"Until the lions have their own historians the history of the hunt will always glorify the hunter...."
- Chinua Achebe

2017, ഏപ്രിൽ 20, വ്യാഴാഴ്‌ച

ബ്രാഹ്മണര്‍ കീഴാളവര്‍ഗങ്ങള്‍ക്ക് അന്യര്‍ മാത്രമല്ല ശത്രുവും കൂടിയാണ്....!!!!! അംബേഡ്കര്‍ പറഞ്ഞൂ.....

(ഡോ. അംബേഡ്കര്‍ സമ്പൂര്‍ണകൃതികള്‍. വാല്യം 17. പേജ് 63. 64)

ശൂദ്രരുടേയും അയിത്തജാതിക്കാരുടേയും നിയമദാദാക്കളെന്ന നിലയിലുള്ള ബ്രാഹ്മണരുടെ പ്രവര്‍ത്തനചരിത്രം ലോകത്തിന്റെ മറ്റുഭാഗങ്ങളിലെ ബുദ്ധിജീവിവര്‍ഗത്തിന്റെ ചരിത്രവുമായി താരതമ്യപ്പെടുത്തിയാല്‍ ഏറ്റവും ഇരുണ്ടതാണ്. ബ്രാഹ്മണര്‍ ഇന്ത്യയില്‍ ചെയ്തതുപോലെ ഒരു ബുദ്ധിജീവി വര്‍ഗവും തന്റെ രാജ്യത്തെ അനഭ്യസ്ഥവിദ്യരെ അജ്ഞതയിലും ദാരിദ്ര്യത്തിലും തളച്ചിടാന്‍ തത്വദര്‍ശനം കണ്ടുപിടിക്കുന്നതിന് സ്വന്തം ബുദ്ധിശക്തിയെ വ്യഭിചരിച്ചിട്ടില്ല. ഇന്നത്തെ ഓരോ ബ്രാഹ്മണനും വിശ്വസിക്കുന്നത് അവരുടെ പൂര്‍വികര്‍ നിര്‍ദേശിച്ചു നല്കിയ ബ്ര്ഹ്മണ്യ ത്തിന്റെ തത്വദര്‍ശനമാണ് ഇതെന്ന്. ബ്രാഹ്മണര്‍ ഹിന്ദുസമൂഹത്തില്‍ ഒരു അന്യനാണ്. ബ്രാഹ്മണരും അവരെ എതിര്‍ക്കുന്ന ശൂദ്രരും അയിത്ത ജാതിക്കാരും ജര്‍മന്‍കാര്‍ ഫ്രഞ്ചുകാര്‍ക്കെന്ന പോലെയും ജൂതന്മാര്‍ അവിശ്വാസികള്‍ക്കെന്നപോലെയും, അഥവാ വെള്ളക്കാര്‍ നീഗ്രോ കള്‍ക്കെന്ന പോലെയും വിദേശികളാണ്. ബ്രാഹ്മണര്‍ക്കും അയിത്തജാതി ക്കാര്‍ക്കും ശൂദ്രര്‍ക്കുമിടയില്‍ യഥാര്‍ത്ഥത്തില്‍ ഒരു ഉള്‍ക്കടലുണ്ട്. ബ്രാഹ്മണര്‍ കീഴാളവര്‍ഗങ്ങള്‍ക്ക് അന്യര്‍ മാത്രമല്ല ശത്രുവും കൂടിയാണ്. അയാള്‍ക്ക് അവരോടുള്ള ബന്ധത്തില്‍ മനസ്സാക്ഷിക്കു സ്ഥാനമില്ല. നീതിയുടെ ഉള്‍വിളിക്കിടവുമില്ല.