"Until the lions have their own historians the history of the hunt will always glorify the hunter...."
- Chinua Achebe

2017, ഏപ്രിൽ 15, ശനിയാഴ്‌ച

ജനാധിപത്യവും ജനാധിപത്യപരമായ ജീവിത ശൈലിയും നീതിബോധവും മനസ്സാക്ഷിയുമെല്ലാം ഹിന്ദുമനസ്സിന് അന്യമാണ്..! അംബേഡ്കര്‍ പറഞ്ഞു....

(ഡോ. അംബേഡ്കര്‍ സമ്പൂര്‍ണകൃതികള്‍. വാല്യം 17. പേജ് 34)

പണ്ഡിറ്റ ജവഹര്‍ലാലിലേക്ക് തിരിയാം. അദ്ദേഹം പ്രചോദനം തേടുന്നത് ജെഫേഴ്‌സണ്‍ പ്രഖ്യാപനത്തില്‍ നിന്നാണ്. എങ്കിലും 60 ദശലക്ഷം അസ്പൃശ്യരുടെ സ്ഥിതിയെപ്പറ്റി അദ്ദേഹം ലജ്ജയോ പശ്ചാത്താപമോ പ്രകടിപ്പിച്ചിട്ടുണ്ടോ? അദ്ദേഹത്തിന്റെ തൂലികയില്‍ നിന്നു നിര്‍ഗളിക്കുന്ന സാഹിത്യപ്രവാഹത്തില്‍ എവിടെയെങ്കിലും അവരെപ്പറ്റി പരാമര്‍ശിച്ചിട്ടു ണ്ടോ? വേണമെങ്കില്‍ ഇന്ത്യയിലെ യുവജനങ്ങളെ സമീപിക്കൂ. സര്‍വകലാ ശാലകളെ നിറക്കുകയും പണ്ഡിറ്റിന്റെ നേതൃത്വം പിന്തുടരുകയും ചെയ്യുന്ന യുവാക്കള്‍ ബ്രിട്ടീഷുകാര്‍ക്കെതിരായി ഇന്ത്യയുടെ രാഷ്ട്രീയ സമരം നടത്താന്‍ സദാ സന്നദ്ധരാണ്. എന്നാല്‍ ഹിന്ദുക്കളിലെ സമ്പന്നവര്‍ഗ ത്തിന്റെ ഈ സന്തതികള്‍ സ്വന്തം പിതാമഹന്മാര്‍ അസ്പൃശ്യരോടു കാട്ടിയ തെറ്റുകള്‍ പരിഹരിക്കാന്‍ എന്താണ് ചെയ്തിട്ടുള്ളത്. രാഷ്ട്രീയ പ്രചാരണ ത്തില്‍ പങ്കുചേരാന്‍ ആയിരക്കണക്കില്‍ യുവാക്കളെ കിട്ടും. എന്നാല്‍ ജാതിവ്യവസ്ഥ തകര്‍ക്കാനോ അയിത്തം ഇല്ലാതാക്കാനോ ഒറ്റ യുവാവിനെ പ്പോലും കിട്ടുകയില്ല. ജനാധിപത്യ തത്വങ്ങളിലുള്ള വിശ്വാസത്താല്‍ പരിരക്ഷിക്കപ്പെടുന്ന ജനാധിപത്യവും ജനാധിപത്യപരമായ ജീവിത ശൈലിയും നീതിബോധവും മനസ്സാക്ഷിയുമെല്ലാം ഹിന്ദുമനസ്സിന് അന്യമാണ്. ജനാധിപത്യവും സ്വാതന്ത്ര്യവും അത്തരം 'ടോറിക്കൈകളില്‍' ഏല്പിച്ചുകൊടുക്കുക എന്നത് ജനാധിപത്യവിശ്വാസികള്‍ക്കു ചെയ്യുവാന്‍ കഴിയുന്ന ഏറ്റവും വലിയ അപരാധമായിരിക്കും.