"Until the lions have their own historians the history of the hunt will always glorify the hunter...."
- Chinua Achebe

2017, ഏപ്രിൽ 13, വ്യാഴാഴ്‌ച

ഇന്ത്യന്‍ ഭരണഘടനയില്‍ സാമുദായിക പദ്ധതിക്ക് സ്ഥാനം നല്‌കേണ്ടതിന്റെ ആവശ്യകത. അംബേഡ്കര്‍ പറഞ്ഞു.....


(ഡോ. അംബേഡ്കര്‍ സമ്പൂര്‍ണകൃതികള്‍. വാല്യം 17. പേജ് 26)

ഇന്ത്യന്‍ ഭരണഘടനയില്‍ സാമുദായിക പദ്ധതിക്ക് സ്ഥാനം നല്‌കേണ്ട തിന്റെ ആവശ്യകതയെന്താണെന്ന് അസ്പൃശ്യര്‍ക്കു വേണ്ടിയുള്ള പൊതുസേവനത്തുറകള്‍ വ്യക്തമാക്കുകയും അവ അവരുടെ പ്രത്യേക ഉടമസ്ഥതയിലേക്ക് നീക്കിവെക്കേണ്ടതെന്തിനാണെന്നുമുള്ള പ്രശ്‌നം. ഈ ആവശ്യങ്ങളുടെ നീതിമത്കരണം അനായാസവും വ്യക്തവുമാണ്. ഇത് ഉത്ഭവിക്കുന്നത് ഹിന്ദുക്കളില്‍ നിന്ന് അസ്പൃശ്യരെ വിഭജിച്ച് നിര്‍ത്തുന്നത് അവശ്യഘടകങ്ങളുടെ അന്തരമല്ലെന്ന അനിഷേധ്യവസ്തുതയില്‍ നിന്നാണ്. അത് മൗലികമായ ശത്രുതയുടേയും അനുതാപരാഹിത്യത്തിന്റേയും കാര്യമാണ്. ഇതിന് പ്രത്യേക തെളിവൊന്നും ആവശ്യമില്ല. അസ്പൃശ്യരും ഹിന്ദുക്കളും തമ്മിലുള്ള സഹജമായ ശത്രുത തെളിയിക്കാന്‍ ജാതിവ്യവസ്ഥ ഒന്നുമാത്രം മതി. ഈ ശത്രുത നിലവിലിരിക്കെ, ബ്രിട്ടീഷുകാരില്‍ നിന്ന് ഹിന്ദുക്കള്‍ക്ക് സ്വാതന്ത്ര്യവും സ്വാശ്രയത്വവും ലഭിക്കുവാന്‍ അവരെ ആശ്രയിക്കണമെന്നും അവര്‍ നീതികാട്ടുമെന്നു വിശ്വസിക്കണമെന്നും അസ്പൃശ്യരോട് ആവശ്യപ്പെടാന്‍ സാധ്യമല്ല. ഹിന്ദുക്കളെ വിശ്വസിക്കാന്‍ പറ്റില്ലെന്ന് അസ്പൃശ്യര്‍ പറയുന്നത് ശരിയല്ലെന്ന് ആര്‍ക്ക് പറയാന്‍ കഴിയും?