"Until the lions have their own historians the history of the hunt will always glorify the hunter...."
- Chinua Achebe

2017, ജൂലൈ 28, വെള്ളിയാഴ്‌ച

സമ്പത്തി നേക്കാള്‍ ഉപരി മതം അധികാ രത്തില്‍ സ്വാധീനം ചെലുത്തു ന്നു....!!! അംബേഡ്കര്‍ പറഞ്ഞു....


(ഡോ. അംബേഡ്കര്‍ സമ്പൂര്‍ണകൃതികള്‍. വാല്യം 1. പേജ് 51, 52)

ഒരു വ്യക്തിക്ക് സമൂഹത്തിലുള്ള ഉന്നതപദവി പലപ്പോഴും അധികാരത്തിന്റേയും ശക്തിയുടേയും ഉറവിടമാകാറുണ്ട്. ഇതിന്റെ തെളിവാണ് മഹാത്മാക്കള്‍ സാധാരണക്കാര്‍ക്കുമേല്‍ ആധിപത്യം ചെലുത്തുന്നത്. ഇന്ത്യയിലെ കോടീശ്വരന്മാര്‍ നിര്‍ധനരായ സന്യാസിമാരേയും ഫക്കീര്‍മാരേയും അനുസരിക്കുന്ന തെന്തുകൊണ്ട്? ഇന്ത്യയിലെ കോടിക്കണക്കിലുള്ള പാവങ്ങള്‍ അവരുടെ ആകെ സമ്പാദ്യമായ അല്ലറചില്ലറ ആഭരണങ്ങള്‍ വിറ്റും കാശിയിലും മെക്കയിലും തീര്‍ത്ഥയാത്രപോകുന്നതെന്തുകൊണ്ട്? മതം അധികാരത്തിന്റെ ഉറവിടമാണ്. ഇന്ത്യാചരിത്രം തന്നെ ഇതിന് തെളിവ് നല്കുന്നുണ്ട്. ഇവിടെ സാധാരണക്കാര്‍ക്കുമേല്‍ ഒരു മജിസ്‌ട്രേട്ടിനേക്കാള്‍ കൂടുതല്‍ ആജ്ഞാപനശക്തിയുള്ളത് ഒരു പുരോഹിതനാണ്. പണിമുടക്കുകളും തെരഞ്ഞെടുപ്പുകളുമടക്കം എല്ലാ പ്രവൃത്തികളും മതപരമായ സ്വഭാവമാര്‍ജിക്കുന്നത് ഇവിടെ സാധാരണമാണ്.