന്നു. പൂനാക്കരാറില്‍ കൂടുതല്‍ സീറ്റുകള്‍ അനുവദിക്കപ്പെട്ടിട്ടുണ്ട്. എന്നാല്‍ അടിമകളെക്കൊണ്ടാണ് ഈ സീറ്റുകള്‍ നികത്തപ്പെടുക. അടിമകളുടെ ഒരു സേനാവിഭാഗം ഒരു നേട്ടമാണെങ്കില്‍, തീര്‍ച്ചയായും പൂനാക്കരാര്‍ ഒരു നേട്ടമാണെന്ന് പറയാം.



2017, സെപ്റ്റംബർ 8, വെള്ളിയാഴ്‌ച

വാഴ്ചയുഗം : ദേവസ്വം ബോര്‍ഡ് നിയമനങ്ങള്‍ പി.എസ്.സിക്ക് വിടണം - ...


വാഴ്ചയുഗം : ദേവസ്വം ബോര്‍ഡ് നിയമനങ്ങള്‍ പി.എസ്.സിക്ക് വിടണം - ...: നായാടി മുതല്‍ നമ്പൂതിരി വരെ ഏകൈക ഹിന്ദുത്വം വീമ്പെളുക്കുന്ന സംഘപരിവാര്‍ സംവിധാനങ്ങള്‍ക്കും ദേവസ്വം നിയമനങ്ങളുടെ കാര്യത്തില്‍ മൗനം. കാലങ്...


കമ്മ്യൂണല്‍ അവാര്‍ഡും പൂനാക്കരാറും താരതമ്യം.....


(ഡോ. അംബേഡ്കര്‍ സമ്പൂര്‍ണകൃതികള്‍. വാല്യം 10 പേജ് 269,70)

പൂനാക്കരാര്‍ നിശ്ചിത അനുപാതം വര്‍ധിപ്പിച്ചു എങ്കില്‍ ദ്വിവിധ സമ്മതിദാനാവകാശം എടുത്തുകളയുകയും ചെയ്തു. ദ്വിവിധ സമ്മതിദാനാവകാശനഷ്ടത്തിന് ഒരു വിധത്തിലും പരിഹാരമാവില്ല സീറ്റുകളിലുണ്ടായ വര്‍ധന. കമ്മ്യൂണല്‍ അവാര്‍ഡ് നല്കിയ രണ്ടാമത്തെ വോട്ട് അമൂല്യമായ ഒരു സവിശേഷാവകാശമായിരുന്നു. രാഷ്ട്രീയമായ ഒരായുധമെന്ന നിലക്ക് അതിന്റെ മൂല്യം വിലമതിക്കാന്‍ പറ്റാത്തതായിരുന്നു. ഓരോ നിയോജകമണ്ഡലത്തിലേയും അസ്പൃശ്യരുടെ വോട്ടിന്റെ സംഖ്യാബലം പത്തില്‍ ഒന്ന് എന്ന അനുപാതത്തിലാണ്. സ്വതന്ത്രമായി ഉപയോഗിക്കാന്‍ കഴിയുന്ന വോട്ടിന്റെ ഈ സംഖ്യാബലംകൊണ്ട്, ജാതിഹിന്ദുക്കളെ തെരഞ്ഞെടുക്കുന്ന പൊതുതെരഞ്ഞെടുപ്പിന്റെ വ്യവസ്ഥ നിശ്ചയിക്കുവാന്‍, ഒരു പക്ഷെ ആജ്ഞാപിക്കാന്‍ കഴിഞ്ഞില്ലെങ്കിലും, അസ്പൃശ്യര്‍ക്ക് കഴിയുമായിരുന്നു. അസ്പൃശ്യരുടെകൂടി വോട്ടിനെ ആശ്രയിക്കേണ്ടിവരുന്ന ജാതിഹിന്ദു സ്ഥാനാര്‍ത്ഥി തന്റെ മണ്ഡലത്തിലെ അസ്പൃശ്യരെ അവഗണിക്കാന്‍ ധൈര്യപ്പെടുകയോ, അവരുടെ താത്പര്യങ്ങളോട് ശത്രുത പുലര്‍ത്തുകയോ ചെയ്തില്ല. അവാര്‍ഡില്‍ അനുവദിച്ചതിനേക്കാള്‍ ഇപ്പോള്‍ അസ്പൃശ്യര്‍ക്ക് കൂടുതലായുണ്ട്. എന്നാല്‍ ഇത് മാത്രമാണ് അവര്‍ക്കുള്ളത്. ഓരോ അംഗവും ഉദാസീനമായാണ് പെരുമാറുന്നത്, ഒരു പക്ഷെ, ശത്രുഭാവത്തിലല്ലെങ്കിലും. വിവിധ സമ്മതിദാന സമ്പ്രദായത്തോടെ കമ്മ്യൂണല്‍ അവാര്‍ഡ് നിലനിന്നിരുന്നു വെങ്കില്‍, അസ്പൃശ്യര്‍ക്ക് ഏതാനും സീറ്റുകളുടെ കുറവുണ്ടാകുമായിരുന്നെങ്കിലും, മറ്റ് ഓരോ അംഗത്തിന്റേയും സ്വഭാവത്തില്‍ മാറ്റമുണ്ടാകുമായിരുന്നു. അതുവെച്ചു നോക്കുമ്പോള്‍ അസ്പൃശ്യരുടെ സീറ്റുകളിലുണ്ടായ ഈ വര്‍ധനവ് ഒരു വര്‍ധനവേയല്ല.



ഒടുവിൽ സർക്കാർ വിളികേട്ടു, ദളിത് പെൺകുട്ടിയുടെ വിദേശ പഠനത്തിന് 10 ലക്ഷം അനുവദിച്ചു

Nerella Dalit victims forced out of NIMS?



Nerella Dalit victims forced out of NIMS?: Six Dalits, who were subjected to third-degree torture allegedly by the police in Nerella for questioning the sand mafia, were discharged from NIMS on Thursday evening. But the Dalit victims accused the NIMS authorities of discharging them under pressure though they are yet to undergo further treatment.

Gauri Lankesh: A firebrand journalist vocal on secularism and Dalit rights


Gauri Lankesh: A firebrand journalist vocal on secularism and Dalit rights: Best quality in Gauri was one could always argue with her, dispute her and tell her she was wrong

2017, സെപ്റ്റംബർ 7, വ്യാഴാഴ്‌ച

2017, സെപ്റ്റംബർ 5, ചൊവ്വാഴ്ച

മതം മാറുമ്പോള്‍ പേര് മാറണോ ? ജോസഫിനും മേരിക്കും ചാക്കോയ്ക്കും വറീതിനും പട്ടികജാതി ആകാമോ? ജയകുമാര്‍ എം.കെ.



വാഴ്ചയുഗം : മതം മാറുമ്പോള്‍ പേര് മാറണോ ? ജോസഫിനും മേരിക്കും ചാ...: മത ജാതി സംവരണവുമായി ബന്ധപ്പെട്ടു നടക്കുന്ന പല ചര്‍ച്ചകളിലും നമ്മള്‍ അറിയാതെ പോകുന്ന പല വസ്തുതകളുമുണ്ട്. ദലിതരുടെ മതം മാറ്റവും,
അതോടൊപ്...


ഹിന്ദുക്കള്‍ ക്കും അയിത്ത ജാതിക്കാര്‍ ക്കും പൊതുവായ ഒരു മതമില്ല...! അംബേഡ്കര്‍ പറഞ്ഞു....


(ഡോ. അംബേഡ്കര്‍ സമ്പൂര്‍ണകൃതികള്‍ വാല്യം 16. പേജ് 173, 174)

ഹിന്ദു എന്ന പദം മതപരമായ അര്‍ത്ഥത്തില്‍, അംഗീകൃതമായ വിശ്വാസപദ്ധതിയുടെ അനുയായി എന്ന പരിമിതമായ അര്‍ത്ഥത്തില്‍, പ്രയോഗിക്കപ്പെട്ടാല്‍ അയിത്ത ജാതിക്കാര്‍ ഹിന്ദുക്കളായി വര്‍ഗീകരിക്കപ്പെടാം. ഇവിടെപ്പോലും ഹിന്ദുക്കള്‍ക്കും അയിത്തജാതിക്കാര്‍ക്കും പൊതുവായ ഒരു മതമുണ്ടെന്ന നിഗമനത്തിനെതിരായ ഒരു താക്കീത് ആവശ്യമായി വരുന്നു. അംഗീകൃത വിശ്വാസപദ്ധതിയുടെ അനുയായികള്‍ എന്ന നലയില്‍പ്പോലും അവര്‍ക്ക് ഒരു പൊതുമതമില്ലെന്നതാണ്. വസ്തുത. അവര്‍ക്ക് സമാനമായ ഒരു മതമുണ്ടെന്നതാണ് ഏറെക്കുറേ ശരിയായ പ്രസ്താവം. ഒരു പൊതുവായ മതമെന്നത് പൊതുവായ ചാക്രിക പങ്കാളിത്തമാണ്. വിശ്വാസപദ്ധതി യുടെ അനുഷ്ഠാനങ്ങളില്‍ പൊതുവായ ചാക്രിക പങ്കാളിത്തമില്ല. അയിത്തജാതിക്കാരും ഹിന്ദുക്കളും അനുഷ്ഠാനം നടത്തുന്നത് വെവ്വേറെയാണ്. അവരുടെ വിശ്വാസങ്ങള്‍ക്ക് സാമ്യമുണ്ടായാലും അവര്‍ രണ്ട് അന്യമതസ്ഥരെപ്പോലെയാണ് പ്രവര്‍ത്തിക്കുന്നത്. ഹിന്ദു എന്ന പദത്തിന്റെ ഇച്ചൊന്ന രണ്ട് അര്‍ത്ഥങ്ങളും രാഷ്ട്രീയപ്രശ്‌നം പരിഹ രിക്കാന്‍ പര്യാപ്തമല്ല. രാഷ്ട്രീയപ്രശ്‌നം മാത്രമാണ് ചര്‍ച്ചയെ നീതിമത്കരിക്കുന്നത്.



2017, സെപ്റ്റംബർ 4, തിങ്കളാഴ്‌ച

US-based Sujatha Gidla to pen memoir on life as a Dalit



US-based Sujatha Gidla to pen memoir on life as a Dalit: Sujatha Gidla, who works as a conductor in the New York Subway, will come out with her memoir which will talk about her life as a Dalit in India including living in desperate poverty, amid violence and discrimination based on caste and



ടുറാനിയന്മാരും ദ്രാവിഡരും തമ്മിലുള്ള ബന്ധം...!!!! അംബേഡ്കര്‍ പറഞ്ഞു...


(ഡോ. അംബേഡ്കര്‍ സമ്പൂര്‍ണകൃതികള്‍. വാല്യം 23. പേജ് 16, 17.)

എന്നാല്‍ അവര്‍ ഇന്ത്യയിലെ ആദ്യകാല നിവാസികളായിരുന്നില്ല. നാഗന്മാര്‍ ഇന്ത്യയില്‍ മാത്രം വ്യാപിച്ചിരുന്ന ജനതയുമല്ല. പശ്ചിമ - മധ്യ ഏഷ്യ മുഴുവനായും ഇന്ത്യാ ഉപഭൂഖണ്ഡത്തിലും അവര്‍ വ്യാപിച്ചിരുന്നതായി അംബേഡ്കര്‍ ചൂണ്ടിക്കാട്ടുന്നു; 'ഇന്ത്യയിലെ ആദ്യകാല നിവാസികളായ ദ്രാവിഡരുടെ - അവര്‍ ഒരു വിധത്തിലും ആദിവാസികളല്ലെങ്കിലും - പശ്ചിമേഷ്യന്‍ ജനതകളുമായുള്ള ബന്ധങ്ങള്‍ ശ്രദ്ധിക്കുന്നത് അസ്ഥാനത്താവുകയില്ല. മിസ്റ്റര്‍ ഗുസ്താവ് ഒപ്പെര്‍ട്ട് (Gustav Oppert) പറയുന്നത്; 'ടുറാനിയന്‍ സാമ്രാജ്യങ്ങള്‍ ഉന്നത നിലവാരമുള്ള സംസ്‌കാരം ആര്‍ജിച്ചിരുന്നുവെന്ന് ഗുപ്തലിപികളിലെഴുതിയിരുന്ന ക്യൂണിഫോം (Cuniform) ശിലാഫലകങ്ങളിലൂടെ സംശയാതീതമായി ഇപ്പോള്‍ തെളിയിച്ചിട്ടുണ്ട്. ഈ നാഗരികത, വിചിത്ര ഭൗതികവാദത്താല്‍ ദുഷിച്ചു എന്നു വരികിലും കലയുടേയും ശാസ്ത്രത്തിന്റേയും ചില ശാഖകളില്‍, ഉയര്‍ന്ന തലങ്ങളില്‍ പരിപൂര്‍ണത വികസിപ്പിക്കാനുള്ള കഴിവുകള്‍ സ്വയം തെളിയിക്കുകയുണ്ടായി. ഇക്കാലത്തെ ടുറാനിയന്മാര്‍, പരസ്പരമുള്ള ഭാഷാ ശൈലികളില്‍ പരമാവധി വ്യത്യസ്ഥത പുരലര്‍ത്തിയിരുന്നുവെങ്കിലും അക്കാലത്ത് അരേനയും പേര്‍ഷ്യയും (Ariana, Persia) കൈവശപ്പെടുത്തിയ ഇന്നത്തെ ദ്രാവിഡരുടെ പരമ്പരയില്‍പ്പെട്ടവര്‍ തന്നെയായിരുന്നു. യൂറോപ്പില്‍ ഈ ടുറാനിയന്മാരെ പ്രതിനിധീകരിക്കുന്നതായി കാണപ്പെടുന്നത് എസ്റ്റോണിയ ന്മാരാണ്. കൂടാതെ പശ്ചിമ - മധ്യ ഏഷ്യയില്‍ ധാരാളം പ്രദേശങ്ങളില്‍ അവര്‍ ജനസംഖ്യയിലെ അടിസ്ഥാന ജനവിഭാഗമായി മാറുകയും, അതേസമയം ചൈനയില്‍ ദിവ്യ സാമ്രാജ്യത്തിന്റെ നാഗരികതയുടെ അസ്തിവാരമിടുവാന്‍ സംഭാവന നല്കുകയും ചെയ്തു. 'ഈ ടുറാനിയന്മാര്‍ പ്രാചീന ലോകമെമ്പാടും സാമ്രാജ്യങ്ങള്‍ സ്ഥാപിച്ചിരുന്നു. ടുറാനിയന്മാരുടെ സ്വദേശം അരാല്‍ (Aral) തടാകത്തിന് ചുറ്റുവട്ടത്തുള്ള പ്രദേശമാ ണെന്ന് അനുമാനിക്കുന്നു. അവര്‍ ഏഷ്യയുടെ ഭൂരിഭാഗം പ്രദേശങ്ങളില്‍ പടര്‍ന്നുപി ടിക്കുകയും അവിടങ്ങളില്‍ ഏറ്റവും കുറഞ്ഞത് 1500 വര്‍ഷങ്ങളോളം സര്‍വാധികാ രികളായി വാഴുകയും ചെയ്തു.' ഈജിപ്ഷ്യന്മാര്‍, അസ്സീറിയന്മാര്‍ അക്കാഡിയന്മാര്‍, സുമേറിയന്മാര്‍, ഫിനീഷ്യന്മാര്‍ എന്നിവരെല്ലാം ടുറാനിയന്‍ വംശജരുടെ അതേ ശാഖക്കാരാണ്. ' ഈജിപ്ഷ്യന്‍ സാമ്രാജ്യം സ്ഥാപിക്കപ്പെട്ട് ഏകദേശം 250 വര്‍ഷങ്ങള്‍ക്കു ശേഷം അതായത് ബി സി 2500 ല്‍ ബാബിലോണില്‍ ദീര്‍ഘകാലം ഭരണം നടത്തിയ അക്കാഡിയന്‍ (Akkadian) രാജവംശത്തിനുശേഷം ആര്യന്മാര്‍ ചാല്‍ഡിയാ (Chaldia) ആക്രമിച്ചു. അതേസമയം തന്നെ അവര്‍ പേര്‍ഷ്യന്‍ ഗള്‍ഫ് നാടുകളിലെ കണ്ണനൈറ്റുകാരുടേയും പേര്‍ഷ്യയിലെ ദ്രാവിഡന്മാരുടേയും മേല്‍ ബലപ്രയോഗം നടത്തി, ആദ്യം പറഞ്ഞവരെ വടക്കുപടിഞ്ഞാറന്‍ ഇന്ത്യയിലേക്കും രണ്ടാമത് പറഞ്ഞവരെ തെക്കുകിഴക്കന്‍ ഇന്ത്യയിലേക്കും തുരത്തിയോടിക്കുകയും ചെയ്തു. ആര്യന്മാര്‍ ഇന്ത്യ ആക്രമിച്ചപ്പോള്‍ ഈ ദ്രാവിഡന്മാരില്‍ നിന്നും കടുത്ത എതിര്‍പ്പുകളെ നേരിടേണ്ടിവന്നു. അതുകൊണ്ട് 'ക്രിസ്തുവിന് മുമ്പ് 15 ആം നൂറ്റാണ്ടുവരെ ആര്യന്മാര്‍ പഞ്ചാബിന്റെ അതിര്‍ത്തി കടന്നപ്പുറം പോയിട്ടില്ല' 



ഉത്സവ സംസ്‌കാ രത്തിന്റെ സമകാലി കരാഷ്ട്രീ യം പ്രാദ...


വാഴ്ചയുഗം : ഉത്സവ സംസ്‌കാ രത്തിന്റെ സമകാലി കരാഷ്ട്രീ യം പ്രാദ...: പ്രാദേശിക ജനസമൂഹത്തിന്റെ സാംസ്‌കാരിക രൂപങ്ങളില്‍ പ്രധാനമാണ് ഉത്സവങ്ങള്‍. ഈ പ്രാധാന്യം കണക്കിലെടുത്ത് ഉത്സവ വാര്‍ത്തകള്‍ പ്രസിദ്ധീക രിക...


സിനിമയിലെ ജീവിതാവേഗം - എസ്. ഗിരീഷ്‌കുമാര്‍


വാഴ്ചയുഗം : സിനിമയിലെ ജീവിതാവേഗം - എസ്. ഗിരീഷ്‌കുമാര്‍: പരസ്പരപൂരകമായ സമാനസങ്കല്പങ്ങളാണ് കലയും ജീവിതവും. കൊടുക്കല്‍ വാങ്ങലുകളിലൂടെ പുതിയമേച്ചില്‍പ്പുറങ്ങള്‍ കണ്ടെത്താനും അവിടെ നൂതനശീലങ്ങള്‍ പര...


പുസ്‌തകം: വിവ സാനന്ദരാജ് ആരാണ് ?


വാഴ്ചയുഗം : വിവ സാനന്ദരാജ് ആരാണ് ?: മലയാള സാഹിത്യത്തില്‍ വിവര്‍ത്തനകലയ്ക്ക് സ്വതന്ത്രമായ ഒരു പാതയൊരുക്കുകയും നവമാനങ്ങളും മന്ത്രങ്ങളും ആദേശിച്ച് ആത്മാവിഷ്‌ക്കാരം നടത്തുകയു...

തോല്‍ തിരുമാവലവന്‍



വാഴ്ചയുഗം : ആരാണ് തോല്‍ തിരുമാവലവന്‍: ഇന്‍ഡ്യയില്‍ തന്നെ ഏറ്റവും ശക്തനായ ദലിത് നേതാവ്. തമിഴ്‌നാട്ടിലെ മൂന്നാമത്തെ പ്രബല രാഷ്ട്രീയ കക്ഷിയായ വിടുതലൈ ചിരുതൈ കക്ഷിയുടെ പ്രസിഡന്...

ആരാണ് അസുരന്‍



വാഴ്ചയുഗം : ആരാണ് അസുരന്‍: ഇതിഹാസമായ രാമായണം ബഹുവിധ മാനങ്ങളുടെ ഒരു കൃതിയാണ്. അതിലെ രാമന്‍, സീത, ലക്ഷ്മണന്‍ തുടങ്ങിയ കഥാപാത്രങ്ങള്‍ ദൈവങ്ങളായി ആരാധിക്കപ്പെടു ന്നവ...

2017, സെപ്റ്റംബർ 3, ഞായറാഴ്‌ച

കണ്ണീര്‍മൊഴി......



സാവിത്രീഭായ് ഫൂലെ, 
ഡോക്ടര്‍ അനിതയെ ഗുണദോഷിക്കുന്ന 
സ്വരത്തിന് 
വില്ലുവണ്ടിയുടെ ഞരക്കം....

പതിമൂന്നാം വയസില്‍ 
നിന്റെ അനിയത്തി മാലാവത് പൂര്‍ണക്ക്
എവറസ്റ്റ് കീഴടക്കാന്‍ കഴിഞ്ഞെങ്കില്‍
ഒന്‍പതാം വയസില്‍ 
നിന്റെ അനിയത്തി മദ്ദെല വിനീലക്ക്
കിളിമഞ്ചാരോ കീഴടക്കാന്‍ കഴിഞ്ഞെങ്കില്‍ 
ഇരുപത്തിരണ്ട് വയസിനു മുമ്പ് 
ഒരു ഡോക്ടര്‍....! 
നിന്റെ ബാലികേറാമലയായിരുന്നില്ല...!!!!

അപ്പൂപ്പനൊരാള്‍ മാമലവെട്ടിപ്പിളര്‍ന്ന് 
പാതയൊരുക്കിയതും
മറ്റൊരപ്പൂപ്പന്‍ ചരിത്രത്തിലാദ്യമായി 
വ്യക്തിഗത ഒളിമ്പിക് മെഡല്‍ രാജ്യത്തിനു നേടിയതും....
കാരംസ് ആദ്യലോകചാമ്പ്യനായതും....
ആദ്യത്തെ സ്വാതന്ത്ര്യസമരപ്പോരാളിയായതും..
മറ്റൊരാളല്ലല്ലോ...!!!!

(അപൂര്‍ണം)

HarperCollins India to publish Gidla's memoir of growing up as a Dalit



HarperCollins India to publish Gidla's memoir of growing up as a Dalit: After creating waves in the US literary circles, the provocative memoir of Sujatha Gidla which details her memories of growing up as an



ഭാരതീയ കവി, കാവ്യ സങ്കല്പ ങ്ങള്‍ (വിമര്‍ശ നാത്മക വ്യവഹാ രാപഗ്രഥനം) ഗിരീഷ്‌ കുമാര്‍



വാഴ്ചയുഗം : ഭാരതീയ കവി, കാവ്യ സങ്കല്പ ങ്ങള്‍ (വിമര്‍ശ നാത്മക വ...: വിമര്‍ശനാത്മക സമീപനം ഭാഷയും അധികാരവും എന്ന വിഷയത്തെ ആസ്പദമാക്കി, എണ്‍പതുകളുടെ അവസാനത്തില്‍ വികാസം പ്രാപിച്ച ഭാഷാശാസ്ത്രഗവേഷണ രീതിയാണ് വി...

അരങ്ങില്‍ അയ്യന്‍കാളിയായി സിബി ജോണ്‍സണ്‍



വാഴ്ചയുഗം : അരങ്ങില്‍ അയ്യന്‍കാളിയായി സിബി ജോണ്‍സണ്‍: അധ: സ്ഥിത വര്‍ഗ്ഗ വിമോചകനും ലോകത്തിലെ ആദ്യത്തെ കാര്‍ഷിക വിപ്ലവകാരി യുമായ മഹാത്മ അയ്യന്‍കാളിയുടെ ജീവിതത്തെയും സമര പോരാട്ടങ്ങളെയും ആസ്പദമാ...


2017, സെപ്റ്റംബർ 2, ശനിയാഴ്‌ച

മതസാമ്രാ ജ്യത്തിന്റെ ശിഥിലീ കരണം ശാസ്ത്രം നടത്തിയ മഹാവിപ്ല വത്തിന്റെ ഫലമാണ്....!!!! അംബേഡ്കര്‍ പറഞ്ഞു....



(ഡോ. അംബേഡ്കര്‍ സമ്പൂര്‍ണകൃതികള്‍. വാല്യം 6. പേജ് 11)

മതസാമ്രാജ്യത്തിന്റെ ഈ ശിഥിലീകരണത്തെ ഒരു മഹാവിപ്ലവമായി കണക്കാക്കു ന്നത് തികച്ചും സ്വാഭാവികമത്രേ. മതത്തിനെതിരായി ശാസ്ത്രം നാനൂറ് വര്‍ഷക്കാലം നടത്തിയ യുദ്ധത്തിന്റെ ഫലമാണിത്; ആ യുദ്ധത്തില്‍ മതവും ശാസ്ത്രവും തമ്മില്‍ ഒട്ടേറെ ഘോരസംഘട്ടനങ്ങളുണ്ടായി. പ്രസ്തുത സംഘട്ടനങ്ങള്‍ തട്ടിയുണര്‍ത്തിയ വികാരാവേശം വളരെ വലുതായിരുന്നു; അതുകൊണ്ട്, കത്തിപ്പടര്‍ന്ന വിപ്ലവം ആരിലും മതിപ്പുളവാക്കാതെ പോയില്ല.

ശാസ്ത്രപരമായ ഈ വിപ്ലവം മഹത്തായ ഒരു അനുഗ്രഹമായിത്തീര്‍ന്നുവെന്നതില്‍ സംശയമില്ല. അത് ചിന്താസ്വാതന്ത്ര്യം സ്ഥാപിച്ചെടുത്തു. 'ഒരു കാലത്ത് അന്ധവിശ്വാസത്തോടൊപ്പം പങ്കിട്ടിരുന്ന ലോകത്തെ സ്വന്തമാക്കിക്കൊണ്ടും, മുമ്പ് ഭയപ്പെട്ടിരുന്ന സംഗതികളെ ധൈര്യസമേതം നേരിട്ടുകൊണ്ടും, അങ്ങനെ രഹസ്യങ്ങളുടേതായ തട്ടകത്തില്‍ നിന്ന് ഊര്‍ജ്വസ്വലമായ ഒരു കര്‍മമേഖലയും സ്വതന്ത്രചിന്താമണ്ഡലവും സ്വന്തമായി വാര്‍ത്തെടുത്തുകൊണ്ടും സ്വന്തം നിയന്ത്രണം സ്വയം ഏറ്റെടുക്കാന്‍' സമൂഹത്തെ അത് പ്രാപ്തമാക്കി. മതനിരപേക്ഷവത്കരണ ത്തിന്റേതായ ഈ പ്രക്രിയ - സംസ്‌കാരത്തില്‍ നിന്ന് വ്യതിരിക്തമായ. - നാഗരികത സാധ്യമാക്കിയതിനാല്‍ ശാസ്ത്രജ്ഞര്‍ മാത്രം സ്വാഗതം ചെയ്യുന്നുവെന്നു മാത്രമല്ല, പിന്നെയോ, ദൈവശാസ്ത്രത്തിന്റെ ഉപദേശങ്ങളില്‍ ഏറിയപങ്കും ആവശ്യമില്ലാത്തതും മതപരമായ ജീവിതത്തിന് പ്രതിബന്ധം മാത്രം സൃഷ്ടിക്കുന്നതുമായിരുന്നുവെന്നും ദൈവശാസ്ത്രത്തിന്റെ പ്രകൃതവളര്‍ച്ച മുറിച്ചു കളഞ്ഞ ഈ പ്രക്രിയ സ്വാഗതാര്‍ഹമാ യിരുന്നുവെന്നും മതവിശ്വാസികളായ സ്ത്രീപുരുഷന്മാര്‍ പോലും കരുതുന്നുമുണ്ട്.


2017, ഓഗസ്റ്റ് 31, വ്യാഴാഴ്‌ച

ജെ മുത്തു കൃഷ്ണന്‍: സഹോ ദരങ്ങള്‍ പോയ വഴിയേ സമര നായകന്‍ താനും...


2017 മാര്‍ച്ച് 13 നാണ് ജെഎന്‍യുവില്‍ പിഎച്ച് ഡി വിദ്യാര്‍ത്ഥിയായാരുന്ന ജെ മുത്തുകൃഷ്ണന്‍ 'അക്കാദമിക് പ്രഷര്‍' എന്ന മാരകായുധത്തിന്റെ പ്രഹരമേറ്റ് കൊലചെയ്യപ്പെട്ടത്. തമിഴ്‌നാട്ടിലെ സേലം സ്വദേശിയായിരുന്നു. ജീവാനന്ദനും അലമേലുവുമാണ് അച്ഛനമ്മമാര്‍. തെക്കന്‍ ഡെല്‍ഹിയിലെ ഒരു സുഹൃത്തിന്റെ വീടായ മുനിര്‍ക വിഹാറില്‍ സീലിങ് ഫാനില്‍ കെട്ടിത്തൂങ്ങിയായിരുന്നു മുത്തുകൃഷ്ണന്റെ അന്ത്യം. കൊല്ലപ്പെടുമ്പോള്‍ 27 വയസുണ്ടായിരുന്നു. തമിഴ് സൂപ്പര്‍ സ്റ്റാര്‍ രജനി കാന്തിനോട് വര്‍ദ്ധിച്ച ആരാധനയുണ്ടായിരുന്ന മുത്തുകൃഷ്ണന്‍ 'രജനി കൃഷ്' എന്ന് തന്റെ പേര് മാറ്റിയിരുന്നു!

2015 ല്‍ ജെഎന്‍യുവില്‍ ചേരുന്നതിന് മുമ്പ് മുത്തുകൃഷ്ണന്‍ ഹൈദരാബാദ് സെന്‍ട്രല്‍ യൂണിവേഴ്‌സിറ്റിയില്‍ എംഫില്‍ കോഴ്‌സിന് ചേര്‍ന്നിരുന്നു. 2016 ജനുവരി 17ന് എച്ച്‌സിയുവില്‍ കൊലചെയ്യപ്പെട്ട മറ്റൊരു വിദ്യാര്‍ത്ഥിയായ രോഹിത് വെമുലയോടൊപ്പം മുത്തുകൃഷ്ണന്‍ അംബേഡ്കര്‍ സ്റ്റുഡന്‍സ് അസ്സോസിയേഷന്റെ സജീവപ്രവര്‍ത്തകനുമായിരുന്നു. രോഹിത് വെമുല കൊലചെയ്യപ്പെട്ടശേഷം നടന്ന എല്ലാ പ്രക്ഷോഭ പരിപാടികളിലും മുത്തുകൃഷ്ണന്‍ നേതൃത്വപരമായ പങ്ക് വഹിച്ചിരുന്നു. പലപ്രാവശ്യം തങ്ങളെ വന്ന് കാണുകയും പ്രക്ഷോഭപരിപാടികളില്‍ പങ്കെടുക്കാന്‍ ക്ഷണിക്കുകയും ചെയ്തിരുന്നുവെന്ന് രോഹിത് വെമുലയുടെ അമ്മ രാധികയും സഹോദരന്‍ രാജു വെമുലയും ഓര്‍ക്കുന്നു. 'ജസ്റ്റിസ് ഫോര്‍ രോഹിത് വെമുല' എന്ന സമരപ്രസ്ഥാനം രൂപീകരിച്ചപ്പോള്‍ അതിലെ സജീവാംഗമായി മുത്തുകൃഷ്ണന്‍ മികച്ച പ്രവര്‍ത്തനങ്ങളാണ് നടത്തിയത്. മുത്തുകൃഷ്ണന്‍ അതിനായി എഴുതിയ എല്ലാ ആര്‍ട്ടിക്കിളുകളും താന്‍ വായിക്കുകയുണ്ടായി എന്നും രാജു വെമുല അനുസ്മരിച്ചു. യു പി നിയമസഭയിലേക്കുള്ള തെരഞ്ഞടുപ്പില്‍ ബിജെപി വിജയിച്ചതറിഞ്ഞ ഉടനെതന്നെ അവര്‍ക്ക് അഭിനന്ദനസന്ദേശം അയച്ച ജെഎന്‍യുവിലെ വിസിയായ ജഗദേശ് കുമാര്‍ തന്റെ സ്ഥാപത്തിലെ ഒരു വിദ്യാര്‍ത്ഥി കൊല്ലപ്പെട്ടിട്ട് ഒരു ദിവസംകഴിഞ്ഞാണ് സംഭവത്തോട് പ്രതികരിച്ചതെന്നും രാജു വെമുല കുറ്റപ്പെടുത്തിയതായി വാര്‍ത്താ ലേഖകര്‍ റിപ്പോര്‍ട്ട് ചെയ്തു.

തന്റെ ജാതിസ്വത്വത്തിന്റെ സവിശേഷതകൊണ്ടുതന്നെ മുത്തുകൃഷ്ണന്‍ ദ്രാവിഡവംശ ചിന്താഗതി വിദ്യാഭ്യാകാലത്തുടനീളം വെച്ചുപുലര്‍ത്തിയിരുന്ന വിദ്യാര്‍ത്ഥിയായിരുന്നു. 'അനീതി നേരിടുന്ന എല്ലാ വിദ്യാര്‍ത്ഥികള്‍ക്കും സഹായവുമായി മുത്തുകൃഷ്ണന്‍ ഓടിയെ ത്തുമായിരുന്നു. അത്രക്ക് സമരനിരതനായ ഒരാള്‍ ആത്മഹത്യചെയ്തുവെന്ന് വിശ്വസി ക്കാനാവുന്നില്ല. തന്റെ സഹജീവികള്‍ വിവേചനം നേരിടുന്നു എന്നുള്ളതാണ് മുത്തുകൃഷ്ണനെ അലട്ടിയിരുന്ന ഏറ്റവും വലിയ പ്രശ്‌നം. അല്ലാതെ ആത്മഹത്യചെയ്യാന്‍ മാത്രമുള്ള സ്വകാര്യദുഃങ്ങളൊന്നും അയാള്‍ക്കുണ്ടായിരുന്നില്ല' അടുത്ത സുഹൃത്തുക്കള്‍ വാര്‍ത്താലേഖകരോട് പറഞ്ഞു.

മുത്തുകൃഷ്ണന്‍ ആത്മഹത്യാകുറിപ്പ് എഴുതിവെച്ചിരുന്നില്ല. മാര്‍ച്ച് 10 ന് ഫേസ്ബുക്കില്‍ കുറിച്ച പോസ്റ്റിലൂടെ മുത്തുകൃഷ്ണന്‍ പറയാനുള്ളതെല്ലാം വെളിപ്പെടുത്തിയിരുന്നു. 'സമത്വം വിഷേധിക്കപ്പെടുമ്പോള്‍ സ്വാതന്ത്ര്യം നിഷേധിക്കപ്പെടുന്നു. എംഫില്‍/പിഎച്ച്ഡി പ്രവേശനത്തിലെ സമത്വം നിഷേധിക്കപ്പെടുന്നു, വൈവ - വോസില്‍ സമത്വം നിഷേധിക്കപ്പെടുന്നു, സമത്വത്തിന്റെ നിഷേധമാണ് എവിടേയും, പ്രോഫ. സുഖാദിയോ തൊറാട്ടിന്റെ നിര്‍ദ്ദേശങ്ങള്‍ നിഷേധിക്കപ്പെടുന്നു, അഡ്മിഷന്‍ നടക്കുന്നിടത്തെ അസമത്വത്തിനെതിരായ വിദ്യാര്‍ത്ഥിപ്രക്ഷോഭത്തെ നിരോധിക്കുന്നു, പാര്‍ശ്വവത്കൃതരുടെ മൊത്തം വിദ്യാഭ്യാസാവകാശത്തെ നിഷേധിക്കപ്പെടുന്നു...' 

കൊലചെയ്യപ്പെട്ട മറ്റ് സഹോദരന്മാരെപ്പോലെ പഠനത്തില്‍ അതീവസമര്‍ത്ഥനാ യിരുന്നു മുത്തുകൃഷ്ണനുമെങ്കിലും അവരെയെല്ലാം അപേക്ഷിച്ച് ദലിത് വിദ്യാര്‍ത്ഥികള്‍ക്കു നേരെ തുടരുന്ന വിവേചനത്തെ ചെറുക്കാനുള്ള കര്‍മപദ്ധതികളെ വിഭാവനചെയ്ത് അവതരിപ്പിക്കാനുള്ള അസാധാരണ ബുദ്ധിവൈഭവം പ്രകടിപ്പിച്ചയാളുകൂടിയായിരുന്നു. 2011 ല്‍ പ്രോഫ. സുഖാദിയോ തോറാട്ട് അധ്യക്ഷനായുള്ള ഒരു കമ്മിറ്റി മുമ്പാകെ, ഇംഗ്ലീഷ് ഭാഷ കൈകാര്യം ചെയ്യുന്നതിനുവേണ്ട ശേഷികള്‍ ആര്‍ജിക്കുന്നതിനായി ദലിത് വിദ്യാര്‍ത്ഥികള്‍ക്ക് പ്രത്യേക രീശിനം ലഭ്യമാക്കുന്നതിനുവേണ്ട ഒരു പഠനപദ്ധ തിയുടെ രൂപരേഖ മുത്തുകൃഷ്ണന്‍ അവതരിപ്പിക്കുകയുണ്ടായി. 

എച്ച്‌സിയുവില്‍ ഹിസ്റ്ററി ഡിപ്പാര്‍ട്ട്‌മെന്റില്‍ മുത്തുകൃഷ്ണന്റെ അസോസിയേറ്റ് പ്രൊഫസ്‌റായിരുന്ന ബി ഈശ്വര റാവു, പരിശ്മശാലിയായ മുത്തുകൃഷ്ണന്‍ ആത്മഹത്യചെയ്തുവെന്നത് വിശ്വസിക്കാനാവില്ല എന്ന് അഭിപ്രായപ്പെട്ടു. എംഫില്‍ നുശേഷം ജെഎന്‍യുവില്‍ ചേര്‍ന്ന് പിഎച്ച് ഡി എടുക്കുവാനാണ് പ്രൊഫ. റാവു മുത്തുകൃഷ്ണനെ പ്രേരിപ്പിച്ചത്. എന്നാല്‍ എച്ച്‌സിയുവില്‍ എംഫില്‍ ഒരു സെമസ്റ്റര്‍ പാസായശേഷം മുത്തുകൃഷ്ണന്‍ പിഎച്ച്ഡിക്ക് വേണ്ടി ജെഎന്‍യുവില്‍ ചേരുകയാ യിരുന്നു. പ്രവേശനം നേടിപ്പോകുന്നതിന് മുമ്പായി പ്രൊഫ. റാവുവിനെ വന്നുകണ്ട മുത്തുകൃഷ്ണന്‍ ജെഎന്‍യുവില്‍ ചേരുക എന്നത് തന്റെ സ്വപ്‌ന സാക്ഷാത്കാര മാണെന്ന് അറിയിച്ചിരുന്നു. പാഠ്യവിഷയവുമായി ബന്ധപ്പെട്ട സംശയം തീര്‍ക്കുന്നതിനായി, ഇടക്ക് ജെഎന്‍യുവില്‍ നിന്നും പ്രൊഫ. റാവുവിനെ ഫോണില്‍ ബന്ധപ്പെട്ട മുത്തുകൃഷ്ണന്‍ തനിക്ക് അവിടെ വ്യക്തിപരമായ പ്രശ്‌നങ്ങളൊന്നും നേരിടുന്നില്ലെന്നും കൂട്ടിച്ചേര്‍ത്തിരുന്നു. ജെഎന്‍യുവിലെ ഹിസ്റ്റോറിക്കല്‍ സ്റ്റഡീസ് ഡിപ്പാര്‍ട്ട്‌മെന്റിന്റെലെ ഡോ. ബര്‍ട്ടണ്‍ ക്ലീറ്റസിന്റെ കീഴില്‍ എംഫില്‍ പൂര്‍ത്തിയാക്കണമെന്ന് മുത്തുകൃഷ്ണന് പ്രൊ. റാവു നിര്‍ദ്ദേശവും കൊടുത്തിരുന്നു.

മറ്റെല്ലാവരുടേയും കാര്യത്തിലെന്നതുപോലെ, വകുപ്പുകളനുസരിച്ചുതന്നെ മുത്തുകൃഷ്ണന്റെ മരണത്തിനുത്തരവാദിയായവരെ കണ്ടെത്തി ശിക്ഷിക്കുന്നതിനായി അധികാരികള്‍ കേസ് ചാര്‍ജ് ചെയ്തിട്ടുണ്ട്. ഒരു ചുമതലാനിര്‍വഹണത്തിനപ്പുറം അത് ശംബൂകവധത്തിനുള്ള ശാശ്വതപരിഹാരമാവാത്തതിനാല്‍ കൂടുതല്‍ അതേക്കുറിച്ച് വിശദീകരിക്കുന്നില്ല.

സ്വാതന്ത്യ ലബ്ധിക്കുശേഷം ദശാബ്ദങ്ങള്‍ പിന്നിട്ടിട്ടും ഒരു വിഭാഗം ജനതമാത്രം തുല്യശേഷികള്‍ ആര്‍ജിക്കുന്നില്ല എന്നതിനെക്കുറിച്ച് പഠനമോ അന്വേഷണമോ നടന്നിട്ടില്ല. ആ ശേഷികള്‍ പകര്‍ന്നു നല്‍കാന്‍ ചുമതലപ്പെട്ട അധികാരികള്‍ അതുചെയ്യാതെ, ശേഷികള്‍ ആര്‍ജിക്കാന്‍ കഴിയാത്തവരും അതിനാല്‍ ഉന്നതവിദ്യാഭ്യാസത്തിന് അര്‍ഹതയില്ലാത്തവും എന്ന മുന്‍വിധിയോടെ അവരെ തഴയുകയാണ് പതിവ്. എല്ലാ വിഭാഗം ജനങ്ങളിലും വിദ്യാഭ്യാസമെത്തിക്കുന്നതി ലൂടെയുള്ള സാമൂഹ്യപുരോഗതി എന്ന ലോകതത്വം ഇവിടെ നടപ്പാക്കപ്പെടുന്നില്ല. വിദ്യാഭ്യാസത്തില്‍ താനുള്‍പ്പെടുന്ന ജനവിഭാഗം പിന്നോക്കം പോകുന്നതെന്തുകൊ ണ്ടെന്ന് ചിന്തിക്കാതെ, ആ പിന്നോക്കം പോക്കിന്റെ ഉത്തരവാദിത്വം മുഴുവന്‍ തങ്ങളുടെ തലയില്‍ കെട്ടിവെച്ച് ചുമതലയില്‍ നിന്ന് ഒഴിഞ്ഞുമാറുന്ന പ്രവണത അധികാരികള്‍ അവസാനിപ്പിച്ചെങ്കില്‍ മാത്രമേ തുല്യത കൈവരിക്കാനാവൂ എന്ന വസ്തുത മുത്തുകൃഷ്ണന്‍ തന്റെ കാഴ്ചപ്പാടുകളില്‍ ആവര്‍ത്തിച്ചിരുന്നു. 

മുത്തുകൃഷ്ണനുണ്ടായിരുന്നപ്പോള്‍, കൊലചെയ്യപ്പെട്ട മറ്റു കുട്ടികളുടെ മാതാപിതാ ക്കള്‍ക്ക് ഒരു ആശ്വാസമുണ്ടായിരുന്നു.. ഇപ്പോള്‍ മുത്തുകൃഷ്ണനും പോയപ്പോള്‍.....

Ref: Safwat Zargar www.scoopwhoop.com
KV Lakshmana and Aditya Iyer. www.hindustantimes.com



DHRM - വിവാഹ രീതിയും വസ്ത്ര ധാരണവും കോമാളി ത്തമാണെ ന്ന വാദങ്ങൾ ശരിയോ.??? - ജയകുമാര്‍ എം കെ



നമ്മൾ മനസ്സിൽ രൂപപ്പെടുത്തി വച്ചിരിക്കുന്ന ചില പൊതു ബോധങ്ങളെല്ലാം തന്നെ ബ്രാഹ്മണിക്കലായ ഉൽപ്പന്നങ്ങളാണ്. അവർ നിർമ്മിച്ച സംസ്കാരങ്ങളും, അവരുടെ വസ്ത്രധാരണവും പൊതുസമൂഹത്തിൽ ആഢ്യത്തം കല്പിക്കപ്പെടുകയും പിന്തുടരപ്പെടുകയും ചെയ്യുമ്പോൾ, തദ്ദേശീയ സൈന്ധവ ജനത തീർച്ചയായും ഒരു ബദൽ അന്വേഷണം നടത്തേണ്ടതുണ്ട്. അത് നമ്മുടെ നിലനിന്നിരുന്ന സാംസ്കാരികതയുടെ വീണ്ടെടുപ്പും, പിന്തുടരുകളും ആവുമ്പോൾ മാത്രമാണ് സവർണ്ണ പൊതുബോധ നിർമ്മിതിയെ പ്രതി സ്ഥാനത്തു നിർത്തുന്ന സൈന്ധവ സാംസ്കാരിക വിപ്ലവമായതു മാറുകയുള്ളൂ. നിലയിൽ മുന്നോട്ടു വയ്ക്കുന്ന ബദലുകൾ കൃത്യവും, അഭിനന്ദാർഹവുമാണ്. ബ്രാഹ്മണ സൃഷ്ടിയായ പുരാണങ്ങളിൽ ദേവ അസുര ദ്വന്ദ്വങ്ങളെ വരച്ചു വച്ചിരിക്കുന്നതിൽ അവർ സ്വയം, അന്യദേശക്കാരായ (സ്വർഗ്ഗവാസികൾ) 'ദേവ' സ്ഥാനത്തു നിൽക്കുമ്പോൾ മണ്ണിൽ ജീവിച്ച 'അസുര'ന്മാർ ആരായിരുന്നുവെന്ന ചോദ്യത്തിൽ നിന്നാണ് ഇത്തരം ബദലുകൾ രൂപപ്പെടുന്നത്. പുരാണങ്ങളെല്ലാം തന്നെ വീരകഥകളായി പറയുന്നത് വൈദേശിക ആര്യന്മാരും, സൈന്ധവ ജനതയും തമ്മിലുള്ള സംഘട്ടനങ്ങൾ ആണെന്നതിൽ തർക്കമൊന്നുമില്ല. അവർ ആക്രമിക്കുകയും അവർ തന്നെ സ്വയം 'വീര'ന്മാരും 'ഉത്തമ പുരുഷ'ന്മാരുമായി ചിത്രീകരിക്കുകയും ആക്രമിക്കപ്പെട്ട തദ്ദേശീയ ജനതയെ 'രാക്ഷസന്മാരും', 'കുരങ്ങന്മാരും' 'അസുരന്മാരുമായി' ചിത്രീകരി ച്ചുകൊണ്ട് അവർക്കനുകൂലമായ ചരിത്രനിർമ്മിതി തീർക്കുകയായിരുന്നു. അതെഴുതി യതാവട്ടെ സവർണ്ണർക്കു മാത്രം പ്രാപ്യമാവുന്ന തരത്തിൽ 'സംസ്കൃത'മെന്ന ആര്യ ഭാഷയിലും. വേദങ്ങളിലും പുരാണങ്ങളിലും കൂട്ടിവച്ചിട്ടുള്ള ബ്രാഹ്മണിക് ലക്ഷ്യങ്ങളെ സംരക്ഷിക്കാനും നേടിയെടുക്കാനുമായി ഒരു 'ഭരണഘടന' തന്നെ ബ്രാഹ്മണർ വിഭാവനം ചെയ്തു. എന്നിട്ട് 'മനുപ്രജാപതി' എന്ന ഇല്ലാത്ത ഏതോ ഒരു കർത്താവിനെയും സൃഷ്ടിച്ചു . ഭരണഘടനക്ക് 'മനുസ്മൃതി' എന്ന പേരും നൽകി. നൂറ്റാണ്ടുകളോളം മനുസ്മൃതി പ്രകാരം ദേശീയ ജനതയെ അപരിഷ്കൃതരും അയിത്തക്കാരുമാക്കി ഭരിച്ചുവന്നു.

ചില കാലഘട്ടങ്ങളിലെല്ലാം ചില വ്യക്തികളും കൂട്ടങ്ങളും ഇത്തരം വൈദേശിക ബ്രാഹ്മണിക് നിർമ്മിതികളെയും അവരുടെ സംസ്കാരത്തെയും ചോദ്യം ചെയ്തിരുന്നു. ആര്യാഗമന കാലത്തു അതായത് വേദങ്ങൾക്കും, പുരാണങ്ങൾക്കും മുൻപ്, മണ്ണിൻറെ യഥാർത്ഥ അവകാശികളായ അസുരൻമാരും മറ്റും ആര്യബ്രാഹ്മണരുടെ ആക്രമണങ്ങളെ കായികപരമായി ചെറുത്തപ്പോൾ, പിൽക്കാലത്ത് ബുദ്ധനും, ജൈനനും, ചാർവ്വാ കൻമാരും ആര്യബ്രാഹ്മണരെയും അവരുടെ സൃഷ്ടികളായ വേദങ്ങളെയും പുരാണ ങ്ങളെയും യുക്തിപരമായി എതിർത്തുപോന്നു. ബ്രാഹ്മണിക് യുക്തി എന്നും ശാസ്ത്ര ത്തിനും പുരോഗമന ചിന്തകൾക്കും നേർവിപരീതമായതിനാൽ ബൗദ്ധീകവും യുക്തിപരവും ശാസ്ത്രീയവുമായ ബുദ്ധ,ചർവ്വക ദർശനങ്ങളോട് പല സന്ദർഭങ്ങളിലും പരാജയപ്പെടേണ്ടി വന്നു. എന്നാൽ ഹിംസയുടെയും, ആക്രമണത്തിൻറെയും, ചതിയു ടെയും പാത വശമില്ലാതിരുന്ന അസുരന്മാരേയും ബൗദ്ധരേയും കായികാക്രമണ ങ്ങളിലൂടെയും ചതിയിലൂടെയും ആര്യബ്രാഹ്മണർ കൊന്നൊടുക്കി. ഹിരണ്യ കശിപ്പൂ എന്ന മഹാനായ സൈന്ധവ രാജാവിനെ, അദ്ദേഹം നിരായുധനായി നിൽക്കുന്ന സമയം കൂട്ടിലടച്ച സിംഹത്തെ തുറന്നു വിട്ടു കൊലപ്പെടുത്തി. എന്നിട്ട് കൊലപാതകത്തെ ന്യായെകരിച്ചു കൊണ്ട് വീര പുരാണം രചിച്ചു. കൊലപ്പെടുത്തിയ 'സിംഹം' വിഷ്ണു എന്ന ഇല്ലാദൈവത്തിന്റെ 'നരസിംഹാ'വതാരമായി. ഹിരണ്യ കശിപുവിനെ കൊലപ്പെടുത്താൻ സഹായിച്ച ചട്ടുകമായ അദ്ദേഹത്തിൻറെ മകൻ പ്രഹ്ളാദനെ വിഷ്ണുഭക്തനായ മഹാനാക്കി. തൻറെ സഹോദരിയുടെ മൂക്കും മുലയും ഛേദിച്ച ആര്യ രാമലക്ഷ്മണന്മാരെ ചോദ്യം ചെയ്ത് രാമൻറെ ഭാര്യ സീതയെ കടത്തി കൊണ്ട് വന്ന രാവണമഹാരാജൻ, ഒരു സ്ത്രീയെന്ന നിലയിൽ അവർക്ക് എല്ലാ പരിഗണനയും നൽകി അവരെ പരിരക്ഷിക്കുയാണുണ്ടായത്. എന്നാൽ ചതിയനും ചട്ടുകവുമായ വിഭീഷണനെ കൂട്ട് പിടിച്ചു രാമൻ സൈന്ധവ രാജാവായ രാവണനെ ചതിച്ചു കൊലപ്പെടുത്തി. പക്ഷെ ചരിത്രത്തിൽ രാവണൻ ദുഷ്ടനും രാമൻ ഉത്തമനും ആയി. ബാലീ എന്ന സൈന്ധവ രാജാവിനെയും കൊലപ്പെടുത്തുന്നത് സുഗ്രീവൻ എന്ന ചട്ടുകത്തിന്റെ സഹായത്തോ ടെയാണ്. ബാലിയെന്ന ശക്തനായ നാഗവംശജനെ നേരിട്ടെതിർക്കാനുള്ള കഴിവ് പോലും ദൈവമായ രാമനില്ലായിരുന്നു. ഒളിച്ചിരുന്നാണ് അയാൾ ബാലിയെ കൊലപ്പെടുത്തി യത്.അതിനെ ന്യായീകരിക്കാൻ ബ്രാഹ്മണർ കണ്ടെത്തിയ വഴി ബാലിക്ക് കിട്ടിയ 'വരം' ആയിരുന്നു. നേർക്കുനേർ എതിർക്കുന്നവരുടെ പകുതി ശക്തി ബാലിക്ക്കിട്ടുമെന്ന മുടന്തൻ ന്യായവാദം. ഇക്കാലത്തെല്ലാം രാമൻറെ നിഴൽ പോലെ നടന്ന സൈന്ധവ ചട്ടുകമായിരുന്നു ഹനുമാൻ. മഹാബലിയുടെയും വാമനൻറെയും ചരിത്രവും മറിച്ചല്ല. പറഞ്ഞു വരുന്നത് ചരിത്രത്തിൽ ഇങ്ങനെ നിരവധിയായ ബ്രാഹ്മണിക് സൃഷ്ടികൾ ഉണ്ട്. അവയെല്ലാം തന്നെ പൊതു സമൂഹത്തിനു സ്വീകാര്യമായ രീതിയിൽ മാറ്റിയെടുക്കാൻ അവർക്കു കഴിഞ്ഞട്ടുണ്ട്. 'ഓണം വാമനജയന്തിയാണെന്നും, മഹാബലിയുടെ ബിംബങ്ങൾ ക്ഷേത്രങ്ങളിൽ നിന്നും മാറ്റണ'മെന്ന് പറയുന്നതും വെറുതെയല്ല. ആര്യന്മാരുടെ തലമുറകൾ ഇത്തരം ബോധങ്ങളെ കൃത്യമായി കൈമാറ്റം ചെയ്യുകയും അത് പിന്തുടർന്ന് പോരുകയും ചെയ്യുന്നുണ്ട്. സംഘപരിവാറിൻറെ ആത്യന്തിക ലക്ഷ്യം തന്നെ വൈദേശിക ആര്യ സൃഷ്ടികളുടെ സംരക്ഷണവും, 'മനുസ്മൃതി' അനുസരിച്ചുള്ള ഭരണവുമാണ്

അശാസ്ത്രീയമാണെന്നറിയാമായിരുന്നിട്ടും, 'മയിലിൻറെ കണ്ണീരിൽ നിന്നാണ് പ്രത്യൽപ്പാദനം നടക്കുന്ന'തെന്നും, 'പശു ഓക്സിജൻ ശ്വസിച്ചു ഓക്സിജൻ പുറത്തു വിടുന്ന മൃഗമാണെന്നു'മൊക്കെയുള്ള വാക്കുകൾ സമൂഹത്തിൽ ഉന്നത സ്ഥാനം വഹിക്കുന്നവരിൽ നിന്നുപോലും ഉണ്ടാവുന്നത് അത്ര നിഷ്കളങ്കമായി തള്ളിക്കളയേ ണ്ടതല്ല. എന്നാൽ അസുര/സൈന്ധവ ജനതയ്ക്ക് ബ്രാഹ്മണിസത്തിനു ബദലായുള്ള അവരുടെ സംസ്കാരത്തേയും ചരിത്രത്തെയും കൃത്യമായി കൈമാറ്റം ചെയ്യാൻ സാധിച്ചിട്ടില്ല. സാമൂഹികമായ അടിച്ചമർത്തലുകളും, വിദ്യാഭ്യാസപരമായ മാറ്റിനിർത്ത ലുകളുമെല്ലാം അതിനു കാരണമാണ്. എന്നാൽ പരംപൂജനീയ ബാബാസാഹേബിൻറെ പഠനങ്ങളും വേദ പുരാണങ്ങൾ അവലോകനം ചെയ്ത ചരിത്രകാരന്മാരുടെ ഇടപെടലുകളും ദേശീയജനതയുടെ സാംസ്കാരിക വീണ്ടെടുപ്പിനു ആക്കം കൂട്ടി. 1956- ബുദ്ധിസ്സം സ്വീകരിച്ചു കൊണ്ട് ബാബ സാഹേബ് പറഞ്ഞത് ''ഞാൻ എൻറെ സംസ്കാരത്തിലേക്ക് തിരികെ പോകുന്നു'' എന്നാണ്. വാക്കുകൾ തദ്ദേശീയ ജനതയ്ക്ക് നൽകിയത് വലിയൊരു ബദൽ രാഷ്ട്രീയമാണ്. ആര്യ ബ്രാഹ്മണ ചരിത്രനിർമ്മിതിക്കും മുൻപ് സൈന്ധവരുടെ ഒരു സംസ്കാരം നിലനിന്നിരുന്നുവെന്നും, നമ്മൾ സംസ്കാരം പിന്തുടരണമെന്നുമുള്ള കൃത്യമായ സന്ദേശമാണ് ബാബ നൽകിയത്. പറഞ്ഞു വരുന്നത് 'പൂണൂലും' 'കുടുമയും' 'കസവുമേൽമുണ്ടും' ആഢ്യ വേഷമാണെന്ന ബ്രാഹ്മണിക് മൂല്യങ്ങളെ പിന്തുടരേണ്ട യാതൊരു ബാധ്യതയും ഇന്ത്യയിലെ ആദിമജനതക്കില്ല എന്നാണ്. നമ്മളെ സംബന്ധിച്ച് പൂണൂലും, കുടുമയും കോണകവും ഒക്കെയാണ് അപരിഷ്കൃത നിലയിൽ കാണേണ്ടത്. വെളുത്ത വസ്ത്രമാണ് വിവാഹം പോലുള്ള ശുഭകാര്യങ്ങൾക്കു അനുയോജ്യമെന്ന വൈദേശിക ആര്യ സങ്കൽപ്പങ്ങളെ വെല്ലുവിളി ച്ചുകൊണ്ടാണ് കറുത്ത വസ്ത്രമണിഞ്ഞു ദേശീയ സൈന്ധവർ വിവാഹത്തിൽ ഏർപ്പെടുന്നത്. അത് വെളുപ്പിൻറെ രാഷ്ട്രീയത്തിന് ബദലായുള്ള കറുപ്പിൻറെ കരുത്തുള്ള രാഷ്ട്രീയം കൂടിയാണ്. ഇത് കേവലം കേരളത്തിൽ മാത്രം മുന്നോട്ടു വയ്ക്കുന്ന ബദലുകളല്ല. ഇന്ത്യയില പലഭാഗത്തും ബ്രാഹ്മണിക് ബോധങ്ങൾക്കു ബദലായുള്ള സാംസ്കാരിക ഇടപെടലുകൾ ഉണ്ടാവുന്നുണ്ട്. സവർണ്ണ സങ്കൽപ്പങ്ങളിൽ വില്ലനായുള്ള മഹിഷാ സുരനേയും, രാവണനേയും ആരാധിക്കുന്ന ദേശീയ/ഗോത്ര ജനത വടക്കുകിഴക്കൻ സംസ്ഥാനങ്ങളിൽ ഉണ്ട്. ദുർഗ്ഗാഷ്ടമിയെ മഹിഷാസുര ജയത്തിയായി ആഘോഷിച്ചു കൊണ്ട് ബ്രാഹ്മണിക് വിശ്വാസങ്ങളെ ചോദ്യം ചെയ്യുന്ന സമൂഹം ഇപ്പറയുന്ന 'അപരിഷ്കൃത' കോളത്തിൽ അച്ചടിക്കപ്പെടുന്നുണ്ട്. JNU ഉൾപ്പെടെയുള്ള അക്കാദമിക ഇടങ്ങളിൽ പോലും സ്വത്വബോധം ഉള്ള ദേശീയ ജനത ബദൽ സംസ്കാര ങ്ങളെ ഉയർത്തിക്കൊണ്ടുവരുന്നുണ്ട്. അതുകൊണ്ട് DHRM- വിവാഹ രീതികൾ കോമാളിത്തമെന്ന വാദത്തോട് വിയോജിച്ചു കൊണ്ട് പറയട്ടെ ബ്രാഹ്മണിക്കലായുള്ള വയൊന്നും അപരിഷ്കൃതമായി തോന്നാത്ത കാലത്തോളം സൈന്ധവ ജനത മുന്നോട്ടു വയ്ക്കുന്ന സംസ്കാരങ്ങളും, വേഷങ്ങളും അപരിഷ്കൃതമായി തോന്നേണ്ട കാര്യമില്ല. മാത്രമല്ല അത്തരം ബദലുകളെ പ്രോത്സാഹിപ്പിക്കുക വേണം. അതൊരു രാഷ്ട്രീയം കൂടിയാണ്.