"Until the lions have their own historians the history of the hunt will always glorify the hunter...."
- Chinua Achebe

2017, ഏപ്രിൽ 24, തിങ്കളാഴ്‌ച

സംവരണം അമേരി ക്കക്കാര്‍ 'നിയന്ത്രണ സന്തുല നങ്ങള്‍' എന്നു വിളിക്കുന്ന സമ്പ്രദാ യത്തിന്റെ മറ്റൊരു പേരാണ്...! അംബേഡ്കര്‍ പറഞ്ഞു....


അടിമവര്‍ഗങ്ങള്‍ സംവരണം ആവശ്യപ്പെടുന്നത് ഭരണോപാധികള്‍ നിയന്ത്രിക്കുന്ന ഭരണവര്‍ഗത്തിന്റെ അധികാരത്തിന് പരിധി നിശ്ചയിക്കാന്‍ വേണ്ടിയാണ്. സംവരണത്തിന് ദുഷ്‌കീര്‍ത്തിയുണ്ടാക്കാനാണ് ഭരണവര്‍ഗം ശ്രമിക്കുന്നത്. സംവരണവാദികളെ തൂക്കിലേറ്റാന്‍ പ്രാപ്തിനേടുകയാണ് അവരുടെ ലക്ഷ്യം. സംവരണം യഥാര്‍ത്ഥത്തില്‍ അമേരിക്കക്കാര്‍ 'നിയന്ത്രണ സന്തുലനങ്ങള്‍' എന്നു വിളിക്കുന്ന സമ്പ്രദായത്തിന്റെ മറ്റൊരു പേരാണ്.

ഈ നിയന്ത്രണ സന്തുലനങ്ങല്‍ എല്ലാ ഭരണഘടനക്കും ആവശ്യമാണ്. ജനാധിപത്യത്തെ അതിന്റെ ശത്രുക്കള്‍ കീഴ്‌പെടുത്താതിരിക്കാന്‍ ഇത് അനിവാര്യമാണ്.

അടിമവര്‍ഗങ്ങള്‍ ആവശ്യപ്പെടുന്ന സംവരണങ്ങള്‍ അമേരിക്കന്‍ രീതിയി ലുള്ള നിയന്ത്രണ സന്തുലനങ്ങളില്‍ നിന്നു രൂപത്തില്‍ വ്യത്യാസമാണെ ന്നതുകൊണ്ട് അവയുടെ സ്വഭാവത്തില്‍ മാറ്റം വരുന്നില്ല. നിയന്ത്രണ സന്തുലനങ്ങളുടെ രൂപങ്ങള്‍ നിര്‍ണയിക്കേണ്ടത് രണ്ട് പരിഗണനകള്‍ വെച്ചുകൊണ്ടു വേണം. ഒന്ന;് ജനാധിപത്യം യാഥാര്‍ത്ഥ്യമാകണമെങ്കില്‍ ഭരണഘടനക്കും സാമൂഹിക സംസഥകള്‍ക്കും തമ്മില്‍ ഒരു സഹബന്ധം ആവശ്യമാണ്. സാമൂഹിക സംസ്ഥകള്‍ ഓരോ രാജ്യത്തും രൂപപരമായി വ്യത്യാസമായതിനാല്‍ രാഷ്ട്രീയ ഭരണഘടനകളിയെ നിയന്ത്രണ സന്തുലനങ്ങളും വ്യത്യസ്തമായിരിക്കണം. ഉദാഹരണത്തിന് ജാതിവ്യവസ്ഥ രൂഢമൂലമായ ഒരു രാജ്യത്തിനാവശ്യമായ നിയന്ത്രണ സന്തുലനങ്ങള്‍ സാമൂഹിക ജനാധിപത്യത്തിന്റെ ചൈതന്യം തുടിക്കുന്ന ഒരു രാജ്യത്തിനാ വശ്യമായ നിയന്ത്രണ സന്തുലനങ്ങളില്‍ നിന്നു വ്യത്യസ്തമാകാതെ വയ്യ. രണ്ട്: അധികാരശക്തമായ ഭരണവര്‍ഗത്തിന്റെ അടിച്ചമര്‍ത്തലിനെതിരായി അടിമവര്‍ഗങ്ങള്‍ക്ക് ഉറച്ച ഒരു നിലപാടുതറ നല്‌കേണ്ടത് ആവശ്യമാണ്. ചില രാജ്യങ്ങളില്‍ ഭരണവര്‍ഗത്തിനെതിരായി അടിമവര്‍ഗങ്ങള്‍ക്കു നിലയുറപ്പിക്കാന്‍ പ്രായപൂര്‍ത്തി വോട്ടവകാശം പര്യാപ്തമായെന്നു വരാം. എന്നാല്‍ ഇന്ത്യയിലെ സ്ഥിതി തികച്ചും ഭിന്നമാണ്. ഇന്ത്യയില്‍ ഭരണവര്‍ഗ ങ്ങള്‍ സവര്‍വശക്തരും സര്‍വവ്യാപികളുമാണ്. അതിനാല്‍ അടിമവര്‍ഗങ്ങള്‍ക്ക് ഭരണവര്‍ഗങ്ങളില്‍ നിന്ന് സ്വയം രക്ഷിക്കാന്‍ പോന്ന ശക്തിനല്കാന്‍ പ്രായപൂര്‍ത്തി വോട്ടവകാശം കൂടാതെ മറ്റ് പരിഹാരമാര്‍ഗങ്ങളും ആവശ്യമാണ്. ഈ നിരീക്ഷണങ്ങളുടെ വെളിച്ചത്തില്‍, അടിമവര്‍ഗങ്ങള്‍ ആവശ്യപ്പെടുന്ന സംവരണങ്ങള്‍, അവ അമേരിക്കന്‍ ഭരണഘടനയില്‍ മൂര്‍ത്തമാക്കപ്പെട്ട നിയന്ത്രണ സന്തുലനങ്ങലില്‍ നിന്ന് രൂപപരമായി വ്യത്യസ്തമാണെങ്കിലും മൗലികമായി നിയന്ത്രണ സന്തുലനങ്ങള്‍ തന്നെയാണെന്ന് കാണാം, എതിരഭിപ്രായം രൂപവത്കരിക്കുന്നതിന് മുമ്പായി.