"Until the lions have their own historians the history of the hunt will always glorify the hunter...."
- Chinua Achebe

2017, ജൂലൈ 27, വ്യാഴാഴ്‌ച

ഗോത്രബാഹ്യവിവാഹനിരോധനമാണ് ജാതിയുടെ ഏകലക്ഷണം...!!!! അംബേഡ്കര്‍ പറഞ്ഞു.....


(ഡോ. അംബേഡ്കര്‍ സമ്പൂര്‍ണകൃതികള്‍. വാല്യം 1. പേജ് 15, 16)

ഇന്ത്യയിലെ ജാതിയുടെ സൃഷ്ടിയുടേയും സംരക്ഷണത്തിന്റേയും പ്രശ്‌നം വിശദീകരിച്ചു കഴിഞ്ഞു. ഇനി അതിന്റെ ഉത്പത്തിയാണ് വിശദീകരിക്കേണ്ടത്. ഉത്പത്തിയുടെ പ്രശ്‌നം അപ്പോഴും അലോ സരമുണ്ടാക്കുന്ന ഒന്നാണ്. ജാതിയുടെ പഠനത്തില്‍ അത് ഖേദകര മാംവിധം അവഗണിക്കപ്പെടുന്നു. ചിലര്‍ അത് കണ്ടഭാവം നടിക്കു ന്നില്ല, മറ്റു ചിലര്‍ അതില്‍നിന്ന് സൂത്രത്തില്‍ ഒഴിഞ്ഞുമാറുന്നു. ജാതിയുടെ ഉത്പത്തിയോ എന്ന് മറ്റുചിലര്‍ അമ്പരക്കുന്നു. ഇക്കൂട്ടര്‍ ഇങ്ങനെ നിര്‍ദ്ദേശിക്കുന്നു: 'ഉത്പത്തി' എന്ന പദത്തിനോടുള്ള ഇഷ്ടം നിയന്ത്രിക്കാനാവുന്നില്ലെങ്കില്‍ നമുക്ക് അതിന്റെ ബഹുവചനം ഉപയോഗിക്കാം. 'ജാതിയുടെ ഉത്പത്തികള്‍'. എന്നെ സംബന്ധിച്ച് ഇന്ത്യയിലെ ജാതിയുടെ ഉത്പത്തി അമ്പരപ്പുളവാക്കുന്നില്ല. എന്തുകൊണ്ടെന്നാല്‍ ഞാന്‍ നേരത്തേ സമര്‍പ്പിച്ചതുപോലെ ഗോത്രബാഹ്യവിവാഹനിരോധനമാണ് ജാതിയുടെ ഏകലക്ഷണം. ജാതിയുടെ ഉത്പത്തിയെന്നു ഞാന്‍ പറയുമ്പോള്‍, സഗോത്രവിവാ ഹത്തിന്റെ യാന്ത്രികവൃത്തിയുടെ ഉത്പത്തിയെന്നാണ് അര്‍ത്ഥ മാക്കുന്നത്.