"Until the lions have their own historians the history of the hunt will always glorify the hunter...."
- Chinua Achebe

2017, ഏപ്രിൽ 18, ചൊവ്വാഴ്ച

മനുഷ്യര്‍ മനുഷ്യരോടുകാട്ടുന്ന മനുഷ്യത്വഹീനതയാണ് ബ്രാഹ്മണ മതം....!!! അംബേഡ്കര്‍ പറഞ്ഞൂ....


(ഡോ. അംബേഡ്കര്‍ സമ്പൂര്‍ണകൃതികള്‍ വാല്യം 17. പേജ് 63)

ബ്രിട്ടീഷുകാര്‍ ഇന്ത്യയെ മൊത്തമായി നിരായുധീകരിച്ചുകൊണ്ടാണ് ഭരിക്കുന്നതെന്ന് കോണ്‍ഗ്രസ് രാഷ്ട്രീയക്കാര്‍ പരാതിപ്പെടുന്നു. എന്നാല്‍ ശൂദ്രരുടേയും അയിത്തജാതിക്കാരുടേയും സമ്പൂര്‍ണ നിരായുധീകരണ മായിരുന്നു ബ്രാഹ്മണര്‍ പ്രഖ്യാപിച്ച നിയമവാഴ്ച എന്നത് അവര്‍ വിസ്മരിക്കു ന്നു. ശൂദ്രരേയും അയിത്തജാതിക്കാരേയും നിരായുധീകരിക്കുന്നതില്‍ ബ്രാഹ്മണര്‍ ദൃഢമായി വിശ്വസിച്ചിരുന്നു. ബ്രാഹ്മണര്‍ സ്വന്തം താത്പര്യം സംരക്ഷിക്കാന്‍ സ്വയം ആയുധവത്കരിക്കുന്നതിന് നിയമം പരിഷ്‌കരി ച്ചപ്പോഴും ശൂദ്രര്‍ക്കും അയിത്തജാതിക്കാര്‍ക്കുമെതിരായ വിലക്കുകള്‍ പഴയ കാര്‍ക്കശ്യത്തോടെ നിലനിര്‍ത്തുകയായിരുന്നു. ഇന്ന് ഇന്ത്യയിലെ ബഹുഭൂരിപക്ഷം ജനങ്ങളും ഷണ്ഡന്മാരും ചൈതന്യശൂന്യരും പൗരുഷ വിഹീനരും ആയിട്ടുണ്ടെങ്കില്‍ അത് അവരെ യുഗങ്ങളായി സമ്പൂര്‍ണ നിരായുധീകരണത്തിനിരയാക്കിയ ബ്രാഹ്മണനയത്തിന്റെ ഫലമാണ്. ബ്രാഹ്മണരുടെ പിന്തുണയില്ലാതെ ഒരു തിന്മയുമില്ല; സാമൂഹികമായ ഒരു തെറ്റുമില്ല. ജാതിബോധം, തൊട്ടുകൂടായ്മ, തീണ്ടിക്കൂടായ്മ, അപ്രാപ്യത തുടങ്ങിയ മനുഷ്യന്‍ മനുഷ്യനോടുകാട്ടുന്ന മനുഷ്യത്വ ഹീനതയാണ് അവരുടെ മതം.